JIMISÍ 3:2 - Kɛ́lɛ Niinaí

² A mu kpɛ́lɛɛ a maá pɔɔla vú faa yá pele bih̃íw̃aa h̃u. Ná nuu fíli ɛ́i ɣɛ́ pɔɔla vuí sí ya áá nde, kɛ tɔmbema w̃aá áá maa w̃ɔ́i wa. Aáva aa hombó ndehé í ɣɛ bɔwɔ́ w̃a,

JIMISÍ 3:2 Iomraidhean Croise

MÁFIYU 12:34

Í mɔ́ɔ́ ɣɛ ta, “Wɛ́i wú gúlangɔ ngáá kaaliá! Wáa ɣéle hómbo naa wú faa vánda lé, ná wú ngáá nyaama yélaa? Bɔw̃álale faí sí áá ɣɛ́ nuu gí ma laahéngɔ, laá lɔ áá lɛ́ nda í ndé.

MÁFIYU 12:37

Ngalá ngáá í gɔ́sɔ í lááwoi wa, ná wɔ́lii í vélengɔ áá ɣɛ́ lá ɔɔ ná wɔ́lii í vélengɔ ɛ́i ɣɛ́ lá.”

LÓÓMI 3:10

Maa hái waa nɔ́ɔ́ ngáá kíya pɔnɛngɔ́ Ngala Kɔ́lɔi h̃u, sí vá pɔnɛngɔ́ aá wáá ngáá sí, “Nuu fíli aa ngáá telembo mɔ́ɔ́ Ngála ngaah̃ú, í lí bɛ́lɛ í tó nuu yílaa mbá.

LÓÓMI 7:21

Kɛ ngi ngátɔa náa mba ngáá kɛ ŋani tá lɔ́ sú íwaa kɛ ngáá háwu ngɛ́i sí ɣɛ ngáá ɣɛ́ kɔ́lɔ ngáá aá lɔ péle w̃a.

KƆ́L̃E HESENDAA GƆLƆÍ 9:27

Ná lɔ́ í kɛ́a tóko i bɔwɔ́ w̃ááh̃u, aáva ngáá bɔ́wɔ bánda ngá kpé kɛinɔɔ́ ngɔ́ɔ́ va ló vólo h̃u nyɛ́i ɣélengi ngíwaa nungáá vékaa lolí Ngala fái sí h̃u.

GALÉSIYA 3:22

Pɔnɛngɔ́ɔ́ lé Ngalá Kɔ́lɔi h̃u ngáá faa ỹɔ́i lɔ áá nuu kpɛ́lɛɛ ngúto ngelewu, kɛinɔɔ́ kuulongí Ngala ngí mbóngɔ maahɔ́lɔ péle i ngáá ndangí nuu áá ɣɛ́ su ngáá Jísu Kílisitii í hé sítii ngeyá nda ngáá ɣɛ́ tí h̃u.

GALÉSIYA 5:17

Sífaa, sí í ngáá faa ỹɔ́i a mu líi áá mú ló ma, Hɛ́ɛ́ma Ỹínangi áá loí ngáá ná. Sí vá í ngáá faa vándai Hɛ́ɛ́ma Ỹínangi áá mú ló ma, a mu lií áá loí ngáá na. Faalɔ, ti héi h̃ú félengɔ ti hilingɔ́ɔ́ lé w̃a. Náá hááw̃a, sí maa ɣɛ́ lói mú kɛ a mɔí kɛ.

KƆLƆ́SE 1:28

Náá hááw̃a, naá Ngala ngói le nuu kpɛ́lɛɛ má kɔwɔ́ato Kílisitii wa ngáá kele ɣelé péle kpɛ́lɛɛ, ní ti laahí kalambo su, kɛinɔɔ́ ní kɛ ngáá háwu ti yilá ngíla fíli ti vá Ngala ngéle ti h̃úúbangɔ í ɣɛ́ la Ngala fái h̃u kpahaí wa taa ɣɛ́ su Kílisitii wa.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

JIMISÍ 1:26

Ná nuu fíli áá gisíya ngáá kɛ aá lɔ ngáá Ngala fɛ́li mɔ́ɔ́ vanda, aáva ɛi nɛɛ tó nɛɛ túwɔ, kɛ aá lɔ́ɔ bɔwɔ́ vɛ́lɛ, ngi Yála fái va pele áá su.

JIMISÍ 1:4

Ndiibángi í wú h̃ú ngáá wú híya faa báma h̃u maa álaa yéi. Kɛ́ láa ɣéle, í ndí nɔ́ɔ́ ngu ma hɔ́wɔ fíli, kɛinɔɔ́ wú ɣɛ́ ngáá nungáá tɔmbema w̃áá fíli álaa ɣɛ́ wú wá. Sí kpɛ́lɛɛ pá áá nuu ɣɛ́ ngáá Ngala fɛ́li mɔ́ɔ́ í ɣɛ́ wú h̃ú.

JIMISÍ 2:10

Nuí fíli áá híya ngáá sávai kpɛ́lɛɛ kɛ́ ná fíli sú í ngílaa kéle tɔ nyaaní pelé lálangɔ áa ɣɛ la savaí kpɛ́lɛɛ nyááni fááw̃a.

PÍTƐ HESENDAA GƆLƆÍ 3:10

Pɔnɛngɔ́ɔ́ lé Ngala Kɔ́lɔi h̃u, sí vá pɔ́nɛngɔ aá wáá ngáá sí, “Nuí fíli áá ɣɛ́ loí í liivó kɛ ndɛɛh̃úi sí h̃u, ná vólu, ngi ndá yéteyangi í ɣɛ́ vái ma, kɛ maa w̃ɔ́i ɛ́i ɣɛ áá ngoo ỹɔ́u ỹɔ́u nde, ná vólu, í be ndɛɛ gɔ́ɔ́landai wa.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.