JIMISÍ 5:5 - Kɛ́lɛ Niinaí

⁵ Wú wú lɛ́ɛ́h̃ui h̃uuhíyanga ndiilɛí ɛ́ɣɛ ndiivo kɛɛ́ wála h̃u ngeleí sí wu. Aáva kíya nɔ́ɔ wáá níkai laa wɔ í ɣɛ́ wɔɔlɔ paa fááw̃a, ngimɔ́ɔ́ nɔ́ɔ wú bɔwɔ́ ɣɛ́nga wɔ́ɔ́lɔ folói sí hááw̃a wáá vá hááma.

JIMISÍ 5:5 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:19

Kɛ Jísu i mɔɔ faanɛ́ɛ́ngi sí héinga i ɣɛ ta, “Kpatɛ w̃ɔ́i lɔ wɔ́lɔ í ɣɛ́i na, maayílingɔ i ɣɛi nɔ́ɔ la hɔ́wɔ fíli ngáá kula h̃ɔ́w̃ɔ bangɔ́ vanda vándaitii. Ngele fíli ɔ́ɔ́ wo, i ɣɛi nɔ́ɔ ndiivo kɛɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

TÍMOTI HESENDAA GƆLƆÍ 5:6

Kɛ́ ponỹah̃ái sí áá ɣɛ́ nɔ́ɔ beɣéi ndiivo kɛí hááw̃a, saangɔ́ vóto te kíya bɛ́lɛ áá ɣɛ́ ndɛɛh̃úi h̃u.

TÍMOTI GƆ́LƆI HELE KÉLEI 3:4

Tɛí ɣɛ́ ngáá tokola ma yélaa kɛlaa tɔ́ɔ́ ɣɛ́ ngáá kisiya faah̃ú yélaa. Ti h̃úúwɔɔlɔngɔ aa ɣɛ lá ngwala ɛ́ɣɛ ti longɔ́ ngáá ndiivo kɛí í lɔ́ve Ngala mbá.

PÍTƐ GƆ́LƆI HELE KÉLEI 2:13

Faa báma lɔɔ vá láma ti w̃a ngáá faa bámai sí vóto táá nda. Ti ndá gísiyai kɔwɔ́ato ndiivo kɛí wa aá waa ngáá sí fíli táá kɛ áá ti liivó, taá kɛ folói léi í bɔ́ɔ́ ɣɛ ngáá ngufe tála haa. Aa ɣɛ ngáá ngángufe ɛ́ɣɛ mbɛlɛ ỹaaní ná taa báha wú wá wú lááỹɛ mbomáitii, aáva ti liivó fái wáá nɔ́ɔ́ nɛ́nɛ ngáá faa ỹɔu ɣɛ́ndai.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:12

Ná wáá ɣɛ́ wáá wú Yála fɛ́li ndááỹɛngi wo, nungái sítii kulangɔ́ɔ́ lé ngáá ỹandáá bɔíŋngɔ áá ɣɛ́ la wú lááỹɛ mbo máa. Tɛí gísiya ngáá nungáá vékaa kulo bɛ́lɛ, ti wúfe talángɔɔ lé. Ti beɣéngɔɔ lé nɔ́ɔ ngáá bɔwɔ. Ti gúlangɔɔ lé nɔ́ɔ ngáá njɛ bilíí fɛfɛngí áá ɣɛ́ áá maa lúkpe, kɛ́ ɛi wa. Ti gúlangɔɔ lé ngáá ngulúitii tɛ́i wá ti wa sɔ́wɔi ɔ́ɔ́ bɔ́ɔ́ folo ma. Ti gúlangɔɔ lé múl̃ɔ ngáá ngulúitii taa ti vulúkula í báha ti hápei kpɛ́lɛɛ mbá tí há pɔ́.

FAA YÁKƐ KƆ́LƆI 18:7

Kɛ ngáá háwu ngi w̃áánɔw̃ɔi ɛ́ɣɛ ngí w̃ááw̃aanui áa ngeɣé í híti ngí wúfemai h̃u í mááhɔlɔngɔ ɛ́ɣɛ ngí líívo kɛi í kɛ́ngɔ. I ɣɛi áá ndé gí ma ngáá aa lɔ́ ngáá ndɔwɔlɔ́ w̃ása ngwala, aa ngáá pónyah̃a aáva áá ndé múl̃ɔ gí ma ngáá maaw̃áánu háá ɛi lá kakála kúnafɔ.