KƆLƆ́SE 2:12 - Kɛ́lɛ Niinaí

¹² Ná tí ngúyai wóni ngáá wú ye, i ɣɛi nɔ́ɔ kíya taa ɣɛ́ wú bɔ́luni kíya nɔ́ɔ jɔ́ tí Kílisitii bɔ́luni aáva ná tí wú gúlani nguya wo njɛ́i wú, í ɣɛi nɔ́ɔ́ jɔ́ kíya Ngala ngáá ɣɛ́ wú wúyoɣenga saí h̃u kíya í Kílisitii wúyoɣeni sái h̃u. Ná vá tɔ h̃íí ná sífaa wú lángɔɔ lé ngáá ngakpángi í Ngala ngéya í Kílisitii wúyoɣeni lá sái h̃u.

KƆLƆ́SE 2:12 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:5

Ngalángi géélaitiini ti ɣɛ́i Ndemɔí Jísu w̃a, “Kɛ ngáá háwu ni lángi h̃uu í ɣɛ́ wɔ́ɔ́lɔ.”

TI GƐ́Ɛ́ HAÍTII 14:27

Ná tí fóloni na, tí Ngala fɛ́li mbélaitii maakpɔ́ni mba ỹandáa yiláá tí volú haa lé ti w̃a ngáá sí kpɛ́lɛɛ Ngalá ngi kɛngá tiyá ti w̃áa véle w̃á ɛ́ɣɛ múl̃ɔ kíya í kɛ́a ngáá háwu sítii taa ngáá Júsua tíwaa lá ngáá Ngalá.

TI GƐ́Ɛ́ HAÍTII 2:24

Kɛ́ Ngalá ngi mbuyoɣéni sái h̃u í ngumááwo nduwu ya fuulɛ́i yaá, bɔw̃álale aa ɣɛi ngáá solowo fáá ngáá sái yákpangi ɔ́ɔ́ bá ma.”

TI GƐ́Ɛ́ HAÍTII 2:32

Ngalá ngí Jísui sí wúyoɣenga saí h̃u aáva a mu kpɛ́lɛɛ a muỹá lɔ ngáá maahéélea.

LÓÓMI 4:24

Ti vɔ́nɛngɔ i ɣɛi lá muỹá bɛ́lɛ nɔ a mu haáw̃a ná a muỹá bɛ́lɛ Ngalá ngáá vá mú yeɣéma ngáá telembo mbélaa ndangí w̃áá véle w̃a a mú sú la lɛ́i i mu Lemɔ́i Jísu wúyoɣeni sái h̃u.

LÓÓMI 7:4

Mu mbála Yalá fɛ́li mbélai, ngimɔ́ɔ́ nɔ́ɔ maa hái í na kɔwɔ́ato wú wá. Wú lówah̃u i lévea kpé wáá sávai kíya nɔ́ɔ nuí áá há ngi ndá fíli ɛ́i mɔ́ɔ́ ɣɛ faa h̃u. Wú báhangɔɔ lé náá wa wáá Kílisitii kíya nɔ́ɔ nuu lúwui waa wɔ́lingaitii ti báhangɔ wa. Naa gúlangɔɔ lé náá kɛ́lɛma wú yɛ́ ngáá wú ɣɛ́ Kílisitii hááw̃a lɛ́i Ngalá ngí mbuyoɣéni sái h̃u ngáá kɛinɔɔ́ mú ɣɛ́ ngáá kulasuunúma hááni kɛ mbélaa Ngalá mbɛ.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E HESENDAA GƆLƆÍ 15:20

Kɛ́ tɔɔỹái waa ngáá Ngalá ngí Kílisitii wuyoɣénga sái h̃u. Aáva sí lɔ́ áá ngákɛ ngáá sítii kele tɔ ti háángɔ aá lɔɔ vá ti wúyoɣema sái h̃u.

GALÉSIYA 3:27

Nguyaí wú kpɛ́lɛɛ wú maahɔ́lɔngɔ í wú báhaa Kílisitii wa. Laáva wá lɔ́ naa ngáá Kílisitii ɣɛ́ kíli.

Ɛ́FƐSƆ 2:8

Ná wáá ngáá, Ngalángi háá bɔwɔí lɔ í mú wúmaawongɔ la ndangí w̃áá véle w̃a a mú su la. Aa ngáá mu yénge panda haa lɔ Ngalá ngí mú wúmaawongɔ faaw̃a, kɛ́ Ngala máábatɛ te nɔ́ɔ. Náá hááw̃a, nuu ɛ́i maayónga tevé.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 3:7

Ngalá ngí kɛ́a ngáá háwu ngi háá bɔwɔí w̃áá véle w̃á ngáá ngí kééla wóo vándai lé. Ngi yákpangi h̃uu lɔ́ ngáá ngengengí sí wó na.

Ɛ́FƐSƆ 4:5

Ndemɔí í yíla kpé aáva mu kpɛ́lɛɛ mu langɔ́ɔ́ lé la ngáá pele yílaa kpé, a maá ngúyai wo háwu yiláá kpé fááw̃a.

Ɛ́FƐSƆ 5:14

Náá hááw̃a, sí fíli áá gúla kala kala ma maa áá ɣɛ́ kpál̃au. Háwui náá hááw̃a, pɔnɛngɔ́ɔ́ lé, ngáá sí, “Wɛ́i wú nyíí h̃u, wú sáa h̃u, a yooɣé. Kílisitii aa wú gúla kala kala ma.”

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

KƆLƆ́SE 1:29

Ná lɔ́ í kɛ́a ngáá yénge buté ngwala ngáá ngakpángi Kílisitii áá fé ngeyá ngengengí sí wo fááw̃a.

KƆLƆ́SE 2:13

Wú ɣɛ́ngɔ ɣɛi kíya nɔ́ɔ nuu háángɔ í ná Ngala kákala, bɔw̃álale wú ɣɛ́ngɔ ngáá faa ỹɔ́u yélaa aáva wú wúmaawongɔ aa ɣɛi la nɛ́nɛ faa ỹɔ́i yaa. Kɛ́ Ngalá ngí kɛ́ni ngáá háwu Kílisitii í ndɛ́ɛ́h̃u gíte gúla kɛlɛ́ma wú yɛ́ í mú háá ỹɔítii kpɛ́lɛɛ súúhaalo.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 6:2

ná vólu, nguya wóndai ɛ́ɣɛ nuu lóko vɛ́lɛndai nungáá w̃a Ngala fɛ́li fááw̃a ti w̃a, ná vólu, saa yelái ti yóóɣendai sái h̃u ɛ́ɣɛ Ngalangí gɔ́sɔngi áá vá mbóma.

PÍTƐ HESENDAA GƆLƆÍ 3:21

Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.