JIMISÍ 5:13 - Kɛ́lɛ Niinaí

¹³ Ná nuu fíli áá ɣɛ́ wú lííwaa faa áá bɔ́lunda, maa w̃ɔ́i í Ngala fɛ́li. Ná vólu, ná nuu áá ɣɛ́ wú lííwaa kooh̃unɛ́ɛ́ngɔ, maa w̃ɔ́i í sɛ́ɣɛɛ gulama wúleni sɔɔlɛ́ Ngála mbɛ.

JIMISÍ 5:13 Iomraidhean Croise

MÁFIYU 26:30

Ná tí Ngala ngúlei hɔ́ɔ́lɛni, tí liiní náa ngihéi sí wa taá tolí ngáá Ɔ́levi Wulúi Yíhei.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:44

Ndiiỹaaní wálai í ɣɛ́i Jísu w̃a, i kɛní ngáá háwu í Ngala fɛ́li ngáá hɛmbɛ́i kpɛ́lɛɛ. Fɔndɔ́i va í gúlani ma í ɣɛ́i áá hítɛ ndɔwɔlɔ́i wa, i ɣɛi nɔ́ɔ ngáá ŋaaw̃ɔ ɣɛ kíli.]

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:42

I ɣɛ Jísu w̃a, “Jísu, gindó sú kái ná yáá va í w̃ásandai h̃u!”

KƆ́L̃E HESENDAA GƆLƆÍ 14:15

Sí kule í má ngí kɛ aá wáa ngáá sí, ngáá Ngala fɛ́li súúyafuw̃angi w̃aa véle w̃a kɛ́ ngáá mɔ́ɔ́ Ngala fɛ́li ngoí sítii su ngáá ngatɔ́ mba ngáá gí mai. Ngáá ngule hɔ́ɔ́lɛ súúyafuw̃angi w̃aa véle w̃a kɛ́ ngáá mɔ́ɔ́ ngule hɔ́ɔ́lɛ ngoí sítii su ngáá ngátɔ mba ngáá gí mái.

KƆ́L̃E HESENDAA GƆLƆÍ 14:26

Mu mbála Yalá fɛli mbélai, sí gíte ngí ma aá wáá ngáá sí, ná wáá yatɛ́ mba ỹanda yílaa Ngala fɛ́limai, nuu tá áa ɣɛ́ na ngule í ngéya, pekaí va kalambo ngóó i ngeyá, pekaí vá Ngalángi faa yákɛ lá, pɛkaí vá áá ɣɛ́ í híí woo vekaní ndé, pekaí va sí taa ɣɛ́ ndéi híí woo vekaítii su, í suugúla. A sítii kpɛ́lɛɛ kɛ́ ngáá peleí sí áá kɛ Ngala fɛ́li mbélai taa kulasuunúma w̃aahɔ́lɔ su.

Ɛ́FƐSƆ 5:19

A waayaa yɛpɛ ỹɔw̃ɔ́ ỹɔ́w̃ɔ yéle Ngala ngúle gɛvɛlɛ kɛvɛlɛ su, wú Ndemɔí Jísu lɛ Ngala ngúle gɛvɛlɛ kɛvɛlɛ su ngáá líí kpɛ́lɛɛ.

HÍBULU 5:7

Ná h̃u Jísu í ɣɛ́i ngelewu ndɛɛh̃u h̃u, í Ngala fɛ́lini woo wála h̃u áá wɔ́lɔ ná í ɣɛ́i áá Ngála mɔ́ɔ́ni kpɔ́mba hááw̃a. Ngalá pá lɛ́i ngakpa ngí ngeyá ngáá áá nuu wúmaawo sái yáa, i mɛniní bɔw̃álale, Jísu í bɔwɔ́ gúlai kɛ́lɛma Ngalá mbɛ́.

JIMISÍ 5:10

Mu mbála Yalá fɛ́li mbélai, a gisíya lɛ́ɛ́ ngáá Ndemɔí Ngalá ndaa háá lé mbélaitii wɔ́lɔ, ti ɣɛ́ ngáá tɔmaseí wú hááw̃a. Ti liilɔ́lɔngɔ i ɣɛ́i lá faa báma fíli su.

FAA YÁKƐ KƆ́LƆI 14:3

Nuu tásu seiw̃aá hɔ́ndɔ ngilaa púu nááningɔ maah̃úú nááningɔi (144,000) sítii ti ɣɛ́i lóóni Ngalangí w̃ása kpɔkpɔngí wútuwɔ, mbéi fúlu wɔ́li nááningɔi ɛ́ɣɛ kele ɣelé mbélaitii ti ɣɛ́i lóóni na. Nungái nátii sɔ́ingi lɔ́ Ngala ngí ɣɛ́i náa ti wúmaawoi, tiyá lɔ́ nɔ́ɔ ti ɣɛ́i taa ngulé niinái sí hɔ́ɔ́lɛ. Nuu véka fíli ɛ́i belé hómbo ɔ́ɔ́ náá wɔ́li kɛ nɔ́ɔ léi tiyá.

FAA YÁKƐ KƆ́LƆI 7:10

Tí ɣɛ́i taá wóó gúla, táá ɣɛ́ ta, “Mu Yálangi lɛ́i í héini masa ngwálai bɔ́kpɔngi ya ɛ́ɣɛ Mbaálai tiyá lɔ́ ngumaawóngi áá gúla ti yaá!”