KƆLƆ́SE 2:4 - Kɛ́lɛ Niinaí

⁴ Faalɔ, nyá lɔɔ nde wú w̃a ngáá wálaa kɛ nuu fíli ɔ́ɔ́ wú yákpolowa ngáá ndɛɛ lááhasa wondáa, bele pá taá láa woí nátii maabátɛ batɛ ngáá pangɔ.

KƆLƆ́SE 2:4 Iomraidhean Croise

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 24:4

Jísu í mɔ́ɔ́ ti woo yápoteni, i ɣɛ ta, “A w̃aah̃ú béle nuu fíli álaa wú yákpolowa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

TI GƐ́Ɛ́ HAÍTII 20:30

Wá ɣéle tɔ bɛ́lɛ wú ngáá Ngala fɛ́li mbélaitii, nungáá tiyá lɔ vá gulamá wú h̃ú, tí tɔɔỹái vóte ngáá ndɛí kɛinɔɔ́ tí nungáá w̃ááhɔlɔ nátii ti ɣɛ́ ngáá ti volu yelaa.

KƆ́L̃E HESENDAA GƆLƆÍ 2:4

Kalambongí ngí mbóni ɛ́ɣɛ kééla wói ngí ndéni kɔwɔ́ato Ngalá mba, ngáá ndéni kɔlɔ galá ngóó wala wala h̃u. Kɛ́ ngí tí ɣɛní peleí sí w̃a áá ngákɛ kíya Hɛ́ɛ́ma Ỹínangi yákpangɔ.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

GALÉSIYA 2:4

kɛ kíya bɛ́lɛ siỹɛngáá lɛ́ingaa tí ɣɛ́i loí ná í ɣɛ́. Nungái sítii tí ɣɛ́i taá kúla ngáá tiyá lɔ ngáá mu mbála Yála fɛ́li mbélaa ti ta, kɛ́ tí ɣɛ́i nɔ́ɔ ngáá ngasɔbɛ́ mbélaa. Ti vílii nɔ́ɔ kuuwuí sí h̃u ngáá tí ɣɛ́ faa wɔ́lɔ kɔwɔ́ato maawalóngi wá í wóni ngáá ni ye ni báha gilíi w̃a Jísu Kílisitii wa. Ti ɣɛ́i loí tí ni ɣɛ ngáá nduwɔá Júsuaitii ti Yála fɛli kíli hávai wú.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

Ɛ́FƐSƆ 4:17

Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

KƆLƆ́SE 2:18

A waá kɛ́ nuu fíli ɔ́ɔ́ lɛ́ɣɛ wú h̃u ngáá bɔwɔ́ yéɣendaa wú yáa ngáá kɛ aá lɔ́ ngáá ngakpa mɔ́ɔ́ wala áá wú su lɔ. Álaa kpa kɛŋɛ́ ngáá wú lɛ́ɣɛ bɔwɔ́ h̃u ɔ́ɔ́ mɔ́ɔ́ kɛ wɔ́ɔ́ malékani fɛ́li. Nátii kpɛ́lɛɛ tɔ nɔ́ɔ ngáá suuwɔɔlɔ́ háá gbááma. Nuu láálii na áá bɔwɔ́ gílisu léve faa ɣɛ́ fááw̃a, kɛ́ ngi gísiyai lɔ nɔ́ɔ ngáá nuu búsa gisíya ɣɛ kíli.

KƆLƆ́SE 2:8

A waá kɛ nuu fíli ɔ́ɔ́ wú yákpolowa ngáá ngoo bɔ́ɔ́w̃aa lendáá wú w̃a áá gúla nuu búsa ndá géle ɣele su, bɔw̃álale nátii kpɛ́lɛɛ tɔ nɔ́ɔ́ ngáá nuu búsa gálambo ɛ́ɣɛ ngakpa ŋáni ỹɔu ỹɔungáitii tí ngélewu. Kele ɣéle táálii nátii tɛ́i gúla Kílisitii yáa.

TÍMOTI GƆ́LƆI HELE KÉLEI 2:16

Léve njɛpí sítii polú tɛi ɣɛ́ ngáá Ngala njɛ́pɛ aáva pele áá ti h̃u, yí w̃ááɣɛ gooh̃á ti wa. Njɛpɛí sítii taa kɛ ngáá háwu nungáá ti w̃áá aa ɣɛ́ gooh̃á nɔ́ɔ Ngalá mba kélei.

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

NJƆÚ HESENDAA GƆLƆÍ 2:18

Wɛ́i wú ngáá ní léngaa Ngala fái h̃u, ngetéyangi yákɛɛlɛndai bɛ́ɛ́ngɔɔ lé náa mba. Tí ndéni wɔ́lɔ ngáá Jísu Kílisitii waahílima w̃ɔ́i lɔɔ vá vaamá, aáva mbaahílima yélaa bih̃íw̃aa lɔ́ náa kílii ngéteyangi h̃u. Faale, a mú kɔ́lɔ ngáá ngetéyangi yákɛɛlɛndai i bɛɛngá náá mba.

NJƆÚ HESENDAA GƆLƆÍ 2:26

Nyá lɔɔ kɔlɔí sí vɔ́nɛ wú yéle kɔwɔ́ato sítii mba táá ɣɛ́ ti wú yákpolowa, ti wú gúla wú híya veléi wa.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

NJƆÚ GƆ́LƆI HELE KÉLEI 1:7

Nungáá bíh̃iw̃aa taa núngaa híɣe tɔɔỹaá veleí wa tiyá lɔ náá ngeleí sí wu, tiyɛ́i taá tí gálambongi wó ngáá Jísu Kílisitii aa ɣɛi ngáá nuu búsa ná h̃u í vááni ngeleí sí wu. Nuí fíli áá ná le, maa w̃ɔ́i lɔ ngáá ngakpolówa mɔ́ɔ áá nuu híɣe tɔɔỹaá vélei wa, ná vólu, maa w̃ɔ́i lɔ ngáá Kílisitii wááhilima w̃ɔ́ɔ́.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 20:3

Malékai i Setána víli ndowá wálai na h̃u kpu ngáá mba í ndaabɔ́lu ma, í sítɛnga, i lokovó ndó mba. I ná ɣɛ́ni kɛinɔɔ́ álaa mɔ́ɔ nuu fíli ngákpolowa ngeléi sí wu í ló su kpóloo fówo tásu ngiláángi sí í víla. Ná fówo tásu ngiláángi áá víla, taá bé mba kuu h̃úú lukpúngɔ hááw̃a.

FAA YÁKƐ KƆ́LƆI 20:8

Ndɔwɔlɔ́i sítii pa taa ti lolí ngáá Gó ɛ́ɣɛ Mágo, maa yélaitii tiyɛ́i ti bih̃íngɔ kíya nɔ́ɔ kaha í ná tí vahá fáhangɔ ngélei sí wu, Setána lɔɔ vá tí yakpólowama í vá ngáá ti ye kɔɔ wɔ́mai