JIMISÍ 2:7 - Kɛ́lɛ Niinaí

⁷ Kɛ́mbɛ tiyá lɔ nɔ́ɔ múl̃ɔ taá ndaaheí sínai ná ỹááni wú lókolangɔi ma, kɛ́lɛi?

JIMISÍ 2:7 Iomraidhean Croise

MÁFIYU 1:23

“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”

MÁFIYU 12:24

Kɛ́ ná Júsuai sítii taa ɣɛ́ ti w̃a Falósiai tí fái sí ỹɛ́nini, tí ndéni ti ɣɛ́ ta, “Jísu lɔɔ hómbo nɔ́ɔ áá ỹína nyɔítii téve nungáitii polú Biyɛ́sebɔ yakpangí h̃u lɛ́i í ngáá ỹína nyɔítii ti w̃ásangi.”

MÁFIYU 27:63

ti ɣɛ́ ma, “Kawálai, ní giséingɔ ndɛɛ gɔ́ɔ́la mɔ́i ná laawói w̃a í ndéi, ná h̃u fulúngɔ í ɣɛ́i la. I ndeí i ɣɛ ta, ‘Ná ngáá há foló félengɔ áá gúla su, sawa kélei w̃a, ngáá wuyoɣé sái h̃u!’

TI GƐ́Ɛ́ HAÍTII 11:26

Ná í tɔ́ni, i liiní lá Átiyɔ. Faalɔ, fowó yílaa sú kínɛi Bánabani ngaa Sɔ́ɔ tɔ́ɔ maakpɔ hóu taá taí ná h̃uu Yalá fɛ́li mbélaitii táa nuu bíh̃iw̃aa galámbo. Aáva Átiyɔ hése tɔ tí ndaaheí pɛ́lɛni na Jísu volú yélaitii ma ngáá Kílisitii vóngaitii.

TI GƐ́Ɛ́ HAÍTII 15:17

kɛinɔɔ́ ní hái í víli nungáá vékaitii kpɛ́lɛɛ ndíí vólu, ná vólu, kɛinɔɔ́ ní lááheingi í ɣɛ́ ti kpɛ́lɛɛ mbá. Ngimɔ́ɔ́ Ndemɔí Ngalá ngí ndéni lɛ́i í kɛ́ni ngáá háwu

TI GƐ́Ɛ́ HAÍTII 26:11

Kuu bíh̃iw̃aa hááw̃a, ngí lɔ́ve tɔvéni Ngala fɛ́li máákpɔ wotaítii mbu ngáá faa bá nda ti w̃a, ná vólu, ngáá kpa ti w̃a ngáá kule ngáá ti volu yafé Jísu wa. Ní líí ỹɔí ti haáw̃a i kɛní ngáá háwu ngí li taa walá wála vekaítii su ngáá ngí faa bá ndá ti w̃a.”

TI GƐ́Ɛ́ HAÍTII 4:12

Ngumaawó ngɛ́i hɔ́lɔ nuu véka fíli su, sífaa ndaaheí péka fíli aa na ngeleí sí wu Ngalá ngɔ́ɔ́ ɣɛ́ féngɔ ngáá á maá ngumaawó sɔ́lɔ su.”

Ɛ́FƐSƆ 3:15

lɛ́i í kɛ́ngɔ ngáá háwu sítii kínɛi ti ngelegóóh̃u ɛ́ɣɛ ngélewu tí ná.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

PÍTƐ HESENDAA GƆLƆÍ 4:16

Kɛ́ ná maanɔw̃ɔ́ áá la wu w̃a sífaa nɔ́ɔ wú ngáá Kílisitii vóngaa, álaa ɣɛ́ ngáá ngufé wú w̃a, kɛ́ laá ɣéle, wú sɛ́ɣɛɛ gula Ngala ma sífaa ndaahei ngí wú wa ngáá Kílisitii vóngaitii.

FAA YÁKƐ KƆ́LƆI 19:13

Jogbongí i ɣɛi ma, ndɛbɛngɔ́ i ɣɛi lá ngáá ŋaaw̃ɔi. Ndaahéingi i ɣɛi mɔ́ɔ ngáá “Ngala Kééla Woí.”

FAA YÁKƐ KƆ́LƆI 19:16

Jogbongí í ɣɛ́i ma, ndaahéingi vɔ́nɛngɔ i ɣɛi lá ma, pɔnɛngɔ́ múl̃ɔ kpálai w̃a. Ndaahéingi ná i ɣɛi ngáá sí, “Ndɔwɔlɔ́ W̃ása Ngwalaí ndɔwɔlɔ w̃ásangaitii fááw̃a ɛ́ɣɛ Ndemɔí nde mbélaitii kpɛ́lɛɛ fááw̃a.”