KƆLƆ́SE 2:6 - Kɛ́lɛ Niinaí

⁶ Ná wú lókoheinga Jísu Kílisitii wú ngáá wú Lémɔi, náá hááw̃a, a ɣɛ́ kíya Jísu Kílisitii í na wú báha kílii su mba.

KƆLƆ́SE 2:6 Iomraidhean Croise

MÁFIYU 10:40

Jísu í mɔ́ɔ́ ɣɛ ta, “Nuí fíli áá lokohéi wú wú, kɛ maa w̃ɔ́i i lókoheinga mbú. Nuí fíli pá áá lokohéi mbú, kɛ i lokohéinga Ngala mbú lɛ́i í tɔ́vengɔ.

NJƆÚ 13:20

Nyáá vá nyá lɔɔ́ tɔɔỹái le wú w̃a múl̃ɔ ngáá nuí fíli áá lokohéi nuu fíli mbú ngáá tɔ́ve, kɛ maa w̃ɔ́i i lokohéinga mbú. Nuí fíli pá áá lokoheí mbu, kɛ maa w̃ɔ́i i lokohéinga núi sí wu í tɔ́vengɔ.”

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E GƆ́LƆI HELE KÉLEI 5:7

Kɛ́ ná fíli su, a maá lɛ́ɛ́h̃ui h̃uuhíya ndangí w̃ááh̃u í mu h̃u. Kɛ́ a mu lókolangɔ láá lé sítii ma a maá tɔ ngáá yaah̃ú.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

NJƆÚ HESENDAA GƆLƆÍ 2:6

Ná á maá nde ngáá maá Ngála mu ɣɛ́a ngáá nuu yílaa, kɛ kule lɔ́ mu w̃a mú lɛ́ɛ́h̃ui h̃uuhíya kílii í ɣɛ́ ngáá kíya Jísu Kílisitii ndái í na.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:3

Mu mbála vándaitii, ngí ɣɛ́ngɔ loí ngi kɔlɔ vɔ́nɛ wú yéle kɔwɔ́ato ngumaawóngi wá mú maahɔ́lɔngɔ. Kɛ́ aa ɣéle, faa ta i kɛ́a náa nyá lɔ́ɔ pɔ́nɛ náa ngáá ngí wú lííwuulɛ kɛinɔɔ́ wú ló kpáŋ sí w̃aaɣáwondai h̃u mu langɔ́ la. Ná wáá ngáá Ngala ndaa wói í féni wɔ́lɔ su yíla kpé ngi vóngaitii ngeyá.