JIMISÍ 2:18 - Kɛ́lɛ Niinaí

¹⁸ Kɛ́ nuu tá aa ɣɛ ta, “Í lángɔɔ lé ngáá Ngalá. Nyá vá túva gilíítii pángɔ.” A wú lángi ɣɛ́ ná ngáá ngé wú su ngáá Ngalá tuva gilí vánda áá mba. Nyá ngí ní lángi ɣɛ́ ngáá wú ye túva gilíí h̃u.

JIMISÍ 2:18 Iomraidhean Croise

LÓÓMI 14:23

Kɛ́ ná wɔ́lii ɛ́i ɣɛ́ í gí mái h̃u kpál̃au ngáá sí yíwaa mɛ kule lɔ í w̃a yí mɛ, kɛ Ngala ngáá í wááleve ná h̃u ngáá yáá vélei, sífaa í lángɔ ɛ́i ɣɛ́ lá ngáá kule lɔ í w̃á yí mɛ. Ná lɔ́ aá kɛ yɛ́i ɣɛ́ veléi bɔw̃álale, sí fíli yáá lái lá ngáá aa lɔ́ pelé w̃a ngáá yí kɛ, ná yáá kɛ, kɛ aá lɔ́ ngáá faa ỹɔ́u í hááw̃a.

LÓÓMI 3:28

Faalɔ, maa hái wundangɔ́i waa ngáá, Ngalá ngáá nuu yéɣe nɔ́ɔ léi ngáá faa áá í wá ná í lángɔ áá ɣɛ́ la ngáá Jísu Kílisitii kɛ́ aa ngáá nuu gólondai savái wu.

LÓÓMI 4:6

Pɔnɛngɔ́ɔ́ lé Ngala Kɔ́lɔi h̃u ngáá sí Masangí Deevé í ndéni kɔwɔ́ato faa vándai wa áá ɣɛ́ sítiini mbɛ Ngalá ngáá ti yeɣé ngáá telembo mbélaa kíya bɛ́lɛ ɛ́i ɣɛ́ ngáá ti lúva véle vánda haaw̃a Ngalá ngáá ná ɣɛ́ faaw̃a. Sí vá Masangí Deevé í ndéi aá wáá ngáá sí,

LÓÓMI 8:1

Ná wú báhangɔ áá ɣɛ́ la Jísu Kílisitii wa, kɛ Ngalá ngáá vaamá faa bá ndáma wú w̃a faa ỹɔ́u hááw̃a wáá ɣɛ́ kɛ́ni.

LÓÓMI 9:19

Tɛingaa nuu áá ɣɛ́ má, “Kɛ ná ná áá ɣɛ́, ndeé lɔ́ hɔ́ɔ́ Ngalá ngáá nuu báálɛ hóuma? Nuu fíli áá na ɔ́ɔ lókola sí lúwɔ Ngala ngáá ɣɛ́ lói í ɣɛ.”

KƆ́L̃E HESENDAA GƆLƆÍ 13:2

Ná bɛ́lɛ Ngalá ngɔ́ɔ́ naa gúla mbɛ́ kɛ́lɛma ngáá ngí ndaa háá le, ná vólu, í kele ɣeléngi kpɛ́lɛɛ fé ngéya ɛ́ɣɛ faa yátɔ mba ngákpangi ndɔɔwu h̃ú háitii kpɛ́lɛɛ mbá, ɛ́ɣɛ nda ngí ɣɛ́ sú ngwala ngaá ngáá ndé ngihéi w̃a ngáá í híɣe vomá aáva í híɣe vomá, kɛ́ ná ngɛ́i ɣɛ́ lói ngáá nungáá vékaa, kɛ ngáá ngáá nuu fíli.

KƆ́L̃E GƆ́LƆI HELE KÉLEI 5:17

Ná nuu fíli áá báha Kílisitii wá, kɛ maa w̃ɔ́i ná lɔ́ náá ngáá nuu níína aáva tuva velé vɔ́lɔi aa ɣɛ náa lɔvéni, ngi níínai lɔ náá áá ɣɛ́ su.

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÁITƆ 2:7

Táitɔ, kɛ yá bɛ́lɛ nɔ í gɛ́ɛ́ haítii ɛ́ɣɛ í lúva veleítii tí ɣɛ́ pele w̃a faa kpɛ́lɛɛ su kɛinɔɔ́ yí ɣɛ́ ngáá tɔmaseí sítii faaw̃a yáá tí galámbo. Kalambongí wo ngáá tɔɔỹaá aáva i hɛ́mbɛ í ɣɛ́ su.

HÍBULU 11:31

Ndangí kɔlɔsiyá nyáh̃apoi ná tɔ́ɔ́ ɣɛ́ ma Léha í ɣɛ́i su ngáá Ngalá, ná lɔ́ í kɛ́ni í bɔ́ni Ísulɔ yelái ti yásɔbɛ mbeláitii mba tí tí lɔ́veni tái ná h̃u í ɣɛ́i su. Ná hááw̃a, aa saa w̃ááhɔlɔni kíya nungáá vékai nátii ti goló lálangɔ í ɣɛ́i la ngáá Ngala tí sáá w̃ááhɔlɔni.

HÍBULU 11:33

Ndangí nungái sítii ti ɣɛ́i su ngáá Ngalá, ná lɔ́ ɔ́ɔ́ kɛ ti lápi ngáá ndɔwɔ́lɔ vékaitii tí nátii kula kɔɔ h̃u. Sí í ɣɛ́i pele w̃a Ngalá ngááh̃u, laá lɔ tɔ́ɔ́ kɛ aáva sí Ngala ngí tí guulóni lá ɔ́ɔ́ sitɛ́ nga. Ti lɛ́ingaa i kɛ ngáá háwu njalaítii tɛ́i belé faa ɣɛ́ ngáá ti ye.

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

JIMISÍ 2:14

Mu mbála Yalá fɛ́li mbélai, aá lɔ́ ngáá faa ỹááka nuí sí hááw̃a áá ɣɛ́ ta, “Ndangɔ́ɔ́ lé ngáá Ngalá,” kɛ́ ɛi maah̃ú háá ɣɛ. Kɛ ná w̃aa lángi aa ngumááwo?

JIMISÍ 3:13

Ele lɔ kele ɣeléngɔ aáva áá faa yátɔ mba wú lííwaa? Maa w̃ɔ́i í ngákɛ nuu ɣɛ́ kɔ́lɔ ngi híya gili vánda h̃u ɛ́ɣɛ ngi lúva velé vánda wa áá gúla kele ɣelé su aáva maa w̃ɔ́i ɣɛngɔ́ lúúỹaa.