JIMISÍ 4:4 - Kɛ́lɛ Niinaí

⁴ Wú lɔ́wɔbaɣangɔ láá le Ngala ngéya! Wáá súúwɔlɔ ngáá na nuu áá ló ngáá ngetéyangi sí h̃u wɔ́lingaitii kɛ aa lɔ ngáá Ngalá mbaahílima w̃ɔ́ɔ? Nuí fíli áá ɣɛ́ lói ngáá ngetéyangi sí h̃uu wɔ́lingaitii kɛ maa w̃ɔ́i lɔɔ́ bɔwɔ́ ɣɛ ngáá Ngalá mbaahílima w̃ɔ́ɔ́.

JIMISÍ 4:4 Iomraidhean Croise

MÁFIYU 12:39

Kɛ Jísu i ti woo yápotenga, i ɣɛ ti w̃a, “Ngéteyangi sí h̃úu yélaitii tiyá lɔ́ ngáá nyaama yélaa, ná vólu, taá Ngalá fááw̃a! Wú mɔ́ɔ́ninga ngáá ngí káámaa haa ɣɛ, sí áá ngákɛ ngáá kɛ Ngalá tɔ í tɔ́vengɔ, kɛ́ ngáá kɛ́ma! Kɛ́ káámaa haí nɔ́ɔ léi áá vá ɣɛ́ma wú yɛ aá wáá ngáá, káámaa haí ná í ɣɛ́i ngáá Ngalá ndaa háá lé mɔ́i Jóna ngi híí.

MÁFIYU 16:4

Ngéteyangi sí h̃úu yélaitii tiyá lɔ́ ngáá nyaama yélaa, ná vólu, taá Ngalá fááw̃a! Wú mɔ́ɔ́ninga ngáá ngí káámaa haa ɣɛ, kɛ́ ngáá kɛ́ma! Káámaa haí nɔ́ɔ léi áá vá ɣɛ́ma wú yɛ aa wáa ngáá, káámaa haí ná í ɣɛ́i ngáá Ngalá ndaa háá lé mɔ́i Jóna.” Kɛ Jísu i gulaá náa wa í lí.

MÁFIYU 6:24

Jísu í mɔ́ɔ́ ɣɛ ta, “Nuu fíli ɛi yénge masa félengɔ yɛ́ ngáá maa tɔ́iŋngɔ. Sífaa aa hilí ngáá ngiláángi, í ló ngáá pekaí, ɔɔ aa bɔwɔ́ gúla kɛlɛ́ma ngiláángi yɛ́, í híli ngáá pekaí. Nuu ɛ́i yénge maa tɔ́iŋngɔ kpéiŋ Ngalá mbɛ́ táá naholói.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:27

Ná vólu, mbaahílima yélai sítiini taa ɣɛ́ngɔ loní ngɔ́ɔ́ masandái w̃aahɔ́lɔ, a vá ngáá ti ye, wú tí váa mbéi kákala!’ ”

NJƆÚ 15:19

Kɛbei wú ɣɛ́i ngáá ngeleí sí wúu yélaa gíte gíte, ná ná ɔ́ɔ́ ɣɛ ngeleí sí wúu yélaitii tɔ́ɔ́ ló ngáá wú ye kíya ti longɔ́ ngáá ti vóngaitii. Kɛ́ aáva wáá ngáá ti vóngaitii ti tá. Ngí lókolonga naá wú wa ngáá wáá mɔ́ɔ ngáá ngeleí sí wúu yélaa. Ná vá tɔ́ í kɛ́ngɔ tí hilíngɔ ngáá wú ye.

NJƆÚ 17:14

Keela wói yí ndéngɔ má, ngí ndéngɔ ti w̃a kɛ́ ngeleí sí wúu yélaitii tí hílinga ngáá ti ye bɔw̃álale taá mɔɔ ngáá ngeleí sí wúu yélaa, kíya nɔ́ɔ nyá ɣéle tɔ ngáá ngáá ngeleí sí wúu w̃ɔ́ɔ́.

NJƆÚ 7:7

Nungáitii tí ngélewu tɛí híli ngáá wu ye, kɛ́ nyá laa taá híli ngáá ngé bɔw̃álale nyá lɔɔ́ ndé ti w̃a ngáá sí taá kɛ, aa pele w̃a.

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

LÓÓMI 8:7

Nuu liivó fáitii ti woo áá ndái ma taá Ngála. A maa ɣɛ́ ngáá Ngalá mbaahílima yélaa bɔw̃álale, nuu liivó fáitii taa kɛ ngáá háwu a mɔ́i gólo Ngálangi hávai wu. Séimil̃a p̃ɛ́ɛ́, a mɔ́i hómbo mɔɔ́ gólo mbu.

KƆ́L̃E HESENDAA GƆLƆÍ 1:20

Ná ná áá ɣɛ́, sítii ti géle ɣélengɔ, sítii tí faa gálanga, sítii taá kele ɣéle mááɣaaliitii gúla ngeleí sí wu, kɛ míl̃inda lɔ́ taa ɣɛ́ mbá na? Ngala ngí ngakɛ́a ngáá kɛ ngeleí sí wu géle ɣélengi lɔ́ ngáá faá ỹááka.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

GALÉSIYA 1:10

Ngáá sí ɣɛ́ma nungáá lííla fááw̃a kulo bɛ́lɛ! Sí ndóngɔ la, aá wáá ngáá sí ngáá kɛ áá Ngála ndiilá. Ngáá sí ɣɛ́ma kúlo bɛ́lɛ ngáá kɛinɔɔ́ tɔ́wɔ ɔ́ɔ́ lɛ́ ɔɔ nungáá ti ló ngáá ngé. Kɛbei ná lɔ́ nɔ́ɔ ngí ɣɛ́i loí ngí kɛ, ngɛ́i béle ɣɛ ɣɛi ngáá Kílisitii yénge mɔɔ.

JIMISÍ 1:27

Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.