KƆLƆ́SE 1:16 - Kɛ́lɛ Niinaí

¹⁶ sífaa Kílisitii w̃aa véle w̃a lɔ́ Ngalá ngi ŋáni kpɛ́lɛɛ kpátɛngɔ ma tí ngelegóóh̃u ɛ́ɣɛ ngélewu, sítii máá ti lɔ ɛ́ɣɛ sítii mɔ́i tí lɔ, í báha náá ngakpa ŋániaitii mba ɛ́ɣɛ ndɔwɔlɔ w̃ásangaitii. Ngalá ngí ŋani kpɛ́lɛɛ kpátɛngɔ Kílisitii w̃áá véle w̃a ɛ́ɣɛ laa Kílisitii í ngúfema w̃ááhɔlɔ ti w̃áá véle w̃a.

KƆLƆ́SE 1:16 Iomraidhean Croise

NJƆÚ 1:10

Lɛ́i taa ɣɛ́ ma Keela Wói laá lɔ́ Ngalá ngí ngelewu bátɛni laá maa véle w̃a, í vá ngelewu, kɛ́ sí kpɛ́lɛɛ sú nungáitii tí ngelewu taá ɣɛ́i kɔlɔ́ ngáá ele gíte waa ngáá laá.

NJƆÚ 1:3

Ŋani kpɛ́lɛɛ Ngalá ngi kpátɛni lɛí taá ɣɛ́ ma Keela Wói laá lɔ́ í tí bátɛi. Ŋani fíli aa na kpatɛngɔ́ ɔ́ɔ́ ɣɛ́ la, yɔ́ɔ́ ɣɛ́ laá laa le ɔ́ɔ́ ɣɛ́ kpatɛngɔ́.

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

LÓÓMI 8:38

Ndángɔɔ lé lá ngwala ngáá ŋani fíli ɛi hombó ɔ́ɔ́ mu betéve Ngálangi lóngi wa. Í lí bɛ́lɛ í tó ndɛɛh̃úi sí wa mú su ɔɔ mɔɔ bɔ́ɔ́ ha. Malékaa ɣele tɔ tɛ́i hómbo. Ngakpa ŋánini kele tɔ tɛ́i hómbo. Fái sítii táá híya náa ɛ́ɣɛ sítii táá vá híyama ɔɔ ngákpa péka fíli nɔ́ɔ tɛ́i ná ɣɛ́,

LÓÓMI 9:5

Ti káwalani ti ɣɛ́i wɔ́lɔ ngáá nuu yánguyangɔni Ngalá ngááh̃u. Ti káwalai sítii tɔ nɔ́ɔ mɔ́ɔ́ ti ɣɛ́i ngáá Kílisitii káwalani nuu busá gákai w̃aa vele w̃a. Bɛlɛ́ Ngalá lɛ́i í fáá kpɛ́lɛɛ mááh̃u ngáá masa, ndaaw̃áá í lɛ́ kúnafɔ taá ngí ndá gúnafɔ! Amíína.

KƆ́L̃E HESENDAA GƆLƆÍ 8:6

kɛ́ muỹa mu haáw̃a, Ngalángi i yíla kpé nɔ́ɔ. Laá vá tɔ í ngáá mu Kɛ́ɛ́ɣɛ ɛ́ɣɛ ŋani kpɛ́lɛɛ kpátɛ mɔ́i, ngi háwui h̃úú lɔ́ í kɛngá mú ndɛɛh̃úi h̃u. Aáva múl̃ɔ Ndemɔí í yíla kpé, aáva laá wáá ngáá Jísu Kílisitii, lɛ́i Ngalá ngí ŋani kpɛ́lɛɛ kpátɛngɔ maa véle w̃a, aáva laa vá tɔ nɔ́ɔ mɔ́ɔ́ mú ndɛɛh̃úi h̃u maa véle w̃a.

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

FÉLEPA 2:10

Sítii kpɛ́lɛɛ tí ngelegóóh̃u ɛ́ɣɛ ngélewu ɛ́ɣɛ ndɔwɔlɔ́i wu tiyá lɔɔ vá wú máá hítɛma Jísu yɛ ngufema h̃u, tí fɛ́li.

KƆLƆ́SE 1:15

Nuu ɛ́i Ngala tɔ́, kɛ́ Kílisitii lɔ́ nɔ́ɔ jɔ́ kíya Ngala ngí na. Kílisitii i ɣɛngɔ na nɔ́ɔ fɔ́ ngetéyangi ɣéle tɔ ɔ́ɔ́ ɣɛ́a batɛ́, aáva tɔvengɔ́ɔ́ lé ŋáni kpɛ́lɛɛ mbá,

KƆLƆ́SE 1:20

Saaɣá haí Ngalángi H̃íỹɛndou Loí í mbóngɔ kulɔ́sii w̃á i kɛ́a ngáá háwu Ngalá ngí ndówah̃u batɛ́ wó ti lówah̃u taá ŋániitii kpɛ́lɛɛ. Máá hái lɔ í kɛ́ngɔ ngáá háwu Ngalá ngí váángɔ ngáá ndiihéi vólu í mɔ́ɔ́ kɛ ngáá háwu ŋaniáitii kpɛ́lɛɛ ti ngélewu ɛ́ɣɛ ngelegóóh̃u tí ɣɛ́ múl̃ɔ ngáá ngi ndá.

KƆLƆ́SE 2:10

Aáva mu ndɛ́ɛ́h̃u gítei w̃aahɔ́lɔngɔ kpahaí wa mu su Kílisitii wa. Aá va tɔ ngakpa ngí ngeyá ngakpa ŋániaitii kpɛ́lɛɛ mááh̃u ti ngákpa su.

KƆLƆ́SE 2:15

Ngalá ngí ngakpángi gúlani ngakpa ŋáni ỹɔu ỹɔungáitii kpɛ́lɛɛ ngeyá sái w̃áá véle w̃a Kílisitii í mbóni kulɔ́sii w̃a. I kɛni nungáitii kpɛ́lɛɛ tí ngélewu tí ɣɛ́ faa wɔ́lɔ mba ná í ɣɛ́i áá góóh̃unɛɛ ti w̃a ngáá ngi ndái í ndongá ma.

HÍBULU 1:2

Kɛ́ muỹɛ́i náa mu ngapumáá yéteyangi sí h̃u, i yɛpɛngá mú yelé ngi H̃íỹɛndou Loí w̃áá véle w̃a. Ngala ngí mɔ́ɔ kɛngɔ́ ngáá háwu ngeleí sí wu í ɣɛ́ na ngi lói sí w̃áá véle w̃á. Laáva tɔ nɔ́ɔ múl̃ɔ Ngala ngí lókolongɔ mba ngáá faa kpɛ́lɛɛ í ngápu toko h̃u.

HÍBULU 2:10

Ngalá tɔ́ í ŋani kpɛ́lɛɛ kpátɛngɔ aáva í kpɛ́lɛɛ kpátɛngɔ ngi wúfemai hááw̃a. I ɣɛi loí í kɛ ngáá háwu ngufemaí í mbɛ́ í ɣɛ́ polú yélaa bih̃íw̃aa yɛ́. Faalɔ, í ɣɛi pele w̃a ngáá nuí sí áá kɛ ngáá háwu nuu áá ngumaawóngi w̃ááhɔlɔ, í máá w̃ɔ́i ɣɛ kíli batɛ́ fó fóndei sái w̃áá véle w̃a ná í mbóni.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.