KƆLƆ́SE 2:1 - Kɛ́lɛ Niinaí

¹ Ndóngɔɔ lé wú ɣɛ́ kɔ́lɔ ngáá kíya ngíwaa yénge ngwala wú yɛ ɛ́ɣɛ Ngalángi vóngaa vekaítii tí taí sí h̃u taá náá lolí ngáá Leyodésiya ɛ́ɣɛ sítii kéle tɔ taá kɔ́lɔ téɣele.

KƆLƆ́SE 2:1 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:44

Ndiiỹaaní wálai í ɣɛ́i Jísu w̃a, i kɛní ngáá háwu í Ngala fɛ́li ngáá hɛmbɛ́i kpɛ́lɛɛ. Fɔndɔ́i va í gúlani ma í ɣɛ́i áá hítɛ ndɔwɔlɔ́i wa, i ɣɛi nɔ́ɔ ngáá ŋaaw̃ɔ ɣɛ kíli.]

TI GƐ́Ɛ́ HAÍTII 20:25

Kɛ Pɔ́ɔ i mɔɔ ɣɛa ta, “Nyá lɔɔ sí lé búte wú w̃a ngáá ngí ɣɛ́a kɔlɔ náa ngáá kɛ wɛ́i kínɛi ngí lɔ́ve tɔvénga wú w̃ááh̃u ngáá Ngala ngóó lendái wú w̃á kɔwɔ́ato Ngalángi w̃ásandai wa, wɔ́i mɔ́ɔ tɔ́ kúnafɔ.

TI GƐ́Ɛ́ HAÍTII 20:38

Sí gíte í ti yangɔ́lɔni ngwála, i ɣɛi ngáá ngoí sí Pɔ́ɔ í ndéni ti w̃a ngáá tɛí mɔ́ɔ yaah̃ú lá ma múl̃ɔ. Tí kuya peléni náa kelé ngwálai ŋál̃a.

GALÉSIYA 4:19

Wɛ́i wú ngáá ndíívo ndéngaa ɣɛ kíli Ngala fɛ́lindai h̃u, ndíí lɔ́ɔ́ hóólɛ wú hááw̃a kíya nɔ́ɔ nyah̃ái áá ɣɛ́ ndoú lé kóóh̃ubaalɛi h̃u. Aáva ndíí ɛ́i la í ló su kɛ Kílisitii luva veléi í ɣɛ́ wú h̃u.

FÉLEPA 1:30

A maa wúyeni ndapi híí yiláángi lɔ a máá kɔ. Ndapií sí wú tɔ́i ngíwaa kɔ wɔ́lɔ. Laáva ndapií sí lɔ nɔ́ɔ nɛ́nɛ ngáá kɔ kɛ kíya wáá mɛni.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

KƆLƆ́SE 1:29

Ná lɔ́ í kɛ́a ngáá yénge buté ngwala ngáá ngakpángi Kílisitii áá fé ngeyá ngengengí sí wo fááw̃a.

KƆLƆ́SE 2:5

Kíya bɛ́lɛ a maá ỹándaa yílaa a maa wúyeni, ngáá gísiya ngáá wú ye táingi fíli má. Kóóh̃unɛɛngɔɔ lé wú hááw̃a ngáá wú báhaa kílii su kpáŋ ngáá nuu fíli ɛ́i hómbo ɔ́ɔ́ wú lííka vóma ndangí h̃u wú sú ngáá Kílisitii.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

HÍBULU 5:7

Ná h̃u Jísu í ɣɛ́i ngelewu ndɛɛh̃u h̃u, í Ngala fɛ́lini woo wála h̃u áá wɔ́lɔ ná í ɣɛ́i áá Ngála mɔ́ɔ́ni kpɔ́mba hááw̃a. Ngalá pá lɛ́i ngakpa ngí ngeyá ngáá áá nuu wúmaawo sái yáa, i mɛniní bɔw̃álale, Jísu í bɔwɔ́ gúlai kɛ́lɛma Ngalá mbɛ́.

PÍTƐ HESENDAA GƆLƆÍ 1:8

Kíya bɛ́lɛ wáá nɛ́ɛ́ tɔní, wú lóngɔɔ lé la, ná vólu, kíya bɛ́lɛ wáá nɛ́ɛ́ tɔmá kíya suu í na, wú lángɔ lá, náá hááw̃a, wú góóh̃unɛɛngɔɔ wála le. Nuu ɛ́i hómbo p̃ɛ́ɛ́ ɔ́ɔ́ nde laa wóo h̃u kíya maa góóh̃unɛi yambɔ́ɔ́lɔngɔ.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”