KƆLƆ́SE 2:9 - Kɛ́lɛ Niinaí

⁹ Kíya bɛ́lɛ nuu búsa lúwu í Kílisitii w̃a, kɛ́ aá lɔ́ ngáá Ngalá pele kpɛ́lɛɛ su.

KƆLƆ́SE 2:9 Iomraidhean Croise

MÁFIYU 1:23

“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:22

Ná bɔ́ilopoi ná í yangáimani, kɛ i ɣɛa ngí núu walaí w̃a, ‘Kawalái, sí yí ndengɔ́ má ngí kɛngá, kɛ́ seiw̃áa bih̃íw̃aa lɔ nɛ́nɛ na nungáá taá na.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:22

Hɛ́ɛ́ma Ỹínangi í yéi, í héi ma. Kpatɛ gilíí gúlangɔ i ɣɛi lá ngáá poovóó. Kɛ ngoo tá í gulangá ngelegóóh̃u, ngoí ná vá i ɣɛi ngáá sí, “Yá lɔ yí ngáá ní H̃íỹɛndou Loí, ndóngɔ ngáá í ye. Yá lɔ́ ndíílɛingɔ tɔ́ í hááw̃a.”

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

NJƆÚ 1:16

Maa haa bɔwɔ́i í ndiíh̃u laahéngɔ, i kɛ́a ngáá háwu a mú Ngalángi háá bɔwɔí sí w̃ááhɔlɔnga kɛɛlɛ́ ngáá mba.

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 10:38

Kɛ́ ná ngáá ɣɛ́ ngáá ti wo, kíya bɛ́lɛ wáá lái ngáá ngé, kɛ a lá hɔ́ɔ́ ngáá káámaa háitii ngí ti ɣɛa. Kɛinɔɔ́ wú ngátɔ mba kpál̃au ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ sú.”

NJƆÚ 14:20

Folói ná w̃a vá, wáá ɣɛ kɔlɔ́ ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ su aáva wáá ɣɛ mɔ́ɔ́ kɔlɔ ngáá maa wúyeni mu ɣɛ kíli i yíla kpé pele kpɛ́lɛɛ su.

NJƆÚ 17:21

Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ.

NJƆÚ 2:21

Kɛ́ aáva Hɛ́ɛ́ma Yála Pɛ́lɛi kái kái Jísu í ɣɛ́i áá yɛ́pɛ mba, i ɣɛi ngáá kpɔwɔ́ bɔ́wɔ búsai.

TI GƐ́Ɛ́ HAÍTII 17:29

Faalɔ, ná mu ngáá ngi léngaa, málaa gisíya ngáá kɛ laá Ngalá kpatɛ kílii lɔ ngáá kɛ kíya góóli í na ɔɔ kɛ kíya kaní kóle ngí na ɔɔ kɛ kíya kɔtu ɣɛ kíli í na, nuu búsa áá kpátɛ ngáá ngi géle ɣele pele í maa vɔ́nɛ pɔnɛ́.

KƆ́L̃E GƆ́LƆI HELE KÉLEI 5:19

Ní gééla woí waa ngáá, Ngalá ngí ti lówah̃u bátɛngɔ taá núi kpɛ́lɛɛ Kílisitii w̃aa véle w̃a. Ngalá ngáá ti háá ỹɔítii séini gi má ɔ́ɔ́ pɛlɛ́ ti wa ngáá faá aáva i keela wói sí hénga ní yaá áá ngákɛ kíya í tí lówah̃u bátɛngɔ taá núi kpɛ́lɛɛ.

KƆLƆ́SE 1:19

Ngalá kpútei lɔ́ í suubátɛngɔ ngi nɛ́ɛ́mbɛ h̃u ngáá ngi H̃íỹɛndou Loí í ɣɛ́ nɔ́ɔ ngáá laá Ngala kɛ kíli pele kpɛ́lɛɛ sú.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.