KƆLƆ́SE 1:10 - Kɛ́lɛ Niinaí

¹⁰ Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 1:10 Iomraidhean Croise

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 15:8

A kɛ ngáá háwu ngamba bih̃íw̃aa í hɔ́lɔ wú h̃u, ná áa ngakɛ ngáá kɛ wá lɔ ngáá pólu yelaa. Ná vá tɔ áá ngákɛ ngáá kíya ní Kɛ́ɛ́ɣɛ gáámaangɔ.

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

LÓÓMI 1:13

Mu mbála Yala fɛ́li mbélai, ndóngɔɔ lé gíte wú ɣɛ́ kɔlɔ́ ngáá kuu bih̃íw̃aa w̃aah̃u ngí kpátɛa ngáá ngí vá ngí wú héi heí, kɛ́ faa í lónga víli pílima kɔ́wɔ h̃u í fólo sí h̃úi ɣéle tɔ ma. Ndóngɔɔ lé ngí vá ngí nungáá w̃ááhɔlɔ wú lííwaa tiyá bɛ́lɛ ti ɣɛ́ ngáá Jísu Kílisitii vólu yélaa, kíya nɔ́ɔ ngí kɛ́ngɔ nungáá vékaitii ndiiwáá tiyɛ́i tiyá bɛ́lɛ taa ngáá Júsua.

LÓÓMI 4:12

Ná vá tɔ mɔ́ɔ́ í kɛ́ngɔ Lébilah̃au í ngáá sítii kpɛ́lɛɛ ti lɔ́vengɔ áá ɣɛ́ la pɛlɛ́ vólu ti kɛ́ɛ́ɣɛ tiyɛ́i vá ti langɔ́ ngáá Ngalá kíya nɔ́ɔ Lébilah̃au í láni p̃ɛ́ɛ́ ngáá Ngalá ɔ́ɔ́ ɣɛ́a tɔve pɛlɛ́ vólui w̃aahɔ́lɔ.

LÓÓMI 6:4

Faalɔ, ngúyai a mú mááhɔlɔni kɛ kpɔ́lui wúl̃a tí mbóni ngáá mu ye a maá láa. Ná ná ɣɛ́ngɔ, kɛ i ɣɛ́ngɔ nɔ́ɔ ngáá a mú hááni a maá láa ngáá kɛinɔɔ́ kíya nɔ́ɔ Kɛɛɣɛ́i Ngálangi gááma yakpangí í kɛ́ni ngáá háwu Kílisitii í yóóɣeni sái h̃u a muỹá bɛ́lɛ nɔ a mú lɛɛh̃úi h̃uuhíya péle niiná h̃u.

KƆ́L̃E GƆ́LƆI HELE KÉLEI 2:14

Kɛ́ sɛ́ɣɛɛ gulama í ɣɛ́ Ngalá mbɛ́ lɛ́i áá ni wúto í kɛ ngáá háwu ni ndái í ndó ma hɔ́wɔ fíli kɔwɔ́ato kpahaí wa ní su Kílisitii wa. Ngalá ngí naa gúlanga kɛ́lɛma ni yɛ ngáá ni Kílisitii w̃áá woo híya kíya nɔ́ɔ sɛ́ndi w̃aaku nɛ́ɛ́ nɛɛ ngáá híya ỹandá kpɛ́lɛɛ.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

KƆ́L̃E GƆ́LƆI HELE KÉLEI 5:9

Sí ní gi ngí mba aá wáa ngáá ni sí ɣɛ́ áá Ndemɔí liilá. I ɣɛi ngáá ndɛɛh̃úi sí h̃u ɔ́ɔ́ ndɛɛh̃úi ná h̃u áá vá vaamá,

KƆ́L̃E GƆ́LƆI HELE KÉLEI 9:8

Aáva Ngalá ngáá nɛ́ɛ́ma yéi wú w̃a kɛinɔɔ́ hɔ́wɔ fíli sí kpɛ́lɛɛ wú béɣengɔ ma wú maahɔ́lɔ bih̃í bɔwɔ́ haaw̃a laáva aa ɣɛ fení ngáá wú ɣɛ́ wáá faa bɔ́wɔ hii fíli kɛ́ lá.

Ɛ́FƐSƆ 1:17

Ngáá Ngalá mɔ́ɔ́ni lɛ́i í ngáá ngakpa Kɛ́ɛ́ɣɛi Ndemɔí Jísu Kílisitii hááw̃a í kɛ ngáá háwu Hɛ́ɛ́ma Ỹínangi í ɣɛ́ wú vólu, i wú géle ɣele wú ɣɛ́ tɔɔỹái wɔlɔ́ kɔwɔ́ato Ngalá mbá, wú ɣɛ́ kɔlɔ́ ngáá ele gíte wáá ngáá laá.

Ɛ́FƐSƆ 2:10

Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 4:13

í ló su kpóloo, a mu kpɛ́lɛɛ mu lángi ɣɛ́ kíli í ɣɛ yíla Ngalángi H̃íỹɛndou Loí h̃u, aáva a mu ɣɛ́ kɔ́lɔ pele yílaa su ngáá ele gíte wáá ngáá laá. A mu h̃úú áá bá náá Ngala fái h̃u kíya Kílisitii í na.

Ɛ́FƐSƆ 5:15

Faalɔ, a w̃aah̃ú béle ngáá sí wáá nde ɛ́ɣɛ sí wáá kɛ, tí ɣɛ́ ngáá kele ɣéle faa. Wú lúva veléitii tálaa ɣɛ́ ngáá kíya sítii taa faa wɔ́lɔ.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 4:18

Sí kínɛi í ɣɛ́ngɔ ngáá kpéɣema wɔ́lingai ngí maahɔ́lɔnga wú yáá í lɔ́ve ma bɛ́lɛ. Sí kpɛ́lɛɛ kpéɣengɔ í ɣɛ́ngɔ lá ma, aá lɔ náa ngéya ná Ɛpafulɔdáitɔ í váa náa ngáá wú loko bɔmba wɔlingáitii ngéle. Ti gúlangɔɔ lé ngáá toko bɔ́mba wɔ́li pánda nuu áá fé Ngalá mbɛ, kíya nɔ́ɔ tokoheí mbu hááɣa áá ɣɛ́ na Ngalá ngelé áá ndiivó.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

KƆLƆ́SE 2:6

Ná wú lókoheinga Jísu Kílisitii wú ngáá wú Lémɔi, náá hááw̃a, a ɣɛ́ kíya Jísu Kílisitii í na wú báha kílii su mba.

KƆLƆ́SE 3:20

Wɛ́i wú ngáá ndengáitii, kule lɔ wú w̃a wú gólo wú lé mbélaitii mbɛ hɔ́wɔ fíli sífaa ná lɔ́ áá Ndemɔí Ngála ndiilɛ́i.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TÍMOTI GƆ́LƆI HELE KÉLEI 2:4

Nuí fíli áá ɣɛ́ ngáá sóya w̃ɔ́ɔ vánda, aa ɣɛ nɔ́ɔ loí í ngí nuu walaí liilɛ́i ngénge mbo. Ná hááw̃a, ɛi lokovíli sítii ti hiya vele h̃u taa ngáá sóyaa.

TÁITƆ 3:1

Nde í mbála Yalá fɛ́li mbélaitii ma múl̃ɔ tí bɔ́wɔ gula kɛlɛ́ma ɛ́ɣɛ tí ngúfema hé sítii kpɛ́lɛɛ mbɛ tí ngakpá sú. Tí gólongɔ í ɣɛ́ lá ɛ́ɣɛ tí héi gilí bátɛngɔ í ɣɛ́ la kpɔmba hááw̃a faa kpɛ́lɛɛ sú.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

HÍBULU 11:5

Ndangí siỹɛndópoi sí tɔ́ɔ́ ɣɛ́ ma Íínɔ í ɣɛ́i su ngáá Ngalá, ná lɔ́ í kɛ́ni áá saa w̃ááhɔlɔni. Sí lɔ́ pɔnɛngɔ́ Ngala Kɔ́lɔi h̃u ngáá Íínɔ i Ngalá ndiivó fáitii kɛ́ni aáva Ngala ngí kɛ́ni ngáá háwu fulúngɔ í loí nɔ́ɔ́ í lɛ́ ngelegóóh̃u, nuu áá mɔ́ɔ́ tɔní.

HÍBULU 13:16

Aáva wálaa lééw̃a faa bɔ́wɔ ɣɛndái w̃a ỹɔw̃ɔ́ ỹɔ́w̃ɔ yɛ ɛ́ɣɛ wááyaa bɔ ỹɔw̃ɔ́ ỹɔ́w̃ɔ wa sífaa, ná lɔ́ í ngáá saáɣa ɣɛ kíli áá Ngalá ndiilá.

PÍTƐ GƆ́LƆI HELE KÉLEI 1:8

Ná faa vánda vándai sítii kpɛ́lɛɛ taa ɣɛ́ wú h̃u wáa ndi ngu ma ngáá ti ɣɛndáá, ná ná áá ɣɛ́, Ndemɔí Jísu Kílisitii wɔ́lɔndai wú yɛ́ ɛi ɣɛ nɔ́ɔ ngáá faa gbááma wɔ́i ɣɛ́ wáá maah̃ú háá ɣɛ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

NJƆÚ HESENDAA GƆLƆÍ 3:22

Sí fíli a maá Ngála fɛ́li faaw̃a, aa fe mu yaá bɔw̃álale a mu golóngɔɔ lé ngi hávaitiini mbu ɛ́ɣɛ mú wáá fái sítiini kɛ ti ngáá ndiivó fáitii.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.

NJƆÚ GƆ́LƆI HAWA KÉLEI 1:6

Ndongí yí su ngáá ti ye tí súúɣɛngɔ ngáá Ngala fɛ́li mbélaitii ti mbéinda. Bɔ́ kái tí wa tí ndí ngu ma ngáá ti Yála ngenge siyangí tí su kíya Ngalá ndóngɔ nɔ́ɔ yí kɛ ti yɛ.