KƆLƆ́SE 2:11 - Kɛ́lɛ Niinaí

¹¹ Wú lɔ́vengɔɔ lé pɛ́lɛ vólu kpahaí wa wú su Kílisitii wa. Kɛ́ tɔve pɛ́lɛ vólui sí aa ngáá sí nungáá táá mbo ngáá loko, kɛ́ aá lɔ́ ngáá tɔve pɛlɛ́ vólui sí Kílisitii gite í kɛ́ngɔ ngáá háwu í wóngɔ ngáá wú yé. Ná wáá ngáá, i wú wúmaawonga faa ỹɔ́i yaa wú líí áá wú lóma.

KƆLƆ́SE 2:11 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:58

“Ní ngoo ỹɛ́nini, i ɣɛ ta ‘Nyá lɔɔ Hɛ́ɛ́ma Yála Pɛ́lɛi wólo nuu búsaitii tí tóngɔ aáva foló sáángɔ laa lówah̃u, ngáá péka lo ngáá sí nuu búsa ɛ́i hómbo ɔ́ɔ́ to.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:21

Ná í ɣɛ́i náa ngáá folói wahákpa kéle w̃a Jísu lengɔ́i w̃a ngáá kɛ náa tɔ́ɔ tɔve pɛlɛ́ vólu, tí ndaahéini ngáá Jísu. Ndaahéingi sí lɔ malékai í pɛ́lɛni mbá p̃ɛ́ɛ́ Mɛɛloí ɔ́ɔ́ ɣɛ́a ngi góó yeɣé.

TI GƐ́Ɛ́ HAÍTII 17:24

Ngalángi sí í ngetéyangi sí bátɛngɔ kpahangɔ́ suu wɔ́lingaa kpɛ́lɛɛ mbá laá lɔ í ngáá Ndemɔí ngeleya fááw̃a taá ndɔwɔlɔ́i sí. Aáva ɛi ɣɛ pɛlɛ́i sí wú nuu búsa áá to.

TI GƐ́Ɛ́ HAÍTII 7:48

Ná fíli sú, Ngutuwɔ́ Yála Ngwálai ɛ́i ɣɛ pɛlɛ́i sítii mbu nuu búsa áá to kíya Ngalá ndaa háá lé mɔ́i í ndéni ngáá kɛ Ngalá ngí ndení, i ɣɛ ta,

LÓÓMI 2:29

Júsu w̃ɔɔ gíte gítei waa ngáá, nuí kí mai áá ɣɛ́ kpál̃au ti lowah̃u táa Ngalá. Nuu lɔ́vendaa pɛ́lɛ vólu ngi gíte gítei waa ngáá sí Hɛ́ɛ́ma Ỹínangi áá kɛ́ ngáá háwu aa ɣɛ́ nuu líí h̃u, aa ngáá sí táá téve nuu lúwui wa. Nuí síí w̃ɔ́i tɛ́ngi áá mááhɔlɔ aa gula Ngalá ngéya, ɛi gúla nuu búsa yáa.

LÓÓMI 6:6

A mú suuwɔlɔ́ ngáá maa hái gúlangɔɔ lé nɔ́ɔ ngáá kíya a mu ɣɛ́ngɔ maá lɛɛh̃úi h̃uuhíya hése aa mɔ́ɔ h̃íí, hése keleí ná í báhai Jísu wa ti kpákpa kúlɔsii w̃a, í ló na í há. Ná vá ngi ɣɛí kɛinɔɔ́ faa ỹɔu ɣɛ́ síya veleí sí í mu h̃u ngakpá ngálaa mɔ́ɔ́ ɣɛ mbɛ ngáá ɔ́ɔ́ mú wúto kíya nɔ́ɔ taá ndúwɔ lopói wúto,

LÓÓMI 7:24

Kɛ ná ná áá ɣɛ́, nyá lɔ́ɔ ngáá nuu ndííỹaaningɔ pilangɔ kp̃óu. Ele lɔ náá áá mááwalo faa ỹɔ́u ɣɛ́ ndiivó kɛ w̃ɔni mɔningí sí yáá í má ngáá kule ngáá ngi saa w̃ááhɔlɔ?

KƆ́L̃E GƆ́LƆI HELE KÉLEI 5:1

Ná mú luwúi sí í mú w̃a ngeleí sí wú kulangɔi ngáá pɛlɛ́ áá ỹááni, mú kɔ́lɔ ngáá Ngalá ngí pɛlɛ́ lónga mu yɛ ngelegóóh̃u mbéi laá bútei í naa bátɛa laáva naa bátɛngɔ áa lo kúnafɔ fááw̃a.

KƆ́L̃E GƆ́LƆI HELE KÉLEI 5:17

Ná nuu fíli áá báha Kílisitii wá, kɛ maa w̃ɔ́i ná lɔ́ náá ngáá nuu níína aáva tuva velé vɔ́lɔi aa ɣɛ náa lɔvéni, ngi níínai lɔ náá áá ɣɛ́ su.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 5:24

Sítii ti ngáá Jísu Kílisitii volú yélaitii, faa ỹɔ́u ɣɛ́ ndíívo kɛí ɛ́ɣɛ ndíívo kɛɛ́ háá walái áá víli nuu líí vólu ngwala, tí bénga nátii kpɛ́lɛɛ mbá.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

KƆLƆ́SE 3:5

Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.

HÍBULU 9:11

Kɛ́ Kílisitii i ngáá Ngala sááɣa gula mɔ́ɔ walaí, i vaangá náa kílii aáva í kɛa ngáá háwu mu faa vándaitii maahɔ́lɔnga. Mbéi áá ngí Yála sááɣa gula ngéngengi wó na, naa lɔvengɔ́ɔ́ lé ngeleí sí wuu géleaitii mba aáva faa ỹɔ́u vó fíli aa naá wa. Nuu búsa láá le ɔ́ɔ́ kpátɛ, ná wáá ngáá, aa ngáá ngeleí sí wú géle.

HÍBULU 9:24

Aa ngáá nuu búsa Hɛ́ɛ́ma Wala Ỹándai batɛngɔ́i nɔ́ɔ Kílisitii ɔ́ɔ́ ɣɛ́ lɛɛngɔ́ ná lɛ́i gúlangɔ ɔɔ la nɔ́ɔ́ ngáá sí í ngélegooh̃u ngi w̃áábale. Kɛ́ i lɛɛngɔ́ ngelegóóh̃u gíte mbéi náá í na íwaa mu w̃áánɛɛnɛ mbó Ngalá ma.