KƆLƆ́SE 2:16 - Kɛ́lɛ Niinaí

¹⁶ Faalɔ, waá kɛ́ nuu fíli ɔ́ɔ káɣa lá wú w̃a kɔwɔ́ato mɛɛni háá wa ɔɔ kpɔle bɔlé ŋáni haa wa, ɔɔ kɔwɔ́ato kuu haa w̃a, ɔɔ ngalú níína w̃aa gúú wúyandaa wa, ɔɔ Ndɛɛlɛmbó Ngála Fɛli Fóloi wa.

KƆLƆ́SE 2:16 Iomraidhean Croise

MÁFIYU 15:11

Mɛɛníi sí núi áá mɛ ɛ́ɣɛ sí áá kpɔ́le, aá láa le áá núi ná ɣɛ́ ngáá kpaló mba w̃ɔ́ɔ́ Ngala fɛ́li fááw̃a, kɛ́ ngói sítii taa gúla nda áá nde, aá lɔ áá kɛ ngáá kpaló mba w̃ɔ́ɔ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:19

Bɔw̃álale sí nuí áá mɛ ɛi li ndií h̃u, kɛ́ aa li koo ya laáva í mɔ́ɔ́ gulá kóó ya.” Ná Jísu í ngói sí léni, ná lɔ́ í ngákɛni kpál̃au ngáá kɛ mɛɛníi kpɛ́lɛɛ pangɔ́ɔ́ lé mɛ́ fááw̃a.

TI GƐ́Ɛ́ HAÍTII 15:20

Kɛ́ laá ɣéle, mú kɔlɔ vɔ́nɛ ti yelé, mú nde ti w̃a ngáá tálaa kpaló mba ỹɛ́ɛ́ni fíli mɛ́ sí taá ɣɛ́ naá kɔɔ kɔɔ́ ŋáni fíli kɔ́ni la taa ti yeɣé ngáá ngalángaa. Kɛ́ múl̃ɔ ti bé kɔlɔsiyá mbóndai wa. Ná vólu, tálaa suwa fíli mɛ́ tɛ́i ɣɛ́ mboló laa léveni kɛlaa tɔɔ́ ŋaaw̃ɔ ỹɛ.

LÓÓMI 14:10

Wálaa wú mbala Yalá fɛ́li mbélaa vekaítii mbaagúla kíli ỹɔu wo, wɔ́ɔ́ tí h̃úúhandɛ. Foloí lɔ́ɔ vá fóloma ma Ngalá ngáá va nuu kpɛ́lɛɛ kɔ́sɔma ma.

GALÉSIYA 4:10

Wáá ngeɣé ngáá ngatɔ́ foló lɛ́ingaa wa, ɛ́ɣɛ ngalú tɛ́ingaa, ɛ́ɣɛ fowó lɛ́ingaani ngaa saw̃a lɛ́ingaa í lɔ́ve pekaítii mba wú Yála fɛlindái h̃u.

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

HÍBULU 9:10

Nátii tiyá lɔ́ nɔ́ɔ́ ngáá faaní kɔwɔ́ato mɛɛníni mba ɔɔ kpɔle wɔlíngaani mba ɔɔ pele vekáitiini nuu búsa áá kɛ bɛ́kpɛ faa ỹɔ́itii ngúya fááw̃a nuu w̃a. Nátii kpɛ́lɛɛ taa ngáá faá tɔ́ɔ́ nuu búsa líí w̃áálovi, ti ɣɛ́i nɔ́ɔ́ na ngáá ti ló ná kpóloo í ló su Ngala ngí fáitii kpɛ́lɛɛ kɛ́ kíli batɛ́ vólu.

JIMISÍ 4:11

Mu mbála Yalá fɛ́li mbélai, a waa yɛ́pɛ ỹɔú ngáá ỹɔw̃ɔ́ ỹɔ́w̃ɔ. Nuí áá yɛ́pɛ ỹɔú ngáá ngi mbála Yalá fɛ́li mɔ́i ɔɔ i mbaaléve ngáá aa vélei, ná ná áá ɣɛ́, kɛ áá lɔ́ɔ yɛ́pɛ ỹɔ́u ngáá Ngalángi hávai aáva áá savaí wáágula. Ná wáá sávai wáágula, kɛ wáá góloma mbu kɛ́ wá lɔ héi mááh̃u ngáá mbaagúla mbélaa.