JIMISÍ 3:9 - Kɛ́lɛ Niinaí

^9-10 Mu mbála Yála fɛ́li mbélai, mu nɛɛngí lɔ nuu áá Ndemɔí Ngála ndaaw̃áálɛ la, lɛ́i í ngáá mu Kɛ́ɛ́ɣɛi. Laáva tɔ nɔ́ɔ́ múl̃ɔ nuu áá faa ỹɔ́itii nde la nuu vékaitii mba, tiyɛ́i Ngala ngí tí bátɛngɔ kíya laá Ngalá í na. A mú lái sí nɔ́ɔ maá tɛ́ngi wó la, laá lɔ́ nɔ́ɔ múl̃ɔ a maá faa ỹɔ́itii ndé lá. A málaa ɣɛ́ maa ná ɣɛ.

JIMISÍ 3:9 Iomraidhean Croise

MÁFIYU 26:74

Kɛ Pítɛ i veléa kéle kéle, i ɣɛ ta, “Ngáá siỹɛndópoi ná wɔlɔ́!” Ngamá nɔ́ɔ, kɛ tɛɛhínai í wokoléa.

MÁFIYU 5:44

Kɛ́ nyá lɔ́ɔ nde náa wú w̃á ngáá wú ló ngáá nungái sítii ti hilíngɔ ngáá wú ye. A Ngala fɛ́li sítii mbɛ táá faa bá nda wú w̃á.

TI GƐ́Ɛ́ HAÍTII 2:26

Faalɔ, ndííyanɛɛngɔɔ lé aáva sí fíli ngáá ndé aa ɣɛ ngáá kooh̃unɛ́ɛ́ má ɛ́ɣɛ múl̃ɔ kítomai lɔ na, ná fíli su ngɔ́ɔ́ va haamá,

LÓÓMI 3:14

Ti laa wói waa nɔ́ɔ léi ngáá silíma wóo ỹɔ́u ỹɔungáitii.

KƆ́L̃E HESENDAA GƆLƆÍ 11:7

Kule áá siỹɛ́ngi w̃a ɔ́ɔ́ ŋani vɛ́lɛ wu mbá sífaa aá lɔ ngáá Ngalángi gúla wole aáva Ngalá ngáá ngúfema w̃ááhɔlɔ maa véle w̃a. Kɛ́ nyah̃ái lɔ na ngáá ngi h̃íỹɛngi i ngúfema w̃ááhɔlɔ maa véle w̃a,

Ɛ́FƐSƆ 1:3

A mú sɛ́ɣɛɛ gula Ngalá ma lɛ́i í ngáá Kɛɛɣɛí Ndemɔí Jísu Kílisitii hááw̃a. I káámaa hɛɛ kpɛ́lɛɛ mbónga mu yɛ ɛ́ɣɛ mu h̃úúyafuw̃angi kɔwɔ́ato kpahaí wa mú su Kílisitii wa.

JIMISÍ 1:27

Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.