KƆLƆ́SE 1:4 - Kɛ́lɛ Niinaí

⁴ sífaa, ní faa ỹɛ́ninga kɔwɔ́ato wú lángi wa wú su ngáá Jísu Kílisitii ɛ́ɣɛ ndóngi wú su ngáá Ngalángi vóngaitii kpɛ́lɛɛ.

KƆLƆ́SE 1:4 Iomraidhean Croise

KƆ́L̃E GƆ́LƆI HELE KÉLEI 7:7

Laáva aa ɣɛi nɔ́ɔ léi ngáá Táitɔ vaalái ɔ́ɔ́ ɣɛ́ ndúwuh̃ulɛni ngáá ni ye, kɛ́ ngi vólu haa léngi kɔwɔ́ato wú wa ngáá kíya wú ndúwuh̃ulɛni la. I ndengɔ́ ni w̃a kɛ kíya bútei wú lóngɔ wú tɔ, kɛ kíya gítei wú w̃ááw̃aanungɔ, ɛ́ɣɛ kɛ kíya wú w̃ááhei wóngɔ ngáá wú mááɣawo. Faalɔ, kóóh̃unɛɛngɔ wala le náa.

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

GALÉSIYA 3:28

Faalɔ, ndowah̃u kɔlɛ́ aa mɔɔ Júsuaitii ndowah̃u taa sítii taa ngáá Júsua, ɛ́ɣɛ nduwɔ lopóaitii taa sítii taa ngáá nduwɔ lopóa, ɛ́ɣɛ siỹɛngáitii ndowah̃u taá nyah̃áitii, wú kpɛ́lɛɛ wú báhangɔɔ lé náá su ngáá nuu yílaa Jísu Kílisitii wa.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 1:15

Náá hááw̃a, sí kpɛ́lɛɛ Ngala ngí kɛ́a, kíya fíli ngáá ɣɛ́a Ngala fɛ́li, ngáá sɛ́ɣɛɛ gula Ngalá má wú yɛ́ í séi ná h̃úu w̃á ngí fáa ỹɛ́nini kɔwɔ́ato ndangí wa wú su ngáá Ndemɔí Jísu ɛ́ɣɛ ndongí wú su ngáá Ngalángi vóngaitii kpɛ́lɛɛ.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 3:6

Kɛ́ Tímoti vá i yangáimanga vólu ni yelé ngáá wú w̃áá woo vánda ná wáá ngáá, ndangí lɔ́ wú h̃u ɛ́ɣɛ ndongí. I ndengɔ́ ní w̃a ngáá ni gísiya lɔ nɔ́ɔ wú w̃á hɔ́wɔ fíli aáva wú lóngɔɔ lé gíte wú ni héi heí, kɛ kíya nɔ́ɔ ni longɔ́ niỹa bɛ́lɛ ni wú héi heí.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

FELÉMO 1:5

bɔw̃álale, ngí fáá ỹɛ́ninga kɔwɔ́ato ndongí wa yí su ngáá Ngalángi vóngaitii kpɛ́lɛɛ ɛ́ɣɛ ndangí yí su ngáá Ndemɔí Jísu.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

NJƆÚ HESENDAA GƆLƆÍ 3:14

A mú suuwɔlɔ́ ngáá a maá mɔ́ɔ ngáá nuu háángɔ ɣɛ́ kíli Ngalá kákala, kɛ́ a muỹá lɔ́ náa ndɛ́ɛ́h̃u gítei h̃u. Ná yakɛ́ngɔɔ lé kpál̃au ngáá mú ye bɔw̃álale a mu longɔ́ɔ́ lé ngáá mu mbála Yalá fɛ́li mbélaitii. Nuí fíli ndo ngɛ́i ɣɛ́ su, kɛ maa w̃ɔ́i gúlangɔɔ lé nɛ́nɛ ngáá nuu háángɔ ɣɛ́ kíli.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

NJƆÚ HESENDAA GƆLƆÍ 4:16

Niỹa gíte vá ní ndóngi sí wɔ́lɔ í Ngála ngéya mu haáw̃a aáva ni langɔ́ɔ́ lé la. Ngalá tɔ ngáá ndo mɔ́ɔ́. Nuí fíli pá ndo ngáá ɣɛ́ ndií h̃u kɛ maa w̃ɔ́i báhangɔɔ lé Ngalá mba Ngalá bɛ́lɛ nɔ kpahangɔ́ maa w̃ɔ́i wa.