KƆLƆ́SE 2:8 - Kɛ́lɛ Niinaí

⁸ A waá kɛ nuu fíli ɔ́ɔ́ wú yákpolowa ngáá ngoo bɔ́ɔ́w̃aa lendáá wú w̃a áá gúla nuu búsa ndá géle ɣele su, bɔw̃álale nátii kpɛ́lɛɛ tɔ nɔ́ɔ́ ngáá nuu búsa gálambo ɛ́ɣɛ ngakpa ŋáni ỹɔu ỹɔungáitii tí ngélewu. Kele ɣéle táálii nátii tɛ́i gúla Kílisitii yáa.

KƆLƆ́SE 2:8 Iomraidhean Croise

MÁFIYU 10:17

A w̃aah̃ú béle, nungáá lɔ na tiyɛ́i taa ɣɛ́ taa wú hóu, táá lí ngáá wú ye kóótiitii su. Aáva taa ɣɛ́ taa wú léve ti Yála fɛli máákpɔ wotaítii mbu.

MÁFIYU 16:6

Kɛ Jísu i ɣɛa ti w̃a, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii, Júsuai sítii taa ɣɛ́ ti w̃a Falósiai ɛ́ɣɛ Júsuai sítii taa ɣɛ́ ti w̃a Sájusiaitii ti ndái.”

MÁFIYU 7:15

Kɛ Jísu í mɔ́ɔ ɣɛa ta, “A w̃ááh̃u béle ngáá sítii taá nde ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ ngáá tɔɔỹaá. Sífaa ná taa ɣɛ́a vá wu yelé, taá ɣɛ ngáá mbaala ɣɛ kíli ti luwúi w̃a, kɛ́ ti h̃úú vélei ti ɣɛ kíli aa ɣɛ ngáá fula húwa ỹɔu ỹɔungaa.

TI GƐ́Ɛ́ HAÍTII 17:18

Kalambo kɛ́ɛ́ɣɛai tɛingáá sítii taa ɣɛ́ ti w̃a Ɛpikíliyangai taa sítii taa ɣɛ́ ti w̃a Sutɔ́wɔngai ti ɣɛ́i taa Pɔ́ɔ w̃aaɣaalí. Ti lɛ́ingaa tí mɔɔni mbóni, ti ɣɛ́ ta, “Ndeé gíte lɔ faa yátɔ tala w̃ɔí sí áá ɣɛ́ í nde?” Pekaitii pa tí ndení ti ɣɛ́ ta, “Yáá ɣɛ nɔ́ɔ laá lɔɔ yɛ́pɛ kɔwɔ́ato koha yalángaa wa.” Ti sí léni bɔw̃álale Pɔ́ɔ i ɣɛi áá Ngala ngói le kɔwɔ́ato Jísu taá mbuyoɣe saa h̃úi wa.

TI GƐ́Ɛ́ HAÍTII 17:32

Ná tí faa ỹɛ́nini kɔwɔ́ato mbuyoɣe saa h̃úi wa, ti lɛ́ingaa ti ɣɛ́i taá ngɛ́lɛ gúla su. Kɛ́ ti lɛ́ingaa tí ndéni ma, ti ɣɛ́ ma, “Ni longɔ́ɔ́ le múl̃ɔ ní faa ỹɛ́ni kɔwɔ́ato faí sí wa.”

LÓÓMI 16:17

Mu mbála Yala fɛ́li mbélai, wu w̃áánɛɛnɛngɔ gítee le, a waayaa naa w̃ááh̃u béle gíte ngáá nuí fíli áá ɣɛ́ wú lííwaa ngáá í vá ngáá ndowah̃u kɔlɛ́ háa, ɔ́ɔ́ í kɛ́ ngáá háwu faa í víli Ngala fɛ́lindai h̃u, ná wáá ngáá, sítiini taa léle ngáá ti híya ngáá kalambongítiini wú maahɔ́lɔngɔ, a waa báha kpahá sú wáá ná w̃aa núngai,

KƆ́L̃E HESENDAA GƆLƆÍ 10:12

Faalɔ, nuí fíli áá ɣɛ́ kí ma ngáá kɛ aá lɔ́ lóóni kpáŋ Ngala fɛ́lindai h̃u, maa w̃ɔ́i í w̃ááh̃u béle ngáá pangɔ́ ɔ́ɔ́ va gúla su.

KƆ́L̃E HESENDAA GƆLƆÍ 8:9

Kɛ́ ná fíli su, a w̃aah̃ú belé ngáá pangɔ́, wálaa kɛ sí wú kɔ́lɔ ngáá wɔ́ɔ́ bɔ́ɔ́ kɛ, aa wú wá ngáá faá, ná ɔ́ɔ́ kɛ ngáá háwu sítii ti h̃úúbangɔ láá lé Ngalá fái h̃u, tɔɔ́ víli faa ỹɔú h̃u.

KƆ́L̃E GƆ́LƆI HELE KÉLEI 10:5

Ná vólu, naá núu fíli ngánjei la áá yóóɣe í ló ngáá ndiiwɔɔlɔ́ tɔɔỹaá gééla woí láá wú kɔwɔ́ato Ngalá mba. Ná vólu, naá kɛ ngáá háwu nungáitii tíwaa gísiya kíya Kílisitii áá ɣɛ́ loí taayaa gisíya.

GALÉSIYA 1:14

Naa sítii kínɛi ní ɣɛ́i laakáinga ngí ɣɛ́i ti wutúwɔ Júsuai ti Yála fɛli kílii w̃áa véle w̃a. Ngí ɣɛ́i golóni ngwala ni káwalani ti gálambongitii mbu.

GALÉSIYA 4:3

Ngimɔ́ɔ́ nɔ́ɔ a mú ɣɛ́ngɔ na, ngakpa ŋáni ỹɔu ỹɔungáitii ti ngélewui sí w̃ááh̃u ti ɣɛ́i mu ɣɛní ngáá nduwɔ lopoá ɣɛ́ kíli ti wu, í ló su kpóloo mu ɣɛ́ tɔɔỹái wɔlɔ.

GALÉSIYA 4:9

Kɛ́ ná naá wú Ngala kɔ́lɔ, aá ɣele bɛlɛ́ ngí ndé ngáá ná náa Ngala ngí pele laa wú lówah̃u, ndeénii le í kɛ́a wáá vóte múl̃ɔ ŋanii nátii mba tiyɛ́i ti h̃úúbangɔ láá lé ngwala, ná vólu, nga ngáá ti wa? Wú lóngɔɔ lé wú ɣɛ́ ngáá nduwɔ lopóa ti wu múl̃ɔ?

GALÉSIYA 5:15

Kɛ́ ná wú lúva gilíí áá ɣɛ́ ngáá kíya ndɔbɔ huwáitii tí na, wáá bɔwɔ́ lúwu yá fúúlɛ, wáá ỹanda héi heí ỹɔw̃ɔ́ ỹɔ́w̃ɔ wa, kɛ ná wáá ɣɛ́ wáá fái sítii kɛ, kɛ́ a nda gi sú ngáá kɛ wá lɔ́ɔ vá bɔ́wɔ háá h̃uu ỹáánima pɔ́lɛɣɛ pɔ́lɛɣɛ.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 4:20

Sí tí wú gálangɔ lá kɔwɔ́ato Kílisitii wa, aa ɣɛi h̃íí na.

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

FÉLEPA 3:2

A w̃aah̃ú belé ngáá kéke máá nuú búsai nátii, tiyɛ́i taá tuva ỹɔ́u ỹɔ́ungi wó í ti gi má ngáá ti wumáá aa wó ngáá ti luwúitii taa ɣɛ́a tevé téve mba.

KƆLƆ́SE 2:18

A waá kɛ́ nuu fíli ɔ́ɔ́ lɛ́ɣɛ wú h̃u ngáá bɔwɔ́ yéɣendaa wú yáa ngáá kɛ aá lɔ́ ngáá ngakpa mɔ́ɔ́ wala áá wú su lɔ. Álaa kpa kɛŋɛ́ ngáá wú lɛ́ɣɛ bɔwɔ́ h̃u ɔ́ɔ́ mɔ́ɔ́ kɛ wɔ́ɔ́ malékani fɛ́li. Nátii kpɛ́lɛɛ tɔ nɔ́ɔ ngáá suuwɔɔlɔ́ háá gbááma. Nuu láálii na áá bɔwɔ́ gílisu léve faa ɣɛ́ fááw̃a, kɛ́ ngi gísiyai lɔ nɔ́ɔ ngáá nuu búsa gisíya ɣɛ kíli.

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

KƆLƆ́SE 2:22

Nátii kpɛ́lɛɛ tɔ nɔ́ɔ ngáá mɛɛní ɛ́ɣɛ kpɔle wɔlíngaa nga ngɛ́i mɔ́ɔ ɣɛ ti wa nuu áá lí ndɔ́bɔ wa ngáá ti ye. Nátii kpɛ́lɛɛ tɔ́ nɔ́ɔ ngáá nuu búsa ndá háva langɔ́ ɛ́ɣɛ maa gálambongaitii taa tí wo.

KƆLƆ́SE 2:23

Nungái sítii taá sáva laalíi nátii kpátɛ, aa ɣɛ́ nungáá gi ma ngáá kɛ ti géle ɣelengɔɔ lé, kɛ́ taá géle ɣeléni kulo bɛ́lɛ. Ná nuu áá ɣɛ́a gólo sava laalíi nátii mbu, aa kula ngáá kɛ í lóngɔɔ lé ngáá Ngalá ngwála, í mɔ́ɔ kula ngáá aa ngáá suuwɔɔlɔ́ w̃ɔ́ɔ, í mɔ́ɔ kula ngáá kɛ maa w̃ɔ́i lehé lɔ́ bɔ́wɔ w̃a. Kɛ́ savaí nátii tɛ́i hómbo tɔɔ́ núú h̃úúhou w̃a faa ỹɔ́u ɣɛ́ fááw̃a.

TÍMOTI HESENDAA GƆLƆÍ 6:20

Tímoti, sítii Ngalá ngí féa í yáá ngáá yááyaa ti ɣɛ, ti w̃ááh̃u béle ngáá pangɔ́. Léve njɛpɛí sítii pólu tɛi ɣɛ́ ngáá Ngala njɛ́pɛ aáva pele áá ti h̃u ɛ́ɣɛ tamál̃a mááɣaaliitii kɔwɔ́ato sí wa nungái ti lɛ́ingaa taá tóli ngáá kele ɣeléngi,

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

HÍBULU 3:12

Mu mbála Yalá fɛ́li mbélai, a w̃aah̃ú béle ngáá nda tálai ɛ́ɣɛ faa ỹɔ́u líí álaa ɣɛ́ wú líí h̃u, ɔ́ɔ́ kɛ wɔ́ɔ́ vólu yáfe Ngalá mba lɛ́i ndɛɛh̃ú í su.

PÍTƐ HESENDAA GƆLƆÍ 1:18

Wú kɔlɔ́ sí í wálangɔ wú vólu véle h̃u ngáá wú ngumaawóngi w̃ááhɔlɔngɔ, wáá mɔ́ɔ kulasuunúma lála hái nátii su wú káwalani ti ɣɛ́ngɔ taá kɛ wúndaa hóungɔ ti yaá. Sí í wú wúmaawongɔ aá ngáá ŋani tá ngáá áá ỹááni kíya kaní kóle ɔɔ góóli gapangí í na.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

NJƆÚ GƆ́LƆI HELE KÉLEI 1:8

Faale, a w̃aah̃ú béle gíte ngáá pangɔ kɛinɔɔ́ wɔ́ɔ́ va wála sí w̃a ni yéngenga ma ɛ́ɣɛ wú kúlasuunumai w̃aahɔ́lɔ ngáá ngafɔ́ningɔ.