JIMISÍ 5:11 - Kɛ́lɛ Niinaí

¹¹ Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

JIMISÍ 5:11 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:50

Ngetéyangi sí kínɛi í lɔ́venga ɛ́ɣɛ sí h̃uu yéteyangi ɛ́ɣɛ sítii táá vá vaamá, Ngalángi yááh̃u w̃aaw̃aanuí aa ɣɛ sítiini ma nduwá í ti h̃u faaw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:10

Sífaa nuí fíli áá Ngalá mɔ́ɔ́ni ŋani haáw̃a, maa w̃ɔ́i aa maahɔ́lɔ. Nuí fíli pá áá ŋani wɔlí Ngalá ngéya, aa fe maa w̃ɔ́i yaa. Nuí vá áá Ngalángi góngi laa lúba, aa ndaawó maa w̃ɔ́i yɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:36

A ɣɛ́ ngáá ngaah̃u w̃ááw̃aanu yelaa kɛ kíya nɔ́ɔ wú Kɛ́ɛ́ɣɛ Ngalá í ngáá ngaah̃u w̃aaw̃aanú má w̃ɔ́ɔ́.”

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

Ɛ́FƐSƆ 1:6

kɛinɔɔ́ laa Ngalá ndaaw̃áá í lɛ́ ngi háá bɔwɔ vanda walaí hááw̃a sí í féngɔ mu yaá ngi líívo Síỹɛndou Loí w̃áá véle w̃a.

Ɛ́FƐSƆ 2:4

Kɛ́ maaw̃aanúi í Ngalá ngeyá mu hááw̃a ɛ́ɣɛ ndongí í su ngáá mu ye ngwala h̃uu í wɔ́ɔ́lɔ.

HÍBULU 10:39

A maa ngáá nungái sítii taá vólu yáfe Ngalángi hái wa aáva Ngalá ngáá ti ɣɛ kíli ỹaaní. Kɛ́ a muỹá lɔ ngáá nungáá mu langɔ́ ngáá Ngalá aáva í mu wúmaawonga.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 1:2

Mu mbála Yalá fɛ́li mbélai, í ɣɛ́ wú w̃a ngáá kooh̃unɛ́ɛ́ wála ná faa báma bih̃íw̃aa áá lá wú w̃a,

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ GƆ́LƆI HELE KÉLEI 2:9

Faale, a mú náa lɔngá kíya nungái sítii taa ɣɛ́ Ndemɔí Ngala fááw̃a áá tí w̃ááɣawo ti háá bɔlundáitii su aáva kíya áá ɣɛ́ áá faa lá telembo tála yélaitii ma í ló su Ngala kɔ́sɔ mbaaléve fóloi í fóloma,