KƆLƆ́SE 1:5 - Kɛ́lɛ Niinaí

⁵ Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 1:5 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:33

A wú hɔ́lɔ wɔlingáitii kpɛ́lɛɛ mááɣɛ wú maa gápangi he nyaani yélaitii ngeyá. A naholói sí wɔ́lii bɔwɔ́ hááw̃a ɛ́i víla. Ná waa ngáá, wú ngándɔɔlɔ mbó ngelegóóh̃u mbéi ta ɛ́i gúla mba na ɔɔ mbéi ŋuỹa w̃ɔ́ɔ fíli ɛ́i lí naa béla kɛlaa ngiliá ɣɛ́ kíli wɔlingaa tɔɔ́ mɛ,

TI GƐ́Ɛ́ HAÍTII 10:36

Keela wói sí lɔ Ngalá ngí tɔvení nungái sítii ngelé ti ngáá Ísulɔ yeláitii. Ná wáá ngáá, keela woó vánda lendái kɔwɔ́ato ndiihéi wa Jísu Kílisitii w̃aa véle w̃a lɛ́i í ngáá Ndemɔí nuu kpɛ́lɛɛ fááw̃a.

TI GƐ́Ɛ́ HAÍTII 13:26

Pɔ́ɔ í mɔ́ɔ ɣɛ ta, “Mu mbálangaa, muỹɛ́i mu ngáá Lébilah̃au laala lengáitii ɛ́ɣɛ wɛ́i wáá ngáá Júsua kɛ́ wáá Ngala fɛ́li, a muỹá lɔ ti keela woí sí léi mu yɛ kɔwɔ́ato ngumaawóngi wa, tí tɔvengɔ́ mu yelé.

TI GƐ́Ɛ́ HAÍTII 23:6

Kɛ́ ná Pɔ́ɔ í ngátɔni mba ngáá kɛ ti lɛ́ingaa ti ɣɛ́i ngáá Júsuai sítii taa ɣɛ́ ti w̃a Sájusiaitii, pekaítii taa ɣɛ́ ti w̃a Falósiai, kɛ i woo lɛ́nga faa h̃úú haa lemái na, i ɣɛ ta, “Mu mbálangaa, nyá lɔ ngáá Falósi w̃ɔɔ, aáva Falósi w̃ɔɔ goo h̃ú loú wáá ngáá ngé. Nyá lɔ lóóni mbéinda kɔ́sɔma, bɔw̃álale kítomai waa ngáá nuu wúyoɣendai saí h̃u.”

TI GƐ́Ɛ́ HAÍTII 24:15

Naá nungái sítiini ni gitómai i yíla kpé. Ná wáá ngáá, Ngalá tɔɔ vá telembo mbélaitii ɛ́ɣɛ nyaama yélaitii mbuyoɣéma sái h̃u.

LÓÓMI 10:8

Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáa ngáá sí, “Ngalángi gééla woí i fóloa í w̃a, aa lɔ́ í gí ma aáva yáá hómbo yí nde.” Ná wáa ngáá kalambongí kɔwɔ́ato ndangí wa níwaa mbó ngáá wú yé.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

KƆ́L̃E HESENDAA GƆLƆÍ 15:19

Ná wɔ́lii mu lángi mu su ngáá Kílisitii áá ɣɛ́ nɔ́ɔ ngáá ngeleí sí wu háá séɣe héɣe mú na, kɛ muỹá lɔ mu ngáá maaw̃aanú yélaa í lɔ́ve nuu kpɛ́lɛɛ mbá ngeleí sí wu.

KƆ́L̃E GƆ́LƆI HELE KÉLEI 5:19

Ní gééla woí waa ngáá, Ngalá ngí ti lówah̃u bátɛngɔ taá núi kpɛ́lɛɛ Kílisitii w̃aa véle w̃a. Ngalá ngáá ti háá ỹɔítii séini gi má ɔ́ɔ́ pɛlɛ́ ti wa ngáá faá aáva i keela wói sí hénga ní yaá áá ngákɛ kíya í tí lówah̃u bátɛngɔ taá núi kpɛ́lɛɛ.

KƆ́L̃E GƆ́LƆI HELE KÉLEI 6:7

ɛ́ɣɛ tɔɔỹaá gééla woí náa nde ɛ́ɣɛ Ngalángi yákpangi h̃u í ní yaá. Ni lélembongi ní su, laá lɔ í ní yaá ngáá ni gɔ́ɔ́ wɔ nyáákai naa lápi la ni mɔ́ɔ w̃aaɣawó la.

GALÉSIYA 2:14

Kɛ́ ná ngí tɔ́ni ngáá kɛ taá ɣɛ́i taa híya ngáá keela woó vándai ngáá tɔɔỹaá, ngí ndéi Pítɛ w̃a ti kpɛ́lɛɛ kakála, ngí ɣɛ́ ma, “Yá lɔ́ ngáá Júsu w̃ɔɔ, kɛ́ yá lɔ́ɔ lúva kɛ kíya sítii taa ngáá Júsua taa lúva. Ndeénii le sítiini taa ngáá Júsua yáá kpa ti w̃á ngáá kúle ngáá taayáá híya ngáá Júsuai ti ndá híya veleí?”

GALÉSIYA 2:5

Kɛ́ sí tí ɣɛ́i lói ní kɛ, naá lúw̃ai ma kulo bɛ́lɛ kɛinɔɔ́ tɔɔỹaá gééla woo vandaí haa h̃uu ɔ́ɔ́ vú wú yáá.

GALÉSIYA 5:5

Kɛ́ ni gitóngɔɔ lé Ngalá mbá ngáá í ni ɣɛ́ ngáá telembo mbélaa. Ná vá tɔ náa máá maalɛ́lɛ ngi H̃ɛ́ɛ́ma Ỹínangi yákpangi w̃áá véle w̃a ɛ́ɣɛ ni lángi ní sú ngáá Jísu Kílisitii.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 4:21

Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI HESENDAA GƆLƆÍ 1:15

Sí ngáá vá ndéma aá lɔ ngáá tɔɔỹaá wóo, kule lɔ nuu kpɛ́lɛɛ má tí lókohei mbu ɛ́ɣɛ tí lá la, ná wáá ngáá, Jísu Kílisitii i vaangɔ́ ngeleí sí wu ngáá í faa ỹɔ́u yélaitii ngumááwo. Aáva faa ỹɔ́u yélaitii kínɛi su, nyá lɔ ngí ngáá ti wúngi.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

HÍBULU 7:19

Saváitii Ngala ngí féni Muusé yaá ngakpá ngáá ɣɛi ti h̃u tɔ́ɔ́ núu ɣɛ́ kíli batɛ fó fóndei Ngala ngááh̃u. Kɛ́ Ngala ngí kitomáá vánda gulái kɛ́lɛma a mu yɛ áá kɛ́ ngáá háwu a mú fólo laa Ngalá ma.

PÍTƐ HESENDAA GƆLƆÍ 2:2

Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.

PÍTƐ GƆ́LƆI HELE KÉLEI 1:12

Háwui sí hááw̃a, nyá lɔɔ ɣɛ́ ngáá wú gísitɛ nɔ́ɔ faí nátiini mba kíya bɛ́lɛ wú tí wɔlɔ́ náá kílii aáva wú lóóni kpáŋ tɔɔỹái sí w̃ááh̃u wú maahɔ́lɔnga.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.