KƆLƆ́SE 1:9 - Kɛ́lɛ Niinaí

⁹ Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 1:9 Iomraidhean Croise

NJƆÚ 7:17

Ná nuu fíli áá sí ɣɛ Ngalá ndongɔ la, maa w̃ɔ́i aa ngatɔ́ mba ngáá ná wɔ́lii kalambongí sí lɔɔ gúla Ngalá ngeyá ɔɔ ngúmaawoo áá ɣɛ́ nɔɔ́ ngáá sítii ngáá ti le.

TI GƐ́Ɛ́ HAÍTII 12:5

Faalɔ, Pítɛ i ɣɛi kpindi vɛlɛ́i wu, kɛ́ Ngala fɛ́li mbélaitii ti ɣɛ́i taá Ngala fɛ́li mbɛ ngáá lií kpɛ́lɛɛ.

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

KƆ́L̃E HESENDAA GƆLƆÍ 1:5

Sífaa, wú báhaa Kílisitii wa, ná í kɛ́a ngáá háwu wú faa kpɛ́lɛɛ maahɔ́lɔnga njɛpɛ h̃u ɛ́ɣɛ kele ɣéle su ngáá ngambɔ́ɔ́lɔngɔ.

Ɛ́FƐSƆ 1:8

í kɛ́a mu yɛ́ ngi géle ɣelengi w̃áá véle w̃a.

Ɛ́FƐSƆ 5:17

Wálaa ɣɛ́ ngáá faa yátɔ tála yelaa, kɛ́ laá ɣéle, wú yákpa wú ɣɛ́ kɔlɔ́ sí Ndemɔí Jísu longɔ́ wú kɛ.

Ɛ́FƐSƆ 6:6

A yenge ti yɛ ngáá pangɔ́ bele bɛ́lɛ taá na tɔɔ́ ɣɛ́ taa wú béle. Wálaa ɣɛ́ nɔ́ɔ wáá yénge tí yaah̃ú w̃á ngáá pangɔ́ kɛinɔɔ́ ti ló ngáá wú ye, kɛ́ laá ɣéle, a yenge ngáá hɛmbɛ́i kpɛ́lɛɛ kíya Ngalá ndóngɔ wú kɛ, bɔw̃álale wá lɔ́ ngáá Kílisitii lúwɔa ɣɛ kíli.

FÉLEPA 1:4

Laáva, kíya fíli ngáá Ngala fɛ́li wú kpɛ́lɛɛ mbɛ́, ngáá fɛli ngáá kooh̃unɛɛ kɔwɔ́ato wú bɔ́ kílii wa mbá ngengengí sí h̃u Ngalángi gééla woo vandaí hááw̃a, í séi hésendaa holoí w̃a wú Ngalángi gééla woo vandaí w̃áahɔlɔni, í ló su í foló sí h̃úi w̃á.

KƆLƆ́SE 1:6

Keela wóo vándai áá kɛ́ ngáá háwu nungáá táá nɛ́ɛ́ma w̃ááhɔlɔ ngeleí sí wú kpɛ́lɛɛ, maa woo lɔ́ɔ́ híya hááli haali. Aá lɔɔ ɣɛ́ kíya nɔ́ɔ wɔ́lɔ í ɣɛ́i ná wú lííwaa ná h̃u hése wú Ngalángi háá bɔwɔí w̃áá woo ỹɛ́nini wú ɣɛ́ kɔlɔ́ kíya gíte í na.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 5:17

aáva wú ɣɛ́ nɔ́ɔ fɔ́ wáá Ngala fɛ́li.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

FELÉMO 1:4

Felémo, kíya fíli ngáá ɣɛ́ ngáá mu Yálangi hɛ́li, ngáá sɛ́ɣɛɛ gula ma í yɛ́,

FELÉMO 1:6

Ní Yála fɛ́li ngói í hááw̃a aá waa ngáá, mu lángi í su yíla í kɛ́ ngáá háwu yí ɣɛ́ kulasuunúmai kpɛ́lɛɛ kɔ́lɔ í mu haáw̃a ɛ́ɣɛ yí ngátɔ ti wa kɛinɔɔ́ yí hómbo yí yénge Kílisitii yɛ.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

JIMISÍ 1:5

Ná wú tá fíli áá ɣɛ́ na kele ɣelé ngɛ́i ɣɛ́ mbɛ, í Ngála fɛ́li ngáá Ngalá ngí kɔ ngáá kele ɣelé. Ngalá pa, lɛ́i áá ŋáni he nuu kpɛ́lɛɛ ngéya ngáá ndiiwolé ɛ́i bóɣi kpoɣí, aa fé maa w̃ɔ́i yaá.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

PÍTƐ HESENDAA GƆLƆÍ 2:15

Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

NJƆÚ HESENDAA GƆLƆÍ 2:17

Ngeleí sí wú ɛ́ɣɛ sí kínɛi tí ngáá suu wɔ́lingaitiini ngáá nuu búsaa taá mɔní mɔ́ni kɛ, kpɛ́lɛɛ tɔ́ɔ́ vá vílama, kɛ́ ná maa Ngalá ndiivó fáitii kɛ, maa kúnafɔ lɛ́ɛ́h̃u w̃aahɔ́lɔ.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.