KƆLƆ́SE 1:11 - Kɛ́lɛ Niinaí

^11-12 Bɛlɛ́ Ngalá ngí wú h̃úúba gite kpáŋ, ná wáá ngáá, suubángi áá gúla Ngalángi yákpa maanɛɛnɛ́ɛ́ngɔi h̃u, kɛinɔɔ́ wú hómbo wu híya faa báma fíli su ngáá ndiibakpá ɛ́ɣɛ ndiilɔlɔ́. Aáva niỹá lɔ́ɔ Ngala fɛ́li ngáá wú ɣɛ́ wáá sɛ́ɣɛɛ gúla Kɛɛɣɛ́i Ngála má ngáá kooh̃unɛɛ, lɛ́i í kɛ́nga ngáá háwu wú hómbonga wú wú ndá yélendai w̃ááhɔlɔ. Ná wáá ngáá, sí í ngandɔ́ɔ́lɔnga ngi vóngaitii fááw̃a ngí w̃ásandai h̃u áá kpíndi h̃u.

KƆLƆ́SE 1:11 Iomraidhean Croise

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 16:13

A w̃aahéi wó, wú ló kpáŋ ngáá ndangí wú su ngáá Jísu, wú lííbangɔ i ɣɛ la, ná vólu, wú h̃úú i ɣɛ báni.

KƆ́L̃E GƆ́LƆI HELE KÉLEI 4:7

Ná fíli sú, niỹɛ́i Hɛ́ɛ́ma Ỹínangi í kɛ́nga ngáá háwu ní fáa vánda wálai sí w̃ááhɔlɔ, ni ɣɛ ngɔ́ɔ́ lé bɛ́ɣɛ bɛɣɛ kíya nɔ́ɔ fɛɛtóa tí na. Ná lɔ́ áá ngákɛ ngáá kɛ Ngála ngílaa kpé tɔ́ nɔ́ɔ ngakpá súúlɔvengɔ wálai í ngéya kɛ́ aa ni yaa.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 6:10

Ngapúmaa hái lɔ ngáá nde wú w̃a. Wú h̃úúbangɔ í ɣɛ́ la Ndemɔí Jísu yakpangí h̃u ngáá kpahaí wá wáá ɣɛ́ su mba.

FÉLEPA 4:13

Jísu Kílisitii haalái h̃u, ngáá hómbo ngí híya faa kpɛ́lɛɛ su, sífaa laá lɔ áá kɛ ngí hómbo náa la.

PÍTƐ GƆ́LƆI HELE KÉLEI 1:6

Ná ná áá gúla su, wááyaa h̃uuhóu w̃a faa kpɛ́lɛɛ sú, ná vólu, wááyaa liilɔ́lɔ faítii nga, ɛ́ɣɛ mɔ́ɔ wú ɣɛ́ kíya Ngala ndóngɔ wú ɣɛ́ na.

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.