JIMISÍ 2:19 - Kɛ́lɛ Niinaí

¹⁹ Wú lángɔɔ lé la ngáá Ngalángi yíla kpé. Ná vángɔɔ lé. Ỹína ỹɔítii kele tɔ ti langɔ́ɔ́ lé ngáá ná, aáva aa nduwá vú ti h̃u.

JIMISÍ 2:19 Iomraidhean Croise

MÁFIYU 8:29

Ná nɔ́ɔ léi siỹɛ́ félengɔi nátii ti Jísu lɔní, ngamá nɔ́ɔ kɛ tí woo gúlaa gbél̃eiŋ, ti ɣɛ́ ma, “Ndeé lɔ í lóngɔ yí kɛ ngáá ni ye yɛ́i yí ngáá Ngalángi H̃íỹɛndou Loí? Yí váa ngáá yí faa bá ndá ni w̃a p̃ɛ́ɛ́ kuí ɣéle ɔ́ɔ́ ɣɛ́a folóma ɣéla?”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:24

“Ndeé lɔ́ í lóngɔ yí kɛ ngáá ni ye yɛ́i yí ngáá Jísu, Násɔlɛ w̃ɔ́i? Yí vaá ngáá yí ni ɣɛ kíli ỹaaní? Ngí kɔ́lɔ ele wáá ngáá í ye. Yá lɔ́ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:29

Jísu i ngoo yápoteni, i ɣɛ ma, “Sí í ngáá savaí bíkpingi aá wáá ngáá sí pɔ́nɛngɔi su ngáá í ɣɛ́ngɔ ta, ‘Wɛ́i wú ngáá Ísulɔ yeláitii a wolílo, Ndemɔí a mu Yálangi lɔ í ngáá Ngalá aáva ngilaá kpé tɔ́ í ngáá Ndemɔí.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:7

Kɛ i woo gúlanga gbél̃eiŋ, i ɣɛ Jísu w̃a, “Jísu, ndeé lɔ í lóngɔ yí kɛ ngáá ngé yɛ́i yí ngáá Ngutuwɔ́ Yála Ngwalaí H̃íỹɛndou Loí? Véle Ngála ma ngáá yáá faa bá ndáma má!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:9

Í mɔ́ɔ́ ɣɛ ti w̃a, “Wáá híɣe Ngala sávai vólu ngáá kele ɣelé kɛinɔɔ́ wú hítɛ wu maa gélei vólu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:34

“Kpóu! Ndeé lɔ í lóngɔ yí kɛ ngáá ni ye yɛ́i yí ngáá Jísu, Násɔlɛ w̃ɔ́i? Yí vaá ngáá yí ni ɣɛ kíli ỹaaní? Ngí kɔ́lɔ ele wáá ngáá í ye. Yá lɔ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

TI GƐ́Ɛ́ HAÍTII 16:17

Nyah̃alói sí i hitɛní ni volú naá Pɔ́ɔni áá woo lɛ́, áá ɣɛ́ ta, “Siỹɛngái sítii tiyá lɔ ngáá Ngutuwɔ́ Yála Ngwalaí yénge mbelaa. Tiyá lɔ táa yɛ́pɛ wú yéle kɔwɔ́ato peleí wa nuu áá ngumaawóngi w̃ááhɔlɔ la!”

TI GƐ́Ɛ́ HAÍTII 19:15

Kɛ́ ỹína nyɔí i ɣɛi ti w̃a, “Ngí Jísu wɔlɔ́ taá Pɔ́ɔ, kɛ́ ele wáa ngáá wú ye?”

TI GƐ́Ɛ́ HAÍTII 24:25

Kɛ́ kíya Pɔ́ɔ í ɣɛ́i áá lí ngáá yɛpɛndáá kɔwɔ́ato telembo fáá taá bɔwɔ w̃aa wolongí wá, ná vólu múl̃ɔ, kɛ kíya kúna Ngalá ngáá vá nungáitii kpɛ́lɛɛ kɔ́sɔ ma, nduwái i ɣɛi náa Masangí Fílesi h̃u. Kɛ i ɣɛa Pɔ́ɔ w̃a, “Gɛɛlɛ náá míl̃a, yí li. Sɔ́wɔi ngáá loko hɔ́lɔ ngáá keela lɔ́ve náa múl̃ɔ í yéle ngáá yí va.”

LÓÓMI 3:30

Ngalá ngí yíla kpé nɔ́ɔ aáva aa sítii ngéɣe ngáá telembo mbélaa taa ngáá Júsua ɛ́ɣɛ sítii ti ngáá Júsua nda ngílaa kpéngi w̃aa véle w̃á nɔ́ɔ taa ɣɛ́ sú ngáá Jísu Kílisitii.

KƆ́L̃E HESENDAA GƆLƆÍ 8:4

Faalɔ, mɔɔningí kɔwɔ́ato mɛɛníí wa taa kula ngáá saáɣa kɔɔ kɔɔ́ ŋániaitii mbɛ taa ti yeɣé ngáá ngalángaa, ngí yápotengi lɔ. Mú kɔ́lɔ ngáá kɔɔ kɔɔ́ ŋániaitii nungái taá gíto ti wa, taa ngáá ŋani fíli ngeleí sí wu. Ná vólu, mu kɔ́lɔ nɔ́ɔ ngáá Ngalángi i yíla kpé nɔ́ɔ.

KƆ́L̃E HESENDAA GƆLƆÍ 8:6

kɛ́ muỹa mu haáw̃a, Ngalángi i yíla kpé nɔ́ɔ. Laá vá tɔ í ngáá mu Kɛ́ɛ́ɣɛ ɛ́ɣɛ ŋani kpɛ́lɛɛ kpátɛ mɔ́i, ngi háwui h̃úú lɔ́ í kɛngá mú ndɛɛh̃úi h̃u. Aáva múl̃ɔ Ndemɔí í yíla kpé, aáva laá wáá ngáá Jísu Kílisitii, lɛ́i Ngalá ngí ŋani kpɛ́lɛɛ kpátɛngɔ maa véle w̃a, aáva laa vá tɔ nɔ́ɔ mɔ́ɔ́ mú ndɛɛh̃úi h̃u maa véle w̃a.

GALÉSIYA 3:20

Kɛ́ ndowah̃u w̃ɔ́ɔ́ haa aa ɣɛi su ná Ngala ngí kuulongí wóni ngáá Lébilah̃au. Ngala ngílaa kpé tɔ́ í kɛ́ni.

TÍMOTI HESENDAA GƆLƆÍ 2:5

Ngalá ngí yíla kpé aáva nuu yílaa tɔ áá kɛ́ ngáá háwu nuu lówah̃u áá bátɛ wáá Ngalá, nuí ná vá mbaa ngáá Jísu Kílisitii lɛ́i laá gíte í ngáá nuu búsa.

JIMISÍ 2:8

Ná gíte wáá híya ngáá sava wúúỹingɔi sí pɔnɛngɔ́i Ngalá Kɔ́lɔi h̃u, ná ná áá ɣɛ, kɛ wá lɔɔ híya ngáá sí í péle w̃a. Ná wáa ngáá, sí í ɣɛ́ngɔ ta, “Ló ngáá í mbála nuú búsai kíya í lóngɔ ngáá bɔwɔ́.”

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:6

A giséi sí w̃a múl̃ɔ í ɣɛ́ni ngáá malékai sítiini taá kɛ́ni tɔɔ ló ti ndá yéngemaitii ngáá tɔɔ́ tí ndá yéngengaitii mbo ɛ́ɣɛ tí lokogúlani mbéi haa h̃u ti ɣɛ́i na. Aáva Ngalá ngi ti vuní njɔwɔ́itii nga kúnafɔ faaw̃a kpindi h̃u ngáá ti lo ná, í ló su í fólo kɔsɔ́ fólo wálai w̃a.

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.