JIMISÍ 3:6 - Kɛ́lɛ Niinaí

⁶ Nuu nɛ́ɛ́ngi ɣéle tɔ aá lɔ nɔ́ɔ ngáá ngɔmbu ɣɛ́ kíli. Aa lɔ ngáá faa ỹɔ́u ỹáni, í ngi ndá ỹánda mu luwúi wa, aáva tɔ áá kɛ ngáá háwu nuí ɣɛ kíli kpɛ́lɛɛ í ỹááni. Sí gíte mú wáa kɛ ndɛɛh̃úi h̃u, aa kpɛ́lɛɛ kɛ́ kíli ỹaaní kpahangɔ́ laá gíte wa ngáá njahááma wɔ́mbui.

JIMISÍ 3:6 Iomraidhean Croise

MÁFIYU 12:24

Kɛ́ ná Júsuai sítii taa ɣɛ́ ti w̃a Falósiai tí fái sí ỹɛ́nini, tí ndéni ti ɣɛ́ ta, “Jísu lɔɔ hómbo nɔ́ɔ áá ỹína nyɔítii téve nungáitii polú Biyɛ́sebɔ yakpangí h̃u lɛ́i í ngáá ỹína nyɔítii ti w̃ásangi.”

MÁFIYU 5:22

Kɛ́ nyá lɔɔ́ nde náa wú w̃á ngáá, nuí fíli tuungɔ́ áá ɣɛ́ la ngi mbálai yaá, taá vá ngáá maa w̃ɔ́i kóótii h̃u. Nuí fíli pá áá ngí mbála yɛɛlí, taá vá ngáá maa w̃ɔ́i kóóti walaí h̃u. Ná vólu, nuí fíli áá ɣɛ́ ngi mbála w̃a, ‘Ngambalámba w̃ɔ́ɔ́ waa ngáá í ye!’ Ná áá kɛ ngáá háwu Ngalá ngí maa w̃ɔ́i lɔ́ve njahááma wɔ́mbui h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:15

Ŋani fíli aa na nuu áá mɛ áá nuu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. Kɛ́ sí áá gúla nuu líí h̃u, aá lɔ áá núu ɣɛ́ ngáá kpaló mba w̃ɔ́ɔ́ Ngala fɛ́lindai h̃u. [

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:24

Kɛ i Lébilah̃au lolínga, i ɣɛ ma, ‘Kɛɛɣɛ́ Lébilah̃au, mááw̃aanu hóu kái, yí Lásɔlɔ lɔve í loko beɣái hítɛ njɛí ya, í sítɛ nɛ́ɛ́ngi w̃a, maa í lɛ́i, bɔw̃álale nyá lɔ nduwu ya fuulɛ́ wála h̃u ngɔmbuí sí h̃u mbéi.’

TI GƐ́Ɛ́ HAÍTII 20:30

Wá ɣéle tɔ bɛ́lɛ wú ngáá Ngala fɛ́li mbélaitii, nungáá tiyá lɔ vá gulamá wú h̃ú, tí tɔɔỹái vóte ngáá ndɛí kɛinɔɔ́ tí nungáá w̃ááhɔlɔ nátii ti ɣɛ́ ngáá ti volu yelaa.

TI GƐ́Ɛ́ HAÍTII 5:3

Kɛ Pítɛ í mɔ́ɔ́ninga, i ɣɛ ma, “Ananáya, ndeénii le Setána í í líi h̃uulaahénga yí ndɛɛ gɔ́ɔ́la Hɛ́ɛ́ma Ỹínangi yáa, yí kaníngi ta gúlanga mba yí maahɔ́lɔngɔ í lɔ́wɔlɔi hááw̃a?

TI GƐ́Ɛ́ HAÍTII 6:13

Tí kahá hééleaitii kulaní ngáá nátii ti hééle woo le. Hééleai nátii pa tí ndéni, ti ɣɛ́ ta, “Siỹɛndópoi sí nápa aa bengɔ́ yɛpɛndái wa ỹɔ́u Hɛ́ɛ́ma Yála Pɛ́lɛi wa taá Ngala sávai Ngala ngí féni Muusé yáá.

TÁITƆ 1:11

Kule lɔ í w̃á yí ti betéve nátii mba, bɔw̃álale tiyá lɔ́ɔ́ nde kpambíaitii ngú ngapóte ngáá kalambongí sí kule áá tí w̃a tɔɔ́ mbó. Tiyá lɔ́ɔ ngufe tála galambongí sítii mbo nɔ́ɔ naholó hɔ́lɔ fááw̃a.

JIMISÍ 2:7

Kɛ́mbɛ tiyá lɔ nɔ́ɔ múl̃ɔ taá ndaaheí sínai ná ỹááni wú lókolangɔi ma, kɛ́lɛi?

JIMISÍ 3:7

Nuu búsa aa hombó í kɛ ngáá háwu fulú wɔ́lingaitii kpɛ́lɛɛ tí gólo mbɛ. Ná wáa ngáá, kíya ndɔbɔ huwáitii tí na ɛ́ɣɛ w̃ɔ́niaitii ɛ́ɣɛ sítii taa bókpo kóó w̃a ɛ́ɣɛ fulú wɔ́lingaitii tí yívoi wu. Aáva nuu búsa i kɛngá ngáá háwu tí gólo mbɛ.

PÍTƐ GƆ́LƆI HELE KÉLEI 3:3

Hése faí p̃ɛ́ɛ́ kule í wú w̃a wú ngátɔ mba aá wáá ngáá ná ngéteyangi yakɛ́ɛ́lɛndai áá bɛ́ɛ́ mba, nungáá taá ɣɛ́ ngeleí sí wu tíwaa ti ndá lɛ́ɛ́h̃ui h̃uuhíya ngáá ndiivo kɛɛ́ ỹɔ́u ỹɔ́ungaitii taa ɣɛ́ su, aáva taá ɣɛ́ taá ngɛ́lɛ gulásu wo ngáá wú ye,

NJƆÚ GƆ́LƆI HAWA KÉLEI 1:10

Kɛ́ ná náá ngáá ɣɛ́ vaaní, sí kínɛi í kɛ́a ngáá kpɛ́lɛɛ kúla náá kɛlɛ́ma. Ná wáa ngáá, faa ỹɔ́u wála walaítii áá ɣɛ́ áá nde kɔwɔ́ato ni wa ɛ́ɣɛ ndɛ́itii áá ɣɛ áá kɔ́ɔ́la. Kɛ́ sí ɣéle tɔ áá kɛ, ná ɛ́i ndiilá, aá ɣéle p̃ɛ́ɛ́ mu mbála Yalá fɛ́li mbélai tiyɛ́i tí Ngala ngénge siyangí h̃u ɛi kɛ ɔ́ɔ́ lókohei ti wu. Sítii kele tɔ taa ɣɛ́ tí lókohei ti wu, aa ti betéve ná wa. Aa ɣɛ p̃ɛ́ɛ́ áá yákpa ngáá í nátii kula Ngala fɛ́li mbélaitii mba.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 18:23

Kúnafɔ lámbo fo ngɛi mɔ́ɔ hólo taí ná h̃u. Kúnafɔ nyah̃á wɔ́li kóóh̃unɛɛ ɛi mɔ́ɔ wo na. Naa yáwo w̃aahíya mbélaitii tɔ tí ɣɛ́ngɔ ngáá ngakpa mbélaitii ngélewu. Taí sí h̃u húkɛ gulandái i nungáá kpɛ́lɛɛ ngákpolowanga ngélewu.”

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.