KƆLƆ́SE 2:2 - Kɛ́lɛ Niinaí

² Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

KƆLƆ́SE 2:2 Iomraidhean Croise

MÁFIYU 11:25

Táingi ná w̃a kínɛi, kɛ Jísu i ɣɛa ta, “Kɛɛɣɛ́ Ngalá, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gi máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ.

MÁFIYU 11:27

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pá aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

MÁFIYU 13:11

Kɛ Jísu i ti woo yápotenga, i ɣɛ ta, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ ngáá wú ngátɔ mba. Kɛ́ aa kɛngɔ́ ngáá pekaítii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:1

Ngí há í w̃a yɛ́i yí ngáá Tiyɔ́felɔ! Nuu bíh̃iw̃aa tí yákpa ngáá tí kɔ́lɔ vɔ́nɛ kɔwɔ́ato faí sítii mba ti híyanga a mu liiwáá.

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 10:38

Kɛ́ ná ngáá ɣɛ́ ngáá ti wo, kíya bɛ́lɛ wáá lái ngáá ngé, kɛ a lá hɔ́ɔ́ ngáá káámaa háitii ngí ti ɣɛa. Kɛinɔɔ́ wú ngátɔ mba kpál̃au ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ sú.”

NJƆÚ 16:15

Sí kínɛi í ní Kɛ́ɛ́ɣɛ yaá, nyá lɔ pó ngí ngáá kpɛ́lɛɛ. Ná lɔ́ í kɛ́ngɔ ngí ndéngɔ ngáá Hɛ́ɛ́ma Ỹínangi aa ɣɛ́ áá wolílo má, sí ngáá ndé í ndé wú w̃a.”

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

NJƆÚ 5:17

Ná Jísu í ɣɛ́i áá yɛ́pɛ kɔwɔ́ato faítii mba ti ɣɛ́i taá kpɔlú nda, i ndení, i ɣɛ ta, “Ní Kɛ́ɛ́ɣɛ Ngalá tóko lɔ nɔ́ɔ hɔ́wɔ fíli ngi yéngengi wa, hááwɔ holoí sí ɣéle tɔ bɛ́lɛ, faalɔ, nyá bɛ́lɛ kɛ ngí ɣɛ́ nɔ́ɔ ngáá yénge.”

NJƆÚ 5:23

I sí ɣɛ́ngɔ kɛinɔɔ́ nuu kpɛ́lɛɛ taa ɣɛ́a wúfe ngi H̃íỹɛndou Loí w̃a kíya nɔ́ɔ táá wúfe laa Kɛɛɣɛí Ngalá ma. Nuí fíli ɛ́i ɣɛ́ ngufema héni mbɛ, kɛ maa w̃ɔ́i aa ngufema hemá Kɛ́ɛ́ɣɛi Ngalá mbɛ lɛí í tɔvengɔ́.”

NJƆÚ 6:69

Aáva ní kɔ́lɔ níỹa vá ni langɔ́ lá ngáá yá lɔ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

TI GƐ́Ɛ́ HAÍTII 4:32

Sítii kínɛi tí langɔ́ í ɣɛ́i la ngáá Jísu ti lií i ɣɛ́i yíla, ti gi mái i yíla. Nuu fíli aa kulái ngáá kɛ sɔlɔ wɔlíngai ti ɣɛ́i ngáá ngu maa ɣéle, kɛ́ ti kpɛ́lɛɛ ti yaá wɔ́lingai ti ɣɛ́i nɔ́ɔ su yíla kpé.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

KƆ́L̃E HESENDAA GƆLƆÍ 14:31

Wú kpɛ́lɛɛ wááyaa Ngalá ndaa háá lé ngáá ngilá ngíla kɛinɔɔ́ wú kpɛ́lɛɛ wú faa gála, ná vólu, nduwúh̃u í lɛ́ ngáá wú ye.

KƆ́L̃E HESENDAA GƆLƆÍ 2:12

Ngala ngí kɛ́a ngáá háwu Hɛ́ɛ́ma Ỹínangi í ɣɛ́ mu volú. Ná vá tɔ í kɛ́a a mɔ́i gísiya kíya ngeleí sí wu yélaitii taá gisíya. Aáva i ná ɣɛ́ngɔ kɛinɔɔ́ mu ɣɛ́ kɔ́lɔ, mú ngátɔ mba sí kpɛ́lɛɛ Ngala ngí fengá mu yɛ.

GALÉSIYA 3:28

Faalɔ, ndowah̃u kɔlɛ́ aa mɔɔ Júsuaitii ndowah̃u taa sítii taa ngáá Júsua, ɛ́ɣɛ nduwɔ lopóaitii taa sítii taa ngáá nduwɔ lopóa, ɛ́ɣɛ siỹɛngáitii ndowah̃u taá nyah̃áitii, wú kpɛ́lɛɛ wú báhangɔɔ lé náá su ngáá nuu yílaa Jísu Kílisitii wa.

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 3:3

Sí í ɣɛ́ngɔ ngáá Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba Ngalá ngí kɛngɔ́ ngáá ngé kɛ kíya nɔ́ɔ ngí faa gúlo lénga kɔwɔ́ato mba kɔlɔí sí h̃u.

Ɛ́FƐSƆ 6:22

Ná háá va tɔ ngáá tɔvé ma wú yéle í vá í nde wú w̃á sí ní kpɛ́lɛɛ náá híya su ɛ́ɣɛ í wú lííba ngáá wálaa liihɛ́lɛ ngáá faa fíli.

FÉLEPA 2:1

Faalɔ, ná nduwú h̃u fíli áá ɣɛ́ lɛ́a ngáá wú ye wú báha gilíi w̃a Kílisitii wa, ɔɔ ná wɔ́lii wáá ɣɛ́ ndiiyapɔpɔ́ fíli mááhɔlɔnga áá gúla ngi lóngi h̃u, ɔɔ ná wɔ́lii mbala lopo laa fíli áá ɣɛ́ wú lówah̃u wáá Hɛ́ɛ́ma Ỹínangi, ɔɔ ná kɛ́ɛ́hɔ pánda fíli taá ngaah̃u w̃aaw̃aanú áá ɣɛ́ wú yáá ỹɔ́w̃ɔ ỹɔw̃ɔ́ hááw̃a,

FÉLEPA 3:8

Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

KƆLƆ́SE 1:26

Maa geéla woí sí w̃áálɔɔwungɔ i ɣɛngɔ la mbɛ wɔ́lɔ kpɔ́lɔɔ nuu kpɛ́lɛɛ mbá, kɛ́ í kɛ́nga ngáá háwu ngi vóngaitii ti ɣɛ́a náá faa wɔ́lɔ kɔwɔ́ato mba.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

KƆLƆ́SE 3:14

A sítii kpɛ́lɛɛ kɛ́ ngí yépɛnga ti wa, kɛ́ ngi bíkpingi waa ngáá a ló ngáá ỹɔw̃ɔ́ ỹɔ́w̃ɔ. Ndongí wáá ɣɛ́ su ngáá ỹɔw̃ɔ́ ỹɔ́w̃ɔ, aa kɛ ngáá háwu wú kpɛ́lɛɛ wú ɣɛ́ ngáá nuu yílaa kpé.

KƆLƆ́SE 4:3

A waayaa Ngala fɛ́li ni haáw̃a niỹá bɛ́lɛ kɛinɔɔ́ Ngalá ngí naa gúla kɛlɛ́ma ni yɛ naa ɣɛ́a ngi gééla woí lé kɔwɔ́ato Kílisitii wa. Ná wáá ngáá, keela wói sí í ɣɛ́ngɔ ndɔɔwu h̃u. Aáva nyá lɔ́ kpindí vɛ́lɛ wu keela wói sí lé fái w̃a.

KƆLƆ́SE 4:8

Ná lɔ́ í kɛngá ngíwaa tɔve wú yéle, kɛinɔɔ́ í wú lííwuulɛ ngáá í nde wu w̃a kíya ní kpɛ́lɛɛ náá híya.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 3:2

Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA HESENDAA GƆLƆÍ 5:14

Mu mbála Yalá fɛ́li mbélai, niỹá lɔ́ɔ́ ndé wú w̃á gíte ngáá sítii taa ɣɛ́ nɔ́ɔ héi gbááma tɛ́i ɣɛ́ lói ti lóko ɔ́ɔ́ ɣɛ́ faa fíli mbá, wú tí laahí, ti bé ná wa. Wú sítii ndiibá nduwá ndúwa ngáá ɣɛ́ tí h̃u. Sítii pa ngákpa ngɛ́i ɣɛ́ ti yɛ, wú bɔ́ ti wa. Wú líílɔlɔngɔ í ɣɛ́ lá nuu kpɛ́lɛɛ ngéya.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

HÍBULU 6:11

Ni liivó fái waa ngáá wú yílaa ngílaangi p̃ɛ́ɛ́ wú ndí ngú ma ngáá ngenge pándai sí wóndaa í ló su kpóloo ngakɛɛlɛmái í fólo ma. Sí vá í ngáá wú gítomai wú mááhɔlɔ.

PÍTƐ GƆ́LƆI HELE KÉLEI 1:10

Faale, mu mbála Yalá fɛ́li mbélai, a yakpá gíte kɛ́ŋɛ ngáá tolíngi ɛ́ɣɛ tokolómbai Ngalá ngí mbónga ngáá wú ye, í wú ɣɛ́ ngáá ngi vóngaa, maa hái ya ngí ɣɛ́ gíte kpál̃au ngáá aa siɣemá ma. Ná wáá ná ɣɛ́, kúnafɔ wɔ́i mɔ́ɔ lokogúla Ngala fái h̃u.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

NJƆÚ HESENDAA GƆLƆÍ 3:19

Ná a maa ɣɛ loi ngáá ỹɔw̃ɔ́ ỹɔ́w̃ɔ, a maá ɣɛ́ kɔ́lɔ ngáá a muỹá lɔ tɔɔỹaá gákai w̃áa véle. Faalɔ, bele bɛ́lɛ mu gi mái aa nde ngáá kɛ a maá vélei, a mu liihéingɔ aa ɣɛ lá Ngalá kákala. Bɔw̃álale Ngalángi géle ɣelengi lɔ́vengɔɔ lé mu gi mái wa aáva i faa kpɛ́lɛɛ kɔ́lɔ.