JIMISÍ 4:6 - Kɛ́lɛ Niinaí

⁶ Kɛ́ sítii kele tɔ ti lɔwɔ́baɣangɔ láá lé Ngalá ngeyá, Ngalángi haa bɔwɔí áá fe suuwɔ́ɔ́lɔngɔɔ lé ngwala. Ná lɔ í kɛngɔ́ pɔnɛngɔ Ngala Kɔ́lɔi h̃u ngáá sí, “Ngalá ngaah̃u longɔ́ɔ́ lé sítii mba ti h̃úúwɔɔlɔngɔ kɛ́ ngi haa bɔwɔí lɔ sítii mbɛ ti wú nga njéingɔ.”

JIMISÍ 4:6 Iomraidhean Croise

MÁFIYU 13:12

Bɔw̃álale nuí fíli ŋani áá ɣɛ́ ngeyá bih̃í, ta áá báha mba aáva kpih̃íw̃aa aa ɣɛ ngeyá, kɛ́ nuí fíli ŋani ɛ́i ɣɛ́ ngeyá bih̃í, sí gúloi ɣéle tɔ áá ɣɛ́ ngeyá, ɛi ló ngéya.”

MÁFIYU 23:12

Nuí fíli áa bɔ́wɔ haa lɛngá, Ngalá ngáá ngu nga njéi. Kɛ́ nuí fíli áá bɔ́wɔ wú nga njéi, Ngalá ngáá ngu mbúyoɣe.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:52

I ngakpa mbélaitii ngu nga njéinga, ná vólu, í sítii ngú mbúyoɣe ti wú nga njéingɔi,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:11

Sífaa nuí fíli áá bɔ́wɔ haa lɛ́nga Ngalá ngáá ngu nga njéi, kɛ́ nuí áá bɔ́wɔ wu nganjéi Ngalá ngáá ngu mbúyoɣe.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:14

Jísu i ɣɛi ti w̃a, “Ngí ndé wú w̃a, pava gula mɔ́i i liiní ngi vɛ́lɛ la ngáá ndiilɛí Ngalá ngaah̃ú, kɛ́ Falósi w̃ɔ́i aa ɣɛi h̃íí na, bɔw̃álale nuí fíli áá bɔwɔ́ haa lɛ́nga Ngalá ngáá ngu nganjéi, kɛ́ núi áá bɔwɔ́ wu nganjéi Ngalá ngáá ngu mbúyoɣe.”

JIMISÍ 4:10

A bɔwɔ́ wú nga njéi Ndemɔí Ngalá mbɛ laáva aa wú wú mbúyoɣe.

PÍTƐ HESENDAA GƆLƆÍ 5:5

Wɛ́i va wú na ngáá fóningeleaitii, a bɔwɔ́ gula kɛlɛ́ma kpakolongáitii mbɛ, wú kpɛ́lɛɛ pa wú wú nga njéi ỹɔw̃ɔ́ ỹɔ́w̃ɔ hááw̃a, wú ɣɛ́ wáá yénge ỹɔw̃ɔ́ ỹɔ́w̃ɔ yɛ, sífaa sí pɔnɛngɔ́i Ngala Kɔ́lɔi h̃u aá wáá ngáá sí, “Ngala ngááh̃u longɔ́ɔ́ lé sítii mba ti h̃úúwɔɔlɔngɔ, kɛ́ ngi háá bɔwɔí lɔ́ sítii mbɛ tí wú ngá njéingɔ.”