JIMISÍ 5:8 - Kɛ́lɛ Niinaí

⁸ Wa bɛ́lɛ a liilɔ́lɔ wú ló kpáŋ, bɔw̃álale Ndemɔí Jísu vaalái volu bɛ́ɛ́ngɔɔ lé náa mba.

JIMISÍ 5:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:19

Wú lángi í wú h̃u, a ndi ngu ma lá ngáá hɛmbɛ́ fíli ná ná va ngáá ɣɛ́, wáá kúnafɔ lɛ́ɛ́h̃ui w̃aahɔ́lɔ.”

NJƆÚ 21:22

Jísu i ngoo yápoteni, i ɣɛ ma, “Ná ngáá ɣɛ loí í ló ndɛɛh̃ú h̃u í lo su ngí va, ndeé lɔ áá í nda víli ná h̃u? Í ndái waa ngáá kɛ yí hítɛ pólu.”

LÓÓMI 8:25

Kɛ́ áá ɣéle, faa lɔ́ ná í ngáá a mu gitómai kɛ́ áá nɛ́ɛ mú yaá aáva a maa náa w̃aalɛ́lɛ ngáá ndiilɔlɔ́.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

FÉLEPA 4:5

Wú lúva veléi w̃aanɛ́ɛ́ngɔ í ɣɛ́ la nuu kpɛ́lɛɛ ngááh̃u. Ndemɔí Jísu lɔɔ vá h̃úmbuwa.

TƐSALÓNIKA HESENDAA GƆLƆÍ 1:10

Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA GƆ́LƆI HELE KÉLEI 3:5

Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

JIMISÍ 5:3

Kaaheí í wu góóliini ngaa wú gáni kolengáitii soungá. Maa gááhei sí va tɔ í waa vá ngákɛma kpál̃au kúna ngáá wáá véleni aáva aa wu lúwui ỹɛ kíya kpéi ngɔmbuí áá ŋani w̃ɔ́. Kɛ́ wu kpatɛ́ yatɛngá mba bɔwɔ́ hááw̃a ngetéya ngákɛɛlɛmai.

JIMISÍ 5:9

Faalɔ, mu mbála Yalá fɛ́li mbélai, a wálaa ɣɛ́ wáá ỹɔw̃ɔ́ ỹɔ́w̃ɔ baalɛ hóu. A waláa ná ɣɛ kɛinɔɔ́ Ngalá ngɔ́ɔ́ va wú gɔ́sɔ, sífaa kɔsɔ́ mbááleve mɔ́i lɔ náa naa bélaa.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.