JIMISÍ 5:14 - Kɛ́lɛ Niinaí

¹⁴ Ná nuu fíli áá ɣɛ́ wú lííwaa seebɛngɔ́, maa w̃ɔ́i í ndé Ngala fɛ́li kéle ɣele mbeláitii ma nátii tí ngúlɔ híya ma, tí Ngala fɛ́li ma Ndemɔí Jísu laahéingi h̃u.

JIMISÍ 5:14 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:18

Ná taá kaali hulá húlani ngéɣe ngáá loko, ná vólu, tí ŋani fíli kpɔ́le áá nuu váa, ɛi faa fíli kɛ́ ngáá ti ye. Taá ɣɛ taá lóko vɛ́lɛ seebɛ yeláá w̃a, nátii pa tíwaa wálo.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:13

Ná vólu, ti ỹína nyɔu bih̃íw̃aa léveni nungáitii pólu. Ná vólu, tí ngúlɔ híyani séébɛ yeláá bih̃íw̃aa wú mba aáva tí waló.

TI GƐ́Ɛ́ HAÍTII 11:30

Tiyá vá ti yaa wɔ́lingaitii féni. Aáva tí tɔvení ngáá Bánabani ngaa Sɔ́ɔ Judíya Yalá fɛ́li mbélai ti géle ɣele mbeláitii ngéle.

TI GƐ́Ɛ́ HAÍTII 14:23

Pɔ́ɔni ngaa Bánaba tí lokoloní kele ɣelé mbélaitii mba Ngalá fɛ́li gúuwutii ngila ngíla fíli fááw̃a. Tí ti gáihani Ndemɔí Ngalá ma lɛ́i ti langɔ́ í ɣɛ́i lá la. Tí ti gáihani ma ngáá Ngalá fɛ́lindaa taá sú sóundaa.

TI GƐ́Ɛ́ HAÍTII 15:4

Ná ti fóloni Jɛlúsɛl̃ɛ taa h̃u, Ngalángi géélaitii ɛ́ɣɛ kele ɣelé mbélaitii ɛ́ɣɛ Ngala fɛ́li mbélaa vekaítii tí lókoheini ti wu. Aáva nátii pa tí volú haa léni náa ti w̃a kɔwɔ́ato sí kpɛ́lɛɛ mbá Ngalá ngí kɛ́nga ti w̃áá véle w̃a.

TI GƐ́Ɛ́ HAÍTII 28:8

Masangí na ngi kɛ́ɛ́ɣɛ i ɣɛi laáni ngáá seebɛ. Kɔɔlɛ́ húlaini ngaa koo h̃u woléngi lɔ ti ɣɛ́i mba. Pɔ́ɔ i liiní ná sei héi ma, aáva ná Pɔ́ɔ í Ngala fɛ́lini ma, í loko vɛ́lɛni ma, ná í wálo.

TI GƐ́Ɛ́ HAÍTII 9:40

Kɛ Pítɛ i ti kpɛ́lɛɛ kúlaa lómui ná h̃uu wá, í hítɛ wumbú ya, í Ngala fɛ́li. Kɛ i vótenga nyah̃ápoi ná yéle saangɔ́ í ɣɛ́i lá, i ɣɛ ma, “Tabíta, yooɣé!” Kɛ ná i yaah̃uí w̃ááwonga, í Pítɛ lɔ. Kɛ i wuyoɣénga, í héi.

TÁITƆ 1:5

Háwui ngí í lóngɔ ma Kíliti lɔwɔlɔí sí h̃u aa waa ngáá sítii tí ngáá ngenge ti wúkulangɔ láá lé nɛ́nɛ, yí tí wúkula ɛ́ɣɛ yí lókolo kele ɣéle mbélaitii mba Ngalá fɛ́li mbélaitii fááw̃a tí taítii su bɛ́kpɛ. Ngáá ɣɛ loí yí híya ngáá sí ngí ndénga í w̃á.