Biblia Todo Logo
Bìoball air-loidhne

- Sanasan -




JIMISÍ 3:14 - Kɛ́lɛ Niinaí

14 Kɛ́ ná wu lííyatɛtɛngɔ áá ɣɛ́ la, wu lólomangɔ, ná vólu, wú béɣengɔ nɔ́ɔ bɔwɔ́ hááw̃a, ná ná áá ɣɛ́, wálaa maayónga tevé ngáá kɛ wú géle ɣeléngɔɔ lé wɔ́ɔ́ ndɛɛ vɛ́lɛ tɔɔỹái wa.

Faic an caibideil Dèan lethbhreac




JIMISÍ 3:14
42 Iomraidhean Croise  

I ná léi sífaa, laá gíte i ɣɛi kɔlɔ́ ngáá kɛ tolómai lɔ í kɛngɔ́ ti Jísu lokolevéngɔ ma.


Tiyá lɔ́ɔ va wú bétevema Ngala fɛli máákpɔ wotaí wuu wá. Aá ɣéle p̃ɛ́ɛ́ táingi lɔɔ va folóma ma ngáá nuí fíli áá wú váá, aa ɣɛ maa w̃ɔ́i gi má ngáá aá lɔɔ Ngalá ndiivó ngénge mbo.


Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.


Í mɔ́ɔ́ ɣɛ ti w̃a, “Nyá bɛ́lɛ i ɣɛi kí ma búte ngáá kɛ ngí faa kpɛ́lɛɛ kɛ́ ngɔ́ɔ́ hómbo ngí kɛ kɛinɔɔ́ Násɔlɛ w̃ɔ́i Jísu haí í víla.


Kɛ Ngala sááɣa gula mbélai ti wútuwɔɔ w̃ɔ́ɔ́ walaí ɛ́ɣɛ kpelaa yélaitii kpɛ́lɛɛ taá ɣɛ́ ti w̃a Sájusiaitii, tí tóloma wála bátɛnga lií h̃u Ngalángi géélaitii faaw̃a.


Kɛ Sitívi i mɔ́ɔ ɣɛa ta, “Kɛ́ kɛɛɣɛí sítiini ti hilíni ngáá ti ndéɣei Joosɛ́ tí maahíya ngáá nduwɔ ndɔwɔlɔ́i sí h̃u taa naa lolí ngáá Íjepi. Kɛ́ Ngalá ngí ɣɛi Joosɛ́ vólu,


Tiyá lɔ́ ngáá fáá ỹɔ́u yélaa ti ỹáámangɔ, ná vólu, tiyá lɔ́ ngáá mɔní mɔ́ni mbélaa. Ti hilimangɔ́ɔ́ lé ngwala, ti ngáá tolóma yélaa, ná vólu, tiyá lɔ́ ngáá nuu váá mbélaa, ti ngáá ndaahasá yélaa ɛ́ɣɛ káha yélaa. Aáva nuu bɔ́ndai faaw̃á wáá tiyéni naa bangɔ́ɔ́ lé ngwála, ná vólu, tiyá lɔ́ ngáá njɛpɛ mba yélaa.


Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.


Wú lɛ́ingaa wá lɔ́ɔ́ h̃uubákpa ngáá w̃á lɔ́ ngáá Júsua. Wú lókolangɔɔ lé wú híyalai w̃a ngáá Ngala sávai, wáá maayónga tevé ngáá wú wóó lángɔɔ lé ma wáá Ngála.


Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.


Nuu fíli í ngáá ndo mɔ́ɔ́ ndiilɔlɔngɔ́ɔ́ lé, faa bɔ́wɔ i su, kɛ́ tolóma ɛi ɣɛ́ su, yongangɔ́ ɛ́i ɣɛ́ la, kɛlaa í bɔwɔ́ h̃uu ɣɛ́ wɔ́ɔ́lɔ.


bɔw̃álale wá lɔ nɛ́nɛ ngáá ngeleí sí wú yélaitii kɛ kíli. Tolómai ɛ́ɣɛ kpɔɔlɔ kpɔɔlɔ́ngi taá ɣɛ́ wú lówah̃u, aáva ná vá tɔ áá ngakɛ́ ngáá kɛ wá lɔ́ nɛ́nɛ ngáá ngeleí sí wu yélai kɛ kíli.


Ndee h̃úúwɔɔlɔ lɔ wú su náá? Aá ɣelé maanɛ́ɛ́ngɔɔ lé wú w̃ááw̃aanungɔ í ɣɛ́ la, nuí ná va í fái ná ɣɛ́ngɔ wú kpetéve vaamá wú Yalá maakpɔí h̃úú wá.


Wú h̃úúwɔɔlɔngɔɔ lé, aáva ná aa vaní. Taá ndé ngáá faanɛ́ɛ́, ti ɣɛ́ ta, “Ngɛí gúloi ná taá tolí ngáá yíísii taá pu biléi h̃u áá tɛ́nga, kulo kw̃ɛ́ɛ́ te nɔ́ɔ léi taá pu fuláwai h̃u í tɛ́nga.”


Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.


Kɛ́ ná wú lúva gilíí áá ɣɛ́ ngáá kíya ndɔbɔ huwáitii tí na, wáá bɔwɔ́ lúwu yá fúúlɛ, wáá ỹanda héi heí ỹɔw̃ɔ́ ỹɔ́w̃ɔ wa, kɛ ná wáá ɣɛ́ wáá fái sítii kɛ, kɛ́ a nda gi sú ngáá kɛ wá lɔ́ɔ vá bɔ́wɔ háá h̃uu ỹáánima pɔ́lɛɣɛ pɔ́lɛɣɛ.


Ná vólu, kɔɔ kɔɔ́ ŋániaitii fɛ́lindai nungáá táa ti yeɣé ngáá ngalángaa ɛ́ɣɛ kala ndoolí wóndai. Ná vólu, silíí ngáá ỹɔw̃ɔ́ ỹɔ́w̃ɔ, ɛ́ɣɛ ndaahasái ɛ́ɣɛ tolómai, ndiiyatɛtɛ́i ɛ́ɣɛ ndiíkooya háá wálai. Ná vólu, ngasolángi ɛ́ɣɛ kɔlɛ wɔlɛ suí ngáá kuuwu kuuwú.


Ná vólu, nuu líí aa kɛ nungáá yáa wɔ́li faa áá víli nuu líí vólu, aa kɛ nuu í ɣɛ́ ndɔɔ hoú h̃ú ɛ́ɣɛ kooh̃unɛɛ lóóli wala walaní su, ɛ́ɣɛ sí w̃áa ỹɔ́kɔ faa vekáitii. Kɛ kíya nɔ́ɔ ngí ndéngɔ wú w̃a, nyá lɔ́ɔ ndé múl̃ɔ wú w̃a ngáá sítii taa lúva h̃íí na tɛ́i ɣɛ́ Ngalángi w̃ásandai wu.


A mu h̃úú álaa ɣɛ́ wɔ́ɔ́lɔ. Ná vólu, a málaa bɔwɔ́ báálɛ mba hááni kɛ, kɛlaa mɔɔ ɣɛ́ máá tóloma ngúla ngáá ỹɔw̃ɔ́ ỹɔ́w̃ɔ.


Sítii kéle tɔ ti lɔ́vengɔ pɛlɛ́ vólu, taá góloma savaí sí wú Ngala ngí féni Muusé yaá. Kɛ́ ti longɔ́ɔ́ lé ti wú lɔ́ve pɛlɛ́ vólu kɛinɔɔ́ taá ɣɛ́a maayónga tevé ngáá kɛ tí kpángɔ wú w̃á ngáá kúle ngáá ti wú lɔ́ve pɛlɛ́ vólu.


Tɔɔỹaá le ngáá kɛ nungáá lɛ́ingaa tiyá lɔ́ɔ keela woó vándai lé kɔwɔ́ato Kílisitii wa ngáá tolóma ɛ́ɣɛ ndaahasá. Kɛ́ ti lɛ́ingaa va tiyá lɔ́ɔ kɛ ngáá ndiiwolé.


Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.


Ngalá pa ndongɔ́ɔ́ lé nuu kpɛ́lɛɛ tí ngúmaawongi w̃ááhɔlɔ, ti ɣɛ́ tɔɔỹái wɔlɔ́.


kɛ maa w̃ɔ́i h̃uuwɔ́ɔ́lɔngɔɔ lé ngwala laáva áá ŋani fíli kɔ́lɔ. Ki máá ỹɔ́i lɔ áá ɣɛ́ maa w̃ɔ́i yɛ ngáá í w̃ááɣaali, ɛ́ɣɛ í ndááhasa gúla njɛpɛ woó wa. Aáva ná áá vá nɔ́ɔ ngáá tolóma ɛ́ɣɛ ngoo ỹɔ́u ỹɔ́u léndaa taá ngɛ́ɛ́li ɛ́ɣɛ ỹɔw̃ɔ́ bélendaa bili mbú.


Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.


Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.


Mbéi fíli tolóma áá ɣɛ́ na, aáva nungái ti beɣéngɔ nɔ́ɔ bɔwɔ́ haaw̃a, naa lɔ faa fíli ngundangɔ́ ɛ́i ɣɛ́i lá na, aáva faa ỹɔ́u híí kpɛ́lɛɛ aa ɣɛ́ na.


Mu mbála Yalá fɛ́li mbélai, a giséi sí w̃a. Ná wɔ́lii wú ta yílaa áá híɣe Ngala fái volú, nuu tá í kɛ ngáá háwu í yángaima Ngala fái h̃u. Nuí fíli áá kɛ ngáá háwu faa ỹɔ́u w̃ɔ́i áá vólu yafé ngi háá ỹɔítii mba, kɛ i maahaalónga kúnafɔ sái yaá aáva Ngalá ngáá ngi w̃ɔ́i háá ỹɔu bih̃i bih̃ingái suuhaaló.


Lean sinn:

Sanasan


Sanasan