KƆLƆ́SE 2:7 - Kɛ́lɛ Niinaí

⁷ A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

KƆLƆ́SE 2:7 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:48

Maa w̃ɔ́i ɣɛ kíli aa ɣɛ ngáá siỹɛndópoi sí í ɣɛ́i áá pɛlɛ́i lo. I loí ndowái wɔmá í ló su í foló kɔtuí w̃a í pɛlɛ́i gɔwɔ́i hítɛ ma. Ná njɛí i wáni, njɛhéngi i vaaní í héi pɛlɛ́i ná wa kɛ́ aa tiikáni bɔw̃álale tongɔ́ i ɣɛi lá váni.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 1:21

Ngalá kpútei lɔ áá kɛ ngáá háwu a maa wúyeni maa báha su kpáŋ Kílisitii wa. Laáva laá gítei lɔ í mu ɣɛ́a ngáá ngi lókolo mba yélaa,

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 4:21

Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

Ɛ́FƐSƆ 5:20

Mu Lemɔ́i Jísu Kílisitii laahéingi h̃u, a mu ɣɛ́ nɔ́ɔ fɔ́ máa sɛ́ɣɛɛ gula Kɛɛɣɛí Ngala má faa kpɛ́lɛɛ su.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

TƐSALÓNIKA HESENDAA GƆLƆÍ 5:18

Wááyaa sɛ́ɣɛɛ gula Ngalá má faa híí fíli su nɔ́ɔ sífaa, ná lɔ́ Ngalá ndóngɔ lá wú yaa kpahaíi wa wú su Jísu Kílisitii wa.

HÍBULU 13:15

Jísu w̃aa véle w̃a a mu ɣɛ́ nɔ́ɔ fɔ́ a maá Ngalá tɛ́. Ná lɔ́ áá ɣɛ ngáá saáɣa ɣɛ kíli nuu áá kúla Ngalá ngéle. Sí lɔ́ í ngáá saáɣai áá gúla mu la ná á maa gáhe ngáá Jísu lɔ í ngáá mu Lemɔ́i.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:12

Ná wáá ɣɛ́ wáá wú Yála fɛ́li ndááỹɛngi wo, nungái sítii kulangɔ́ɔ́ lé ngáá ỹandáá bɔíŋngɔ áá ɣɛ́ la wú lááỹɛ mbo máa. Tɛí gísiya ngáá nungáá vékaa kulo bɛ́lɛ, ti wúfe talángɔɔ lé. Ti beɣéngɔɔ lé nɔ́ɔ ngáá bɔwɔ. Ti gúlangɔɔ lé nɔ́ɔ ngáá njɛ bilíí fɛfɛngí áá ɣɛ́ áá maa lúkpe, kɛ́ ɛi wa. Ti gúlangɔɔ lé ngáá ngulúitii tɛ́i wá ti wa sɔ́wɔi ɔ́ɔ́ bɔ́ɔ́ folo ma. Ti gúlangɔɔ lé múl̃ɔ ngáá ngulúitii taa ti vulúkula í báha ti hápei kpɛ́lɛɛ mbá tí há pɔ́.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:20

Kɛ́ wɛ́i wú ngáá mu mbála vandáitii, hɛ́ɛ́ma lángi í wú h̃u í ló wú h̃u, í wú h̃úúba kpé wú híya velé h̃u. A waayaa Ngala fɛ́li Hɛ́ɛ́ma Ỹínangi yákpangi h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.