KƆLƆ́SE 2:3 - Kɛ́lɛ Niinaí

³ Kílisitii lɔ áá kɛ nuu áá ɣɛ́ faa wɔ́lɔ kɔwɔ́ato Ngalángi géle ɣelengí ɛ́ɣɛ ngi háá wɔlɔngɔ́i wa tiyɛ́i ti gúlangɔ ngáá kíya nɔ́ɔ ngandɔ́ɔ́lɔ ngáá ɣɛ́ ná ndɔɔwu h̃ú.

KƆLƆ́SE 2:3 Iomraidhean Croise

MÁFIYU 10:26

Jísu í mɔ́ɔ́ ɣɛ ti w̃a, “Wálaa lúwa nungáá wa. Faa fíli aa na maa vɛ́lɛngɔ áá ɣɛ́ lá yɔ́ɔ́ ɣɛ́ ɛi gula kalá kála ma. Faa fíli pá aa na ɔ́ɔ́ ɣɛ́ ndɔɔwu h̃ú yɔ́ɔ́ ɣɛ́ maa ɛ́i gula kalá kála ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:49

Laáva ná wú sí ɣɛ́nga, kɛ fái sí ndéngɔi Ngalángi géle ɣele ngói h̃u i hitɛngá nga, ngáá sí í ɣɛ́ngɔ ta, ‘Nyáá ngáá laa háá lé mbélaitii ɛ́ɣɛ ní géélaitiini tɔve ti yele. Aáva taa ndáá háá le mbélaitii ɛ́ɣɛ ní géélai sítii ti lɛ́ingaa váa, ná vólu, tí faa bá nda ti lɛ́ingaa w̃a.’

LÓÓMI 11:33

Ngalangí bátɛi wála yabɔ́ɔ́lɔngɔɔ lé ngáá suulɔ́vengɔ, ngi géle ɣelengí ɛ́ɣɛ sítii í tí wɔlɔ́ kɛɛlɛ́ ngáá mba. Nuu fíli áá na ɔ́ɔ́ háwuitii kɛ bɛ́kpɛ Ngála ngáá fáitii kɛ ma kɛlaa nuu ɔ́ɔ́ ngí háitii kɛ́ kílitii suugúla.

KƆ́L̃E HESENDAA GƆLƆÍ 1:24

Kɛ́ sítii Ngala ngí ti lólingɔ ngáá ti ɣɛ́ ngáá ngi vóngaa, ti ɣɛ́i ngáá Júsua taa ɣɛi ngáá Júsua, Kílisitii lɔ́ áá Ngalángi yákpangi ɛ́ɣɛ ngi géle ɣélengi yakɛ́ kpál̃au.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

Ɛ́FƐSƆ 1:8

í kɛ́a mu yɛ́ ngi géle ɣelengi w̃áá véle w̃a.

KƆLƆ́SE 1:19

Ngalá kpútei lɔ́ í suubátɛngɔ ngi nɛ́ɛ́mbɛ h̃u ngáá ngi H̃íỹɛndou Loí í ɣɛ́ nɔ́ɔ ngáá laá Ngala kɛ kíli pele kpɛ́lɛɛ sú.

KƆLƆ́SE 1:28

Náá hááw̃a, naá Ngala ngói le nuu kpɛ́lɛɛ má kɔwɔ́ato Kílisitii wa ngáá kele ɣelé péle kpɛ́lɛɛ, ní ti laahí kalambo su, kɛinɔɔ́ ní kɛ ngáá háwu ti yilá ngíla fíli ti vá Ngala ngéle ti h̃úúbangɔ í ɣɛ́ la Ngala fái h̃u kpahaí wa taa ɣɛ́ su Kílisitii wa.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

KƆLƆ́SE 3:3

Kulangɔ́ɔ́ lé nɔ́ɔ ngáá kɛ wú háángɔɔ lé, kɛ́ Kílisitii i wú lɛ́ɛ́h̃ui yandɔ́ɔ́lɔngɔ Ngala ngéle.

PÍTƐ GƆ́LƆI HELE KÉLEI 1:5

Ná lɔ́ í kɛ́a háwui sí kái kái fááw̃a kɛ wú kɛ́ ngáá hɛmbɛ́ fíli ngáá wú ndi ngu ma ngáá wú lángi wú sú lá, ná vólu, wú lúva veléi í ɣɛ́ vaní. Ná vólu, wú ɣɛ́ faa wɔ́lɔ kɔwɔ́ato sí wá Ngala ndóngɔ la.

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”