JIMISÍ 2:5 - Kɛ́lɛ Niinaí

⁵ Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

JIMISÍ 2:5 Iomraidhean Croise

MÁFIYU 11:5

A nde ma ngáá kɛ mbole yeláitii tiyá lɔ́ɔ ỹandá lɔ́, nɔɔnɔ yelái táá híya, sítii nduwu w̃aa heebɛ́ ỹɔ́u ỹɔ́ungi í tí luwúi w̃a, nátii tiyá lɔ́ɔ mbaló mááhɔlɔ, sítii ti wolí h̃u hítɛngɔ ngá, nátii tiyá lɔ́ɔ fáa ỹɛ́ni náa, ná vólu, saa yeláitii tiyá lɔ́ɔ wúyoɣe sái h̃u, keela woó vándai lɔ́ɔ lé nyaani yélaitii ma.

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

MÁFIYU 5:3

“Nungái sítii tí kɔ́lɔ ngáá faa vánda fíli aa ti h̃u Ngalá ngaah̃ú, aa lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:14

Kɛ Jísu i mɔɔ faŋaí lólinga yéle, i ɣɛ ti w̃a, “Sí ngáá nde a wolílo ma wú kpɛ́lɛɛ kpɛ́lɛɛ wú ngátɔ mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:21

Kɛ Jísu í ɣɛ ta, “Ngimɔ́ɔ́ íwaa vá ɣɛ má ngáá nuí fíli áá ŋani bih̃í bih̃i ngándɔɔlɔ bɔwɔ́ hááw̃a ngeleí sí wu kɛ́ ŋani fíli ɛi ɣɛ́ ngeyá Ngalá ngelé péle.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:22

I ɣɛi ngáá hɔ́wɔ ta, nyaani w̃ɔ́i ná í há, malékaitii tí lii lá ngelegóóh̃u, tí sei Lébilah̃au bela. Kpatɛ w̃ɔ́i bɛ́lɛ nɔ i haaní aáva tí kpɔ́lu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:29

Ní Kɛ́ɛ́ɣɛ Ngalá i masandái hengɔ́ ngéya. Aáva nyá bɛ́lɛ nɔ́ masandái náa híí lɔ nɔ́ɔ jɔ́ ngáá fe wú yáá

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:20

Kɛ Jísu i wu mbúyoɣenga, í volú yélaitii kpelé, i ɣɛ ti w̃a, “Wɛ́i wú ỹááningɔi sí h̃úi, aá lɔ́ ngáá faa vánda wú hááw̃a, sífaa Ngalángi w̃ásandai lɔ wú hááw̃a.

NJƆÚ 7:48

Nápa wú náá lɔngá a mu wútuwɔaitii ɔɔ Falósiaitii ti tá fíli tí lá lá? Wáá nɛ́ɛ́ ná lɔní ɔ́ɔ́ ɣɛ,

TI GƐ́Ɛ́ HAÍTII 7:2

Sitívi i ngoo yápoteni, i ɣɛ ta, “Kɛɛɣɛ́ni, í báha náá mu mbálangaitii mba, a wolílo ma! Ngakpá Ngálangi i gulaní a mu kɛ́ɛ́ɣɛ Lébilah̃au yaah̃ú ná h̃u Lébilah̃au í ɣɛ́i nɛ́nɛ ndɔwɔlɔ́i sí h̃u taa naa lolí ngáá Mɛsɛpɔtémiya, ɔ́ɔ́ ɣɛ́a li í héi mbéi tɔ́ɔ́ naa lolí ngáá Hála.

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

KƆ́L̃E HESENDAA GƆLƆÍ 2:9

Kɛ́ ná fíli sú, sí pɔnɛngɔ́ Ngalá Kɔ́lɔi h̃u aá wáá ngáá sí, “Sí nuu fíli áá nɛ́ɛ́ tɔí kɛlaa ɔ́ɔ́ maa woo ỹɛ́ni, sí nuu fíli áá nɛ́ɛ gísiyani la ngáá aa ɣɛ, maa hái kái kái tɔ́ Ngala ngí kɛ kíli batɛngɔ́ sítii mbɛ ti longɔ́i ngáá laá Ngála.”

KƆ́L̃E GƆ́LƆI HELE KÉLEI 4:15

Sí kpɛ́lɛɛ tɔ́ na wú gúlasuunuma haáw̃a kɛinɔɔ́ nuu bíh̃iw̃aa tí sɛ́ɣɛɛ gula Ngalá ma ná ngi háá bɔwɔ́itii taá fólo nuu bíh̃iw̃aa w̃a. Sí vá aa kɛ náa Ngalá ngí tɛ mááhɔlɔ su.

KƆ́L̃E GƆ́LƆI HELE KÉLEI 6:10

Kɛ kíya bɛ́lɛ kulangɔ́ ngáá ni w̃ááw̃aanungɔɔ lé, kɛ́ hɔ́wɔ fíli ni góóh̃unɛɛngɔɔ lé. Kulangɔ́ɔ́ lé ngáá niỹá lɔ ngáá nyaani yélaa kɛ́ niỹá lɔ kɛ ngáá háwu nuu bíh̃iw̃aa táá ɣɛ́ ngáá kpatɛ yélaa. Kulangɔ́ɔ́ lé ngáá ŋani fíli áá ni yaá kɛ́ ná fíli sú, ŋani kpɛ́lɛɛ tɔ́ ní yaá.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA GƆ́LƆI HELE KÉLEI 1:5

Sí vá tɔ́ áá maa hái yákɛ kpál̃au ngáá kɛ Ngalá ngɛ́i faa wááleve káha véle w̃a. Aáva maanɔw̃ɔ́i sítii kpɛ́lɛɛ wúwaa ngeɣé faaw̃a tiyá lɔ́ taá kɛ wú ɣɛ́ kulaɣɛí ngáá nungáá ngi w̃ásandai wú.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

TÍMOTI GƆ́LƆI HELE KÉLEI 4:18

Ndemɔí Jísu aa mááɣawo ngáá faa ỹɔ́u híí fíli ɛi la ma, ná vólu, í lí ngáá ngé lɛ́i lɛ́i ngi w̃ásandai h̃u í ngelegóóh̃u. Bɛlɛ́ ndaaw̃aa í lɛ kúnafɔ taa ngi ndá gúnafɔ! Amíína.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 11:26

Nganguféngi í ɣɛ́i áá va lamá kákala ngáá maanɔw̃ɔ́ Ngalángi Lókolo Mbá W̃ɔ́i hááw̃a, í ná yéɣei ngáá faa vánda í lɔ́ve Íjepi batɛítii mba bɔw̃álale, ki ngí ɣɛ́i ngi w̃ááỹangi wa í ɣɛ́i áá va maahɔ́lɔma.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 1:16

Mu mbála Yalá fɛ́li mbélaitii wú ngáá ndíívo mbélaa, a waá kɛ nuu fíli ɔ́ɔ́ wú vɛ́lɛ.

JIMISÍ 1:19

Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 1:9

Ngala fɛ́li mɔ́i sí nyaaningɔ́ áá ɣɛ́ la í góóh̃unɛɛ, sífaa, Ngala tɔ́ɔ ngeɣé ngáá nuu wála.

PÍTƐ HESENDAA GƆLƆÍ 1:4

Aáva náá haáw̃a, a muỹá lɔɔ kulasuunúma walaní tuwɔ́ɔ béle Ngalangí ngandɔ́ɔ́lɔnga a mu háaw̃a a muỹɛ́i mu ngáá ngi vóngaitii. Aá lɔ́ɔ ti yandɔ́ɔ́lɔ ngelegóóh̃u mbéinda tɛí ỹááni na, ngaah̃ú ɛ́i gula tí wa na, kɛlaa tɔ́ɔ lúúla.

PÍTƐ GƆ́LƆI HELE KÉLEI 1:11

Ná vá tɔ áá kɛ naa áá ɣɛ́ gúlai kɛ́lɛma fó fóndei wú yɛ ngáá wá lɔɔ ɣɛ́ a mu Lemɔ́i Jísu Kílisitii w̃ásandai wu í na kúnafɔ lɛí í ngáá a mu Wúmaawo Mɔ́i.

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 21:7

Nuí fíli ngí ndái áá ndó ma, sí lɔ áá ɣɛ́ maa w̃ɔ́i yɛ, ná waa ngáá, ngáá ɣɛ́ ngáá Ngalá maa w̃ɔ́i hááw̃a, maa w̃ɔ́i va aa ɣɛ ngáá ní lóu.

FAA YÁKƐ KƆ́LƆI 3:18

Faale, nyáá ngáá wú lááhi ngáá wú vá wú góóli wuyangɔ́ yáa má kɛinɔɔ́ wú bátɛ. Wú kula wóle ngíya wú ngíli w̃a kɛinɔɔ́ wú w̃ááỹaaka ɔ́ɔ́ ɣɛ́ lá ɛ́ɣɛ mɔ́ɔ wú salé yáa yááh̃ui hááw̃a kɛinɔɔ́ wááyaa ỹanda lɔ.