JIMISÍ 3:16 - Kɛ́lɛ Niinaí

¹⁶ Mbéi fíli tolóma áá ɣɛ́ na, aáva nungái ti beɣéngɔ nɔ́ɔ bɔwɔ́ haaw̃a, naa lɔ faa fíli ngundangɔ́ ɛ́i ɣɛ́i lá na, aáva faa ỹɔ́u híí kpɛ́lɛɛ aa ɣɛ́ na.

JIMISÍ 3:16 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:25

Ná vólu, ná pɛ́lɛ yílaangi áá bɔwɔ́ yakɔ́lɛ su ngáá kuuwu kuuwú, táá lápi ngáá ỹɔw̃ɔ́ ỹɔ́w̃ɔ, maa núngaitii ti háá ya ngáá wála mba.

TI GƐ́Ɛ́ HAÍTII 19:29

Kɛ nungái kpɛ́lɛɛ taa walái ná h̃u ti ɣɛ́a wu nga wúúlee ngáá kpɔɔlɔ wálai sí í ɣɛ́i gulaní. Kɛ maa núngai nátii ti Gééyɔ houngá taá Alesitáákɔ tiyɛ́i ti ɣɛ́i ngáá Pɔ́ɔ híya polu yeláitii ti gúlani Mɛsedóniya lataí h̃u. Tí liiní ngáá ti ye ngáá piliỹɛ́ wála ỹandái ná tɔ́ɔ́ w̃aakpɔ́ na.

LÓÓMI 2:8

Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.

KƆ́L̃E HESENDAA GƆLƆÍ 14:33

Sífaa Ngalá tɔ́ ngáá Ngalá áá faa yéɣe kɔwɔ́ w̃a, í kɛ ngáá ndiiheí véle kɛ́ aa ngáá faa yáfahangɔ Yála. Kule lɔ́ nyah̃áitii ma ti w̃ááɣɛngɔ í ɣɛ́ la ló, tálaa yɛ́pɛ Ngala fɛ́li máákpɔitii su kíya nɔ́ɔ í na Ngalá fɛ́li mbélaitii ndiiwáá tí ỹándaitii kpɛ́lɛɛ kpɛ́lɛɛ. Ngutuwɔ́ háá álaa ɣɛ́ nyah̃áitii toko h̃u Ngala fɛ́li máákpɔitii su kíya Ngalángi hávai í féni Muusé yaá í ndéngɔ.

KƆ́L̃E HESENDAA GƆLƆÍ 3:3

bɔw̃álale wá lɔ nɛ́nɛ ngáá ngeleí sí wú yélaitii kɛ kíli. Tolómai ɛ́ɣɛ kpɔɔlɔ kpɔɔlɔ́ngi taá ɣɛ́ wú lówah̃u, aáva ná vá tɔ áá ngakɛ́ ngáá kɛ wá lɔ́ nɛ́nɛ ngáá ngeleí sí wu yélai kɛ kíli.

KƆ́L̃E GƆ́LƆI HELE KÉLEI 12:20

Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.

GALÉSIYA 5:20

Ná vólu, kɔɔ kɔɔ́ ŋániaitii fɛ́lindai nungáá táa ti yeɣé ngáá ngalángaa ɛ́ɣɛ kala ndoolí wóndai. Ná vólu, silíí ngáá ỹɔw̃ɔ́ ỹɔ́w̃ɔ, ɛ́ɣɛ ndaahasái ɛ́ɣɛ tolómai, ndiiyatɛtɛ́i ɛ́ɣɛ ndiíkooya háá wálai. Ná vólu, ngasolángi ɛ́ɣɛ kɔlɛ wɔlɛ suí ngáá kuuwu kuuwú.

JIMISÍ 3:14

Kɛ́ ná wu lííyatɛtɛngɔ áá ɣɛ́ la, wu lólomangɔ, ná vólu, wú béɣengɔ nɔ́ɔ bɔwɔ́ hááw̃a, ná ná áá ɣɛ́, wálaa maayónga tevé ngáá kɛ wú géle ɣeléngɔɔ lé wɔ́ɔ́ ndɛɛ vɛ́lɛ tɔɔỹái wa.

NJƆÚ HESENDAA GƆLƆÍ 3:12

A málaa ɣɛ́ ngáá siỹɛndópoi ná tɔ́ɔ́ ɣɛ́ ma Kíŋ ɣɛ kíli lɛ́i í ɣɛ́i ngáá nuí sí taa ɣɛ́ ma Nyaama W̃ɔ́i ngi núu. Kíŋ ná lɔ í bɔwɔ́ bɔ́wɔ ndéɣei vááni. Kíŋ í ngi ndéɣei vááni sífaa Kíŋ i ɣɛi ngáá tuva velé ỹɔ́u w̃ɔɔ aáva ngi ndéɣe í ɣɛi ngáá tuva velé vánda w̃ɔɔ.