JIMISÍ 2:20 - Kɛ́lɛ Niinaí

²⁰ Faa yátɔ mba tála w̃ɔ́ɔ́ waa ngáá í ye, í lóngɔɔ lé ngí ngákɛ naa ngáá í ye kíya pele áá ndángi h̃u nuu áá ɣɛ́ su ngáá Ngalá ɛ́i maah̃ú háá ɣɛ?

JIMISÍ 2:20 Iomraidhean Croise

LÓÓMI 1:21

Kíya bɛ́lɛ ti Ngalá kɔ́lɔ, taá ɣɛ́i taa wúfe ma ngáá Ngalá kɛlaa tɔɔ ɣɛ́ táa sɛ́ɣɛɛ gulá ma, kɛ́ laá ɣéle, tí gísiyaitii ti ɣɛ́a ngáá ngámbalamba háá, ná vólu, ti gútɔ kimaítii ngangí bíndi.

LÓÓMI 3:28

Faalɔ, maa hái wundangɔ́i waa ngáá, Ngalá ngáá nuu yéɣe nɔ́ɔ léi ngáá faa áá í wá ná í lángɔ áá ɣɛ́ la ngáá Jísu Kílisitii kɛ́ aa ngáá nuu gólondai savái wu.

LÓÓMI 9:20

Kɛ́ laáva mu mbálai, ele wáá ngáá í yé ngáá yáá ló Ngála ndaa wú mɔɔni fááw̃a. Fɛɛtói aa bátɛ mɔ́i w̃ɔ́ɔ́ni ngáá, “Ndéé le yí kpátɛngɔ h̃íí na?”

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

GALÉSIYA 6:3

Ná nuu fíli áá gisíya ngáá kɛ laá lɔ́ ngáá ngangímba w̃ɔ́ɔ́ wála, laáva aa ngáá ngangímba w̃ɔ́ɔ́ wála fíli, kɛ aá lɔ́ɔ bɔ́wɔ vɛ́lɛ nɔ́ɔ.

KƆLƆ́SE 2:8

A waá kɛ nuu fíli ɔ́ɔ́ wú yákpolowa ngáá ngoo bɔ́ɔ́w̃aa lendáá wú w̃a áá gúla nuu búsa ndá géle ɣele su, bɔw̃álale nátii kpɛ́lɛɛ tɔ nɔ́ɔ́ ngáá nuu búsa gálambo ɛ́ɣɛ ngakpa ŋáni ỹɔu ỹɔungáitii tí ngélewu. Kele ɣéle táálii nátii tɛ́i gúla Kílisitii yáa.

TÍMOTI HESENDAA GƆLƆÍ 1:6

Nungái ti lɛ́ingaa tí vólu yáfenga sítii mba, ti víli kaka péleitii mba, tí lókovili tamál̃a mááɣaalini su.

TÁITƆ 1:10

Ngalá fɛ́li mbélaa bih̃íw̃aa lɔ Kíliti lɔwɔlɔí h̃u, ti golo lálangɔ tɔɔỹaá gééla woí wú aáva tiyá lɔɔ nungáitii ngákpolowa ngáá ndɛɛ gálambo mbondái. Júsuaitii tí lɛ́ingaa kái kái pá tí tí h̃u tiyá lɔ́ tíwaa sítii kɛ.

JIMISÍ 1:26

Ná nuu fíli áá gisíya ngáá kɛ aá lɔ ngáá Ngala fɛ́li mɔ́ɔ́ vanda, aáva ɛi nɛɛ tó nɛɛ túwɔ, kɛ aá lɔ́ɔ bɔwɔ́ vɛ́lɛ, ngi Yála fái va pele áá su.

JIMISÍ 2:17

Ngimɔ́ɔ́ nɔ́ɔ́ maa hái í na, ná nuu áá ɣɛ́ lái ngáá Ngalá aáva ɛ́i maah̃u haa ɣɛ́ híya gilí h̃u, kɛ nga ngáá ngi lángi ná wa.

JIMISÍ 2:26

Kíya nɔ́ɔ ná nuu h̃úúyafuw̃angi ɛ́i ɣɛ́ nuu h̃u, kɛ í háángɔɔ lé, ngimɔ́ɔ́ ndangí yáá ɣɛ́ su ngáá Ngalá yɛ́i maah̃u háá ɣɛ́ni, nga ngɛ́i ɣɛ́ mba.