JIMISÍ 4:5 - Kɛ́lɛ Niinaí

⁵ Aá lɔ wú gí ma ngáá kɛ sí pɔ́nɛngɔi Ngala Kɔ́lɔi h̃u faa fíli táá le? Ná wáa ngáá, sí í ɣɛ́ngɔ ta, “Ngalángi Hɛ́ɛ́ma Ỹínangi í fengɔ́, í mú volú, ndongɔ́ɔ́ lé a mú lelémbongɔ í ɣɛ́ la ngwala Ngalá ngeyá.”

JIMISÍ 4:5 Iomraidhean Croise

NJƆÚ 10:35

Nungái sítiini Ngalá ngɔ́ɔ́ ngi gééla woí lɔ́ve ngáá ti ye, laá gíte ɔ́ɔ́ nátii tolí ngáá ngalá, aá vá mú suuwɔlɔ́ ngáá Ngalá ndaa wói lɔ́ ngáá tɔɔỹaá kúnafɔ.

NJƆÚ 19:37

Í mɔ́ɔ́ ɣɛ ta, “Nungái taa ɣɛ taa nuí síí w̃ɔ́i belé tí kpútangɔ ngáá kpalái.”

NJƆÚ 7:42

Pɔnɛngɔ́ɔ́ lé Ngala Kɔ́lɔi h̃u ngáá Ngalángi Lókolo Mbá W̃ɔ́i aa ɣɛ ngáá Masangí Deevé láála loí ta, Bɛ́tileh̃ɛ taí h̃u w̃ɔ́ɔ mbéinda Masangí Deevé gíte í ɣɛ́i na.”

TI GƐ́Ɛ́ HAÍTII 7:9

Kɛ Sitívi i mɔ́ɔ ɣɛa ta, “Kɛ́ kɛɛɣɛí sítiini ti hilíni ngáá ti ndéɣei Joosɛ́ tí maahíya ngáá nduwɔ ndɔwɔlɔ́i sí h̃u taa naa lolí ngáá Íjepi. Kɛ́ Ngalá ngí ɣɛi Joosɛ́ vólu,

LÓÓMI 1:29

Tiyá lɔ́ ngáá fáá ỹɔ́u yélaa ti ỹáámangɔ, ná vólu, tiyá lɔ́ ngáá mɔní mɔ́ni mbélaa. Ti hilimangɔ́ɔ́ lé ngwala, ti ngáá tolóma yélaa, ná vólu, tiyá lɔ́ ngáá nuu váá mbélaa, ti ngáá ndaahasá yélaa ɛ́ɣɛ káha yélaa. Aáva nuu bɔ́ndai faaw̃á wáá tiyéni naa bangɔ́ɔ́ lé ngwála, ná vólu, tiyá lɔ́ ngáá njɛpɛ mba yélaa.

LÓÓMI 9:17

Ngala Kɔ́lɔi h̃u pɔnɛngɔ́ɔ́ lé ngáá sí Ngalá ngí ndéni Íjepi lɔwɔlɔ́ w̃ása ngwalaí w̃a wɔ́lɔ, i ɣɛ ma, “Ngí kɛ́nga ngáá háwu ngáá yí ɣɛ́ ngáá mása ngwálai ngáá kɛinɔɔ́ ngí ní yákpangi yakɛ sí w̃áá véle w̃á ngáá kɛ́ ngáá háwu yí híya su, ná vólu, nungáá kpɛ́lɛɛ ti ɣɛ́ kɔlɔ́ ỹanda kpɛ́lɛɛ kpɛ́lɛɛ ngelewu.”

KƆ́L̃E HESENDAA GƆLƆÍ 6:19

Wáá kɔ́lɔ ngáá kɛ wú lúwui lɔ ngáá hɛ́ɛ́ma vɛ́lɛ Hɛ́ɛ́ma Ỹínangi hááw̃a lɛ́i Ngala ngí kɛ́nga ngáá háwu í wú vólu? Wáá bɔwɔ́ haaw̃a, kɛ́ wá lɔ́ Ngalá fááw̃a.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

GALÉSIYA 3:8

Ndengɔ́ɔ́ lé Ngalá Kɔ́lɔi h̃u wɔ́lɔ p̃ɛ́ɛ́ ngáá Ngalá tɔ́ɔ vá sítii taa ngáá Júsua kɛma ngáá telembo mbélaa bɔwɔ́ yááh̃u ndangí w̃aa véle w̃a taa ɣɛ́ su la. Aáva Ngala Kɔ́lɔi w̃áá vele w̃a, keela wóo vándai sí i ɣɛi lení Lébilah̃au w̃a naa wutúwɔ sí pɔ́nɛngɔi ngáá, “Ngalá tɔɔ vá nɛ́ɛ́ma yéima nuu kpɛ́lɛɛ má í w̃áá véle w̃a.”

TÁITƆ 3:3

Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.