JIMISÍ 5:7 - Kɛ́lɛ Niinaí

⁷ Faalɔ, mu mbála Yalá fɛ́li mbélai, a liilɔ́lɔ í ló su kpóloo Ndemɔí Jísu í yángaima. A tɔ lɛ́ɛ́ kíya kpaala la mɔ́i áá liilɔ́lɔ í ngi hí ŋánii w̃áálɛlɛ ná í mba pánda wo mbɛ. Aa liilɔ́lɔ ngwala í maifɔ́lɔ njɛ́i ɛ́ɣɛ ngapúmaa yɛítii mbandái w̃aalɛ́lɛ.

JIMISÍ 5:7 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 24:27

Bɔw̃álale nuí síí w̃ɔ́i taa ɣɛ́ ma Nuu Búsa Goo H̃ú Loí paalái volú aa ɣɛ gulaí ngáá ngeleí áá ɣɛ́ míỹa míỹa í séi foló gúla veléi h̃u véle, í fólo foló líi veléi h̃uu véle.”

MÁFIYU 24:44

Faalɔ, wá bɛ́lɛ kɛ wú w̃aahei wó bɔw̃álale, Nuu Búsa Goo H̃ú Loí lɔɔ vá vaamá táingi sí w̃a wú gí ngɛ́i ɣɛ́ mba ngáá aá lɔ́ɔ vá ma.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:8

Ngí ndé wú w̃a, aa ti háá lɔɔỹaí he ti yaá ngáá maahulángɔ. Kɛ́ ná nuí síí w̃ɔ́i taa ɣɛ́ ma Nuu Búsa Goo H̃ú Loí áá va, aa nungáá lɔ́ ngeleí sí wu ti langɔ́ ngáá Ngalá?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:27

Ná h̃úu vá, nungáitii taá nuí síí w̃ɔ́i taa ɣɛ́ ma Nuu Búsa Goo H̃ú Loí lɔ íwaa vá, i njɛ bilíi h̃u, ngakpa i ngeyá, ná vólu, áá hólo míl̃a mil̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:15

Hakpá súwui sítiini pa ti gúlani ndɔwɔlɔ́ vándai w̃a, ti gúlangɔɔ lé ngáá nungái sítii kɛ kíli taá Ngala ngói ỹɛ́ni, tí lokohéi mbu ngáá ndiiwolé aáva tí goló mbu, ti ló su kpáŋ í ló su ti ɣɛ́ ngáá faa váá mbélaa kíya nɔ́ɔ hakpá súwui sítii ti gúlani ndɔwɔlɔ vándai w̃a ti bátɛni ngwala.”

NJƆÚ 21:22

Jísu i ngoo yápoteni, i ɣɛ ma, “Ná ngáá ɣɛ loí í ló ndɛɛh̃ú h̃u í lo su ngí va, ndeé lɔ áá í nda víli ná h̃u? Í ndái waa ngáá kɛ yí hítɛ pólu.”

NJƆÚ 21:23

Í séi sí wa, tɛ́ɣɛ tɛɣɛ́ ngói ɣɛi su Jísu volú yélai ndiiwáá ngáá kɛ Jísu volú w̃ɔ́i ná aa vaamá haamá. Kɛ́ Jísu va aa ndení ngáá ná aa vaamá haamá. Sí í ndení i ɣɛi ngáá sí, í ɣɛ́i ta, “Ná ngáá ɣɛ loi í ló ndɛɛh̃ú h̃u í ló su ngí va, ndeé lɔ áá í nda víli ná h̃u?”

LÓÓMI 15:4

Aáva faítii pɔ́nɛngɔɔ lé Ngala Kɔ́lɔi h̃u ngáá kɛinɔɔ́ maayáá kalambo mááhɔlɔ su áá mú liibá, Í mú liiwúúlɛ. Ná ná vá ngáá ɣɛ́, kitomáá aa ɣɛ mu wa.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 1:7

Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.

GALÉSIYA 5:5

Kɛ́ ni gitóngɔɔ lé Ngalá mbá ngáá í ni ɣɛ́ ngáá telembo mbélaa. Ná vá tɔ náa máá maalɛ́lɛ ngi H̃ɛ́ɛ́ma Ỹínangi yákpangi w̃áá véle w̃a ɛ́ɣɛ ni lángi ní sú ngáá Jísu Kílisitii.

GALÉSIYA 6:9

Náá hááw̃a, a málaa bɔ́lɔ ngáá faa vánda ɣɛ́ndaa, sífaa ná a mɔ́i ɣɛ́ bɔ́lɔni, naa hɔwɔí lɔɔ va folóma ma a maá kúlasuunuma w̃aahɔ́lɔ su.

KƆLƆ́SE 1:11

Bɛlɛ́ Ngalá ngí wú h̃úúba gite kpáŋ, ná wáá ngáá, suubángi áá gúla Ngalángi yákpa maanɛɛnɛ́ɛ́ngɔi h̃u, kɛinɔɔ́ wú hómbo wu híya faa báma fíli su ngáá ndiibakpá ɛ́ɣɛ ndiilɔlɔ́. Aáva niỹá lɔ́ɔ Ngala fɛ́li ngáá wú ɣɛ́ wáá sɛ́ɣɛɛ gúla Kɛɛɣɛ́i Ngála má ngáá kooh̃unɛɛ, lɛ́i í kɛ́nga ngáá háwu wú hómbonga wú wú ndá yélendai w̃ááhɔlɔ. Ná wáá ngáá, sí í ngandɔ́ɔ́lɔnga ngi vóngaitii fááw̃a ngí w̃ásandai h̃u áá kpíndi h̃u.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

HÍBULU 6:15

Aáva Lébilah̃au va i liilɔ́lɔni í naa w̃áálɛlɛ kuulóngi Ngala ngí mbói la í mááhɔlɔ.

JIMISÍ 4:11

Mu mbála Yalá fɛ́li mbélai, a waa yɛ́pɛ ỹɔú ngáá ỹɔw̃ɔ́ ỹɔ́w̃ɔ. Nuí áá yɛ́pɛ ỹɔú ngáá ngi mbála Yalá fɛ́li mɔ́i ɔɔ i mbaaléve ngáá aa vélei, ná ná áá ɣɛ́, kɛ áá lɔ́ɔ yɛ́pɛ ỹɔ́u ngáá Ngalángi hávai aáva áá savaí wáágula. Ná wáá sávai wáágula, kɛ wáá góloma mbu kɛ́ wá lɔ héi mááh̃u ngáá mbaagúla mbélaa.

JIMISÍ 5:10

Mu mbála Yalá fɛ́li mbélai, a gisíya lɛ́ɛ́ ngáá Ndemɔí Ngalá ndaa háá lé mbélaitii wɔ́lɔ, ti ɣɛ́ ngáá tɔmaseí wú hááw̃a. Ti liilɔ́lɔngɔ i ɣɛ́i lá faa báma fíli su.

JIMISÍ 5:3

Kaaheí í wu góóliini ngaa wú gáni kolengáitii soungá. Maa gááhei sí va tɔ í waa vá ngákɛma kpál̃au kúna ngáá wáá véleni aáva aa wu lúwui ỹɛ kíya kpéi ngɔmbuí áá ŋani w̃ɔ́. Kɛ́ wu kpatɛ́ yatɛngá mba bɔwɔ́ hááw̃a ngetéya ngákɛɛlɛmai.

PÍTƐ GƆ́LƆI HELE KÉLEI 3:4

táá ɣɛ́ ta, “Kuulóngi Jísu Kílisitii í mbóni wɔ́lɔ ngáá aá lɔɔ vá yángaimama, bele hɔwɔ́ lɔ́ náá áá hítɛnga hɔ́ɔ? A mu kɛ́ɛ́ɣɛni ti haánga, kɛ́ ná fíli su, faítii kpɛ́lɛɛ tiyá lɔɔ́ ndí nɔ́ɔ ngu ma kíya í ɣɛ́i na wɔ́lɔ í séi ngetéyangi bátɛ sɔ́wɔ w̃a í fólo sí h̃úi w̃a.”