KƆLƆ́SE 1:6 - Kɛ́lɛ Niinaí

⁶ Keela wóo vándai áá kɛ́ ngáá háwu nungáá táá nɛ́ɛ́ma w̃ááhɔlɔ ngeleí sí wú kpɛ́lɛɛ, maa woo lɔ́ɔ́ híya hááli haali. Aá lɔɔ ɣɛ́ kíya nɔ́ɔ wɔ́lɔ í ɣɛ́i ná wú lííwaa ná h̃u hése wú Ngalángi háá bɔwɔí w̃áá woo ỹɛ́nini wú ɣɛ́ kɔlɔ́ kíya gíte í na.

KƆLƆ́SE 1:6 Iomraidhean Croise

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 17:19

Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”

NJƆÚ 4:23

Kɛ́ laáva naa hɔwɔ́i lɔɔ vá fóloma ma aáva i folónga naá ma kílii ngáá nungái sítii taá Ngalángi hɛ́li ngáá tɔɔỹaá veleí tiyá lɔɔ vá ɣɛmá taá Kɛɛɣɛí Ngalángi hɛ́li ngi Hɛ́ɛ́ma Ỹínangi yákpangi w̃aa véle w̃a ɛ́ɣɛ tɔɔỹaá veleí w̃a. Sífaa Ngalá fɛ́li mbélaa laaliai sítii tɔ Kɛɛɣɛí Ngalá ngíwaa ti wɔlí.

TI GƐ́Ɛ́ HAÍTII 11:18

Ná ti sí ỹɛ́nini, faa véka fíli aa mɔɔ ɣɛi ti la tɔɔ́ nde. Kɛ́ ti ɣɛ́i nɔ́ɔ taá Ngalá ndaaw̃áálɛ, táá ɣɛ́ ta, “Ngalá ngí kɛngá ngáá háwu sítii taa ngáá Júsua bɛ́lɛ táa volú yáfe faa ỹɔ́i wa, táa ndɛɛh̃u níína w̃aahɔ́lɔ sí í ngáá kúnafɔ lɛ́ɛ́h̃ui.”

TI GƐ́Ɛ́ HAÍTII 12:24

Kɛ́ Ngalá ndaa wói i ndiiní ngú ma ngáá nga ngáá ɣɛ́ wɔɔlɔ aáva áá híya híya su.

TI GƐ́Ɛ́ HAÍTII 16:14

Nyah̃ái nátii su ti ɣɛ́i taá wolílo, nyah̃ápo yiláá i ɣɛí na taa ɣɛ́ ma Lédiya. Laáva nyah̃ápoi sí i ɣɛi ngáá kula biỹa maa híya mɔ́ɔ. I gulaní taa walái ná h̃u taa tolí ngáá Tayatálɔ. Aáva i ɣɛi laní ngáá Ngala. Ndemɔí Ngalá i ki mái laawóni kɛinɔɔ́ í wolílo keela woí sí w̃a Pɔ́ɔ í ɣɛ́i áá nde.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 1:13

Mu mbála Yala fɛ́li mbélai, ndóngɔɔ lé gíte wú ɣɛ́ kɔlɔ́ ngáá kuu bih̃íw̃aa w̃aah̃u ngí kpátɛa ngáá ngí vá ngí wú héi heí, kɛ́ faa í lónga víli pílima kɔ́wɔ h̃u í fólo sí h̃úi ɣéle tɔ ma. Ndóngɔɔ lé ngí vá ngí nungáá w̃ááhɔlɔ wú lííwaa tiyá bɛ́lɛ ti ɣɛ́ ngáá Jísu Kílisitii vólu yélaa, kíya nɔ́ɔ ngí kɛ́ngɔ nungáá vékaitii ndiiwáá tiyɛ́i tiyá bɛ́lɛ taa ngáá Júsua.

LÓÓMI 15:28

Ná náa ngáá lí ngí toko bɔmbái sítii tokola tí yaá mɛ́ɛ́ ngáá síyangi yéɣe náá ngáá ngí lí Sip̃ee. Naa h̃uu vá tɔ náá ngáá wú héi heí p̃ɛ́ɛ́ ngɔ́ɔ́ ɣɛ́a lɔve ngí lí Sip̃ee.

LÓÓMI 16:26

kɛ́ ngápumai sí náá i gulaá kɛ́lɛma Ngala ndaa háá lé mbélai ti gɔlɔ vɔnɛngɔ́itii maa véle w̃a. Ngalá lɛ́i í na kúnafɔ i ndéi ngáá tɔɔỹái sí i lé nungáitii kpɛ́lɛɛ ma ti ndɔ́wɔlɔitii kpɛ́lɛɛ sú ngeleí sí wu ngáá kɛinɔɔ́ ti lá lá aáva ti gólo mbɛ.

KƆ́L̃E GƆ́LƆI HELE KÉLEI 10:14

Wá vá tɔ kuuwuí sí h̃u Ngalá ngí féa ní yaá. Faalɔ, naá vílingɔ ni gúúwui vólu ná ní fólongɔ wú w̃a ngáá keela woó vándai kɔwɔ́ato Kílisitii wa.

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

Ɛ́FƐSƆ 3:2

Kɛ́ nɛ́nɛ p̃ɛ́ɛ́, ndángɔɔ lé lá ngáá wáá ɣɛ́ faa yɛ́ninga kɔwɔ́ato ngengengí sí wa Ngalá ngí féngɔ ngéya ngi háá bɔwɔí w̃áá véle w̃a ngáá ngí mbo áá wú gúlah̃uunuma.

Ɛ́FƐSƆ 4:21

Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

Ɛ́FƐSƆ 4:23

A kɛ ngáá háwu wú líí h̃u ɛ́ɣɛ wú gí maa háitii ti ɣɛ́ ngáá niina.

Ɛ́FƐSƆ 5:9

A yakpá wú sí ɣɛ Ndemɔí Ngalá ndóngɔ wú kɛ. Sífaa, ná nuu áá ɣɛ́ kala kala ma í gɛ́ɛ́ haítii taá ɣɛ́ ngáá faa vánda ɣɛ́ndai ɛ́ɣɛ telembongí ɛ́ɣɛ tɔɔỹái.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 4:17

Sɛ́mbɛi aa nɔ́ɔ léi ngáá ngí kpɔmba wɔ́li maahɔ́lɔ wú yáá kɛ́ aá waa ngáá ta í báha wú gɛ́ɛ́hɔ pándai w̃aa woí wa.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

PÍTƐ HESENDAA GƆLƆÍ 5:12

Siỹɛndópoi sí taa ɣɛ́ ma Sáilɔ, lɛ́i í ngáá mu mbála Yalá fɛ́li mɔ́i ta tɔwɔ́baɣangɔ, i bɔngɔ́ mbá kɔlɔ lukpúi sí vɔ́nɛ fái h̃u wú yéle. Ngí pɔnɛngɔ́ ngáá kɛinɔɔ́ nduwúh̃u í lɛ́ ngáá wú ye Ngala fɛ́li fái h̃u, ná vólu, kɛinɔɔ́ ngí faa lé gíte ngáá kɛ Ngalángi háá bɔwɔ́i kái kái tɔ ngáá sí a mú su. Faale, a ɣɛ́ su gíte wú lííbangɔ í ɣɛ́ la su kpáŋ.