KƆLƆ́SE 1:7 - Kɛ́lɛ Niinaí

⁷ Wú faa ỹɛ́ninga kɔwɔ́ato Ngalángi háá bɔwɔí wa mu mbála yengé mɔ́i Ɛpáfulɔ yaá lɛ́i mu longɔ́ lá, lɛ́i múl̃ɔ í ngáá Kílisitii yénge mɔɔ vanda ni haáw̃a.

KƆLƆ́SE 1:7 Iomraidhean Croise

MÁFIYU 18:29

Ngi mbála yengé mɔ́i ná i hitɛí wúmbu ya áá maanɛ́ɛ́nɛ, áá ɣɛ́ ma, ‘Mááw̃aanu hóu kái. Nyá ngáá fe!’

MÁFIYU 24:45

Kɛ Jísu i mɔɔ ɣɛa ti w̃a, “Kɛ ngenge mɔ́i bɛɛ́ lɔ hɔ́ɔ í ngáá tokolá ma yénge mɔ́i aáva ki máá ngúlangɔ lɛí ngi núú walaí áá ngéɣe í to ngi mbála yengé mbélaitii ngutúwɔɔ ngáá áá yáá mɛɛní he ti yaá na mɛɛní ỹɛ́ sɔ́wɔi kái kái áá fólo ma?

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

KƆ́L̃E HESENDAA GƆLƆÍ 4:2

Laáva nuí áá ɣɛ́ ngáá ŋani w̃ááh̃u béle mɔ́ɔ, kule lɔ́ ma í ɣɛ́ ngáá tokola ma w̃ɔ́ɔ.

KƆ́L̃E HESENDAA GƆLƆÍ 7:25

Bɛlɛ́ náa ngí yɛ́pɛ wú yéle kɔwɔ́ato sítii mba taa nɛ́ɛ́ kɛmbɛheí h̃u. Ndemɔí Jísu aa sava hengɔ́ ngéya kɔwɔ́ato ná wa. Kɛ́ nyá lɔ́ɔ sí lé í kí ma kɔwɔ́ato mba, sífaa Ndemɔí Jísu w̃ááw̃aanu longí w̃áá véle w̃a, nyá lɔ́ ngáá tokola ma w̃ɔ́ɔ́.

KƆ́L̃E GƆ́LƆI HELE KÉLEI 11:23

Taa ɣɛ́ ta tiyá lɔ́ ngáá Kílisitii yénge mbelaa, nyá bɛ́lɛ ngí ɣɛ́ ta nyá lɔ́ ngáá Kílisitii yénge mɔɔ vanda í lɔ́ve ti wa. Nyá lɔ́ yɛ́pɛ náa ngáá bólowa w̃ɔ́ɔ́ ɣɛ́ kíli. Ngí yéngenga ngwala í lɔ́ve ti wa, ti píli kpindi vɛlɛ́ wu ká ká í lɔ́ve ti wa, tí ndéve bih̃í bíh̃i mboá ngáá ngé, ná vólu, kuu bíh̃iw̃aa w̃ááh̃u ngí ɣɛ́i saa lowá la.

Ɛ́FƐSƆ 5:21

Kílisitii wúfemai hááw̃a í wú yáa, a waayaa bɔwɔ́ gúla kɛlɛ́ma ỹɔw̃ɔ́ ỹɔ́w̃ɔ yɛ.

FÉLEPA 2:25

Ngí gísiyaa lá ngáá kɛ aá lɔ pele w̃a ngáá ngí wú gééla hiya mbo mɔ́i Ɛpafulɔdáitɔ yangáima wú yéle, lɛ́i laá bɛ́lɛ í ngáá a mu mbála Yalá fɛ́li mɔ́i ta. Laá lɔ múl̃ɔ ngáá maa yénge mbo mɔ́ɔ́ ta. Naá laa lɔ ni ngáá Ngalá ndaa wói w̃ááɣawo mbélaa lɛ́i wú ɣɛ́ngɔ tɔvení ngáá í vá ngáá kpéɣema wɔ́lingaitii.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

KƆLƆ́SE 4:7

Mu mbála Yalá fɛ́li mɔ́i sí taa ɣɛ ma Tékekɔ, lɛ́i mu longɔ́ lá, lɛ́i í ngáá tɔwɔbaɣa w̃ɔɔ ɛ́ɣɛ mu mbála yengé mɔ́ɔ Ndemɔí Jísu yengengí h̃u, aa lɔɔ vá faa kpɛ́lɛɛ ndéma wu w̃a kɔwɔ́ato mbá.

KƆLƆ́SE 4:9

Mu mbála Yalá fɛ́li mɔ́i sí taa ɣɛ́ ma Onɛsímɔ, lɛ́i mu longɔ́ la, í mɔ́ɔ́ ngáá wú gúúwu h̃uu w̃ɔ́i ta, aáva í ngáá tɔ́wɔbaɣa w̃ɔ́ɔ́, taa Tékekɔ lɔ táa vá. Tí félengɔ p̃ɛ́ɛ́ tiyá lɔ́ɔ vá ndema wú w̃a ngáá sí kpɛ́lɛɛ í híya mbéi.

TÍMOTI HESENDAA GƆLƆÍ 4:6

Tímoti, na yáá fái sítii suuɣɛ́ ngáá a mu mbála Yalá fɛ́li mbélaitii ngáá taayaá kɛ, kɛ yá lɔ́ ngáá ngenge mɔ́ɔ́ vánda Jísu Kílisitii hááw̃a. Tɔɔỹaá gálambongi ɛ́ɣɛ Ngalá ndáá wói yáá híya la lɛ́i áá kɛ ngáá háwu nuu í la ngáá Jísu, tiyá lɔ táá i h̃úúba Ngala fái h̃u.

TÍMOTI GƆ́LƆI HELE KÉLEI 2:2

Kalambongí sí yí tɔ́ngɔ ngí mbóngɔ nuu bíh̃iw̃aa yaah̃u w̃a, maa galambongí ná lókoleve tokola ma yélaa w̃a, tiyɛ́i taa hómbo tí nungáá véka galambo la tiyá bɛ́lɛ.

FELÉMO 1:23

Siỹɛndópoi sí taa ɣɛ́ ma Ɛpáfulɔ lɛ́i laa bɛ́lɛ í kpíndi vɛlɛí wu mbéi ngí na, sífaa í tɔɔỹái lengá láa bɛ́lɛ kɔwɔ́ato Jísu Kílisitii wa, i haaní i w̃a.

HÍBULU 2:17

Ná lɔ́ í kɛ́i kɛ Jísu ɣɛ kíli ɔ́ɔ́ ɣɛ ngáá nuu búsa pele fíli sú nɔ́ɔ. Ná ná áá ɣɛ́, ɔ́ɔ́ ɣɛ́ náa ngáá Ngala sááɣa gula mbélai ti wutúwɔɔ w̃ɔ́ɔ́ walaí nungáitii fááw̃a í ngáá nuu yááh̃u w̃ááw̃aanu hóu mɔ́ɔ́ ɛ́ɣɛ tókola ma w̃ɔ́ɔ́ Ngalá ngeyá kɛinɔɔ́ Ngala ngí nungáitii ti háá ỹɔítii suuhaaló.

HÍBULU 3:2

Jísu í ɣɛngɔ́ ngáá tokola ma w̃ɔ́ɔ́ Ngalá ngeyá lɛ́i í lókolongɔ mba, kíya nɔ́ɔ Muusé í ɣɛ́ngɔ ngáá tokola ma w̃ɔ́ɔ́ Ngálangi yéngengi h̃u Ngalángi vóngaitii faaw̃a.