JIMISÍ 5:9 - Kɛ́lɛ Niinaí

⁹ Faalɔ, mu mbála Yalá fɛ́li mbélai, a wálaa ɣɛ́ wáá ỹɔw̃ɔ́ ỹɔ́w̃ɔ baalɛ hóu. A waláa ná ɣɛ kɛinɔɔ́ Ngalá ngɔ́ɔ́ va wú gɔ́sɔ, sífaa kɔsɔ́ mbááleve mɔ́i lɔ náa naa bélaa.

JIMISÍ 5:9 Iomraidhean Croise

MÁFIYU 24:33

Aáva ngimɔ́ɔ́ nɔ́ɔ jɔ́ ná wáá fái sítiini tɔ́ tíwaa ɣɛ́, wáá ɣɛ́ nɔ́ɔ kɔlɔ́ ngáá kɛ i bɛɛngá mba, aá lɔ́ náa naa béla kái kái.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:29

Aáva ngimɔ́ɔ́ nɔ́ɔ jɔ́ ná wáá fái sítiini tɔ́ tíwaa ɣɛ́, wáá ɣɛ nɔ́ɔ kɔlɔ́ ngáá kɛ naa í bɛ́ɛ́nga mba, aá lɔ náa naa béla kái kái.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:19

Faalɔ, Hɛlɔ́diya liiyáw̃al̃angɔ wala i ɣɛi lá Njɔú yáa. Ná vólu, i ɣɛi loní í páa kɛ́ aa nɛɛ ɣɛi pele hɔ́lɔni mba,

KƆ́L̃E HESENDAA GƆLƆÍ 10:11

Faí sítii ti híyani ngáá ti ye ngáá ti ɣɛ́ ngáá kalambo mu haáw̃a aáva ti vɔ́nɛngɔɔ lé ngáá ti ɣɛ́ ngáá ndaahí ngóó mu haáw̃a. Sífaa muỹá lɔ náa ngetéyangi h̃u, kuí sí w̃a suu áá mɔ́ɔ gooh̃á kɛ ngakɛ́ɛ́lɛmai i foloá ma.

KƆ́L̃E HESENDAA GƆLƆÍ 4:5

Náá hááw̃a, waá nuu fíli mbááleve p̃ɛ́ɛ́ kɔsɔ́ kuí ɔ́ɔ́ ɣɛ́a foló ma. Ngakɛɛlɛ́ kɔ́sɔngi lɔɔ vá ná h̃u Ndemɔí Jísu áá va vááma ma. A naa w̃áálɛlɛ Ndemɔí Jísu í vá. Laá lɔ sí ndɔɔwungɔ́i áá kula kalá kála ma aáva aa nuu búsai lii h̃ú haítii maa ɣɛ kpál̃au. Táingi ná h̃úu vá, nuí yíla ngílangi kpɛ́lɛɛ aa tɛ ngóó w̃ááhɔlɔ ngáá kule í ma í mááhɔlɔ Ngala ngeyá.

KƆ́L̃E GƆ́LƆI HELE KÉLEI 9:7

Nuí fíli í ngi ndá lóko bɔmbaí hé ngáá sí l̃ɔ́ingi áá ɣɛ́ kpatɛí gí ma ngáá í fé ngáá ndiiwolé, sífaa nuí áá fe ngáá ndiiwolé aá lɔ Ngalá ndongɔ́ lá.

GALÉSIYA 5:14

Ngalá sávaitii kpɛ́lɛɛ pá ngungí í yíla aáva mbaa ngáá sí í ɣɛ́ngɔ ta, “Ló ngáá í mbála nuú búsaitii kíya í lóngɔ ngáá bɔwɔ́.”

GALÉSIYA 5:26

A mu h̃úú álaa ɣɛ́ wɔ́ɔ́lɔ. Ná vólu, a málaa bɔwɔ́ báálɛ mba hááni kɛ, kɛlaa mɔɔ ɣɛ́ máá tóloma ngúla ngáá ỹɔw̃ɔ́ ỹɔ́w̃ɔ.

JIMISÍ 4:11

Mu mbála Yalá fɛ́li mbélai, a waa yɛ́pɛ ỹɔú ngáá ỹɔw̃ɔ́ ỹɔ́w̃ɔ. Nuí áá yɛ́pɛ ỹɔú ngáá ngi mbála Yalá fɛ́li mɔ́i ɔɔ i mbaaléve ngáá aa vélei, ná ná áá ɣɛ́, kɛ áá lɔ́ɔ yɛ́pɛ ỹɔ́u ngáá Ngalángi hávai aáva áá savaí wáágula. Ná wáá sávai wáágula, kɛ wáá góloma mbu kɛ́ wá lɔ héi mááh̃u ngáá mbaagúla mbélaa.

JIMISÍ 4:12

Ngalá ngílaa kpé tɔ́ í ngáá sava la mɔ́i laáva tɔ áá nuu gɔ́sɔ. Laá lɔ́ áá hómbo í nuu wúmaawo ɔɔ í nuu lɔ́ve njahááma. Kɛ́ wá, ele wáá ngáá wú ye ngáá waa nungáá waaléve ngáá taá vélei?

JIMISÍ 5:10

Mu mbála Yalá fɛ́li mbélai, a gisíya lɛ́ɛ́ ngáá Ndemɔí Ngalá ndaa háá lé mbélaitii wɔ́lɔ, ti ɣɛ́ ngáá tɔmaseí wú hááw̃a. Ti liilɔ́lɔngɔ i ɣɛ́i lá faa báma fíli su.

JIMISÍ 5:7

Faalɔ, mu mbála Yalá fɛ́li mbélai, a liilɔ́lɔ í ló su kpóloo Ndemɔí Jísu í yángaima. A tɔ lɛ́ɛ́ kíya kpaala la mɔ́i áá liilɔ́lɔ í ngi hí ŋánii w̃áálɛlɛ ná í mba pánda wo mbɛ. Aa liilɔ́lɔ ngwala í maifɔ́lɔ njɛ́i ɛ́ɣɛ ngapúmaa yɛítii mbandái w̃aalɛ́lɛ.

PÍTƐ HESENDAA GƆLƆÍ 4:5

Kɛ́ kɛ tí fái sítii pólu haa lé. Tiyá lɔɔ vá ná ɣɛ́ma Ngalá kakála lɛ́i íwaa vá nuu kpɛ́lɛɛ kɔ́sɔma, ná wáá ngáá, sítii ti háánga ɛ́ɣɛ sítii taa ɣɛ́ ndɛɛh̃ú h̃ú ngetéya ngakɛ́ɛ́lɛmai.

PÍTƐ HESENDAA GƆLƆÍ 4:9

A lokohéi ỹɔw̃ɔ́ ỹɔ́w̃ɔ héi heindaa wu wú vɛ́lɛitii nda bɛ́kpɛ, wú ɣɛ́ wáá kɛ ndiiwolé w̃ááh̃u.

FAA YÁKƐ KƆ́LƆI 3:20

A wolílo! Nyá lɔ́ lói pɛlɛ́i la, ngíwaa túba. Ná nuu fíli áá ngóó ỹɛ́ni, í ndááwo, ngáá vá mbu maa w̃ɔ́i yéle, náa láá ni héi ní lááỹɛ ỹanda yílaa.