JIMISÍ 2:22 - Kɛ́lɛ Niinaí

²² Kɛ ngimɔ́ɔ́ maa hái í na, Lébilah̃au í ɣɛ́i laní ngáá Ngalá, í maa lángi wo hiya velé h̃u. Faí sítii í kɛ́ni, tiyá lɔ tí kɛ́ni tɔmbema w̃áá fíli áá ɣɛ́i ngi lángi wa í ɣɛ́i su ngáá Ngala.

JIMISÍ 2:22 Iomraidhean Croise

NJƆÚ 6:29

Jísu i ti woo yápoteni, i ɣɛ ti w̃a, “Sí Ngalá ndongɔ́ wú kɛ aá wáá ngáá, wú lá ngáá nuí sí í tɔvengá.”

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

JIMISÍ 2:18

Kɛ́ nuu tá aa ɣɛ ta, “Í lángɔɔ lé ngáá Ngalá. Nyá vá túva gilíítii pángɔ.” A wú lángi ɣɛ́ ná ngáá ngé wú su ngáá Ngalá tuva gilí vánda áá mba. Nyá ngí ní lángi ɣɛ́ ngáá wú ye túva gilíí h̃u.

NJƆÚ HESENDAA GƆLƆÍ 2:5

Kɛ́ ná a maa gólo Ngalángi gééla woí wu, Ngalángi lóngi áá ɣɛ́ mú h̃u, kɛ aa gɛɛlɛngɔ́ pele h̃u. Ná vá tɔ áá ngákɛ ngáá a mu háá í ɣɛ́a su yíla a maá Ngála.