JIMISÍ 2:14 - Kɛ́lɛ Niinaí

¹⁴ Mu mbála Yalá fɛ́li mbélai, aá lɔ́ ngáá faa ỹááka nuí sí hááw̃a áá ɣɛ́ ta, “Ndangɔ́ɔ́ lé ngáá Ngalá,” kɛ́ ɛi maah̃ú háá ɣɛ. Kɛ ná w̃aa lángi aa ngumááwo?

JIMISÍ 2:14 Iomraidhean Croise

MÁFIYU 5:20

Kɛ léi wú lúva veléi kɔwɔ́ato Ngala sávai wa i ɣɛ vaí í lɔ́ve kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai ti ndá lúva veleí wa, kɛ́ ná láá le, wɔ́i ɣɛ́ Ngalángi w̃ásandai h̃u kúnafɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:11

Kɛ Njɔú í ti woo yápotenga, i ɣɛ ti w̃a, “Nuí fíli ndoma ngáá ɣɛ́ ngeyá féle, kɛ í ngilángi hé nuí sí yáa ta fíli ɛ́i ɣɛ́ ngeyá. Nuí vá mɛɛní áá ɣɛ́ ngeyá, laá bɛ́lɛ nɔ́ í ngákɔlɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:49

Kɛ́ nuí fíli áá ngói ỹɛ́ni, laáva ɛi kɛ ɔ́ɔ́ híya ngáá sí ngáá nde ma, maa w̃ɔ́i ɣɛ kíli aa ɣɛ ngáá siỹɛndópoi sí í lííni í pɛlɛ́i lo kɔwɔ́ hítɛngɔ aa ɣɛi lá váni. Faalɔ, ná njɛí í wáni, njɛhéngi i vaaní í héi pɛlɛ́i ná wa, í ngólo í fahá fáha kpɛ́lɛɛ ngáma.”

TI GƐ́Ɛ́ HAÍTII 15:9

Ngalá ngáá ndowah̃u kɔlɛ́ fíli mbóngɔ mu lówah̃u maá tiyéni. Kɛ́ i ti lií w̃ááwolengɔ sífaa ti langɔ́ lá.

TI GƐ́Ɛ́ HAÍTII 8:13

Sáimɔ buteí i laní ngáá keela woí sí Félepi í ndéni. Laáva í nguyaí w̃ááhɔlɔni. I toní naá Félepi wá mbéi fíli ná ɔ́ɔ́ lí na. Kindáá vílingɔ i ɣɛi lá ngáá káámaa háitii í tɔ́ni Félepi í ɣɛ́i áá ti ɣɛ.

TI GƐ́Ɛ́ HAÍTII 8:21

Í ndá fíli aa Ngalángi yéngengi sí wa, bɔw̃álale í líi aa telembo péle w̃a Ngalá ngéya.

LÓÓMI 2:25

Nuu lɔ́vendai pɛlɛ volu nga tɔ́ nɔ́ɔ léi mbá ná áá híya ngáá Ngala sávai. Kɛ́ ná ɛ́i ɣɛ́ híyani lá, kɛ aa lɔ́vei nuu vékaitii mbá ti lɔ́vengɔ ɛ́i ɣɛ́ lá pɛlɛ́ vólu.

KƆ́L̃E HESENDAA GƆLƆÍ 15:2

Ngalángi gééla woo vandaí sí wú lókoheinga mbu, ná wáá ngeɣé ngáá hɛmbɛ́ fíli, wú wúmaawongi wúl̃a. Ná láá lé, kɛ nda ngí hɔ́ɔ́ wú su ngáá maa gééla woí kulasuunúma aa su.

KƆ́L̃E HESENDAA GƆLƆÍ 16:22

Nuí fíli ɛ́i ɣɛ́ lói ngáá Ndemɔí Jísu, Ngalángi háá bamaí í ɣɛ́ maa w̃ɔ́i w̃a. A mu Lemɔ́i Jísu, vá!

GALÉSIYA 5:13

Kɛ́ wɛ́i wú ngáá mu mbála Yalá fɛ́li mbélai, Ngala ngí wú lólingɔ ngáá wú wúmaa í wó, kɛ́ wálaa lokola náa wú wúmaawongi w̃a ngáá sí fíli áá ɣɛ́ ngáá wú líívo fáa ỹɔ́itii wááyaa ti ɣɛ. Kɛ́ aá ɣéle, a yenge ỹɔw̃ɔ́ ỹɔ́w̃ɔ yɛ sífaa, wú lóngɔ ngáá ỹɔw̃ɔ́ ỹɔ́w̃ɔ.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI HESENDAA GƆLƆÍ 4:8

Sítii nuu áá ɣɛ́ áá ti ɣɛ ngáá kɛinɔɔ́ í h̃uu í ba, pangɔɔ́ nɔ́ɔ pele tá h̃u, kɛ́ sítii nuu áá ɣɛ áá ti ɣɛ ngáá í h̃úú í ba Ngala fɛ́li fái h̃u pangɔ́ɔ́ lé pele fíli sú nɔ́ɔ, sífaa, aa va ngáá kulasuunúma nuu yɛ́ ndɛɛh̃úi sí h̃u nuu í su naa ɛ́ɣɛ ndɛɛh̃úi sí í náá wutúwɔ.

TÁITƆ 1:16

Maa yélai taá ɣɛ taa ndé ngáá ti Ngalá kɔlɔ, kɛ́ tí lúva veléitii táá ngákɛ ngáá nuu í ɣɛ́ kɔ́lɔ ngáá kɛ táá ngáá Ngalá kɔ́lɔ mbélaa. Ngala ngáá loi ngáá tí lúva vélei kulo bɛ́lɛ ɛ́ɣɛ tí gólo lálangɔ aáva tɛí hómbo tɔ́ɔ́ faa vánda fíli kɛ́.

TÁITƆ 3:8

Ngoí sí va í léngɔ, aá lɔ́ ngáá tɔɔỹaá woo. Ndóngɔɔ lé yí laabákpa fái sítii mba kalambo sú kɛinɔɔ́ sítii ti langɔ́ ngáá Ngalá taayáá faa vándaitii kɛ, ná vá tɔ í ngáá faa vándai maanɛ́ɛ́ngɔ nuu kpɛ́lɛɛ fááw̃a.

HÍBULU 11:17

Ndangí Lébilah̃au í ɣɛ́i su ngáá Ngalá, ná lɔ́ í kɛ́ni ná Ngala ngí suugɔvɔ́ni ngáá í ngi lóu yiláá kpéngi Áise gula ngáá saáɣa i ɣɛi náa áá va kulamá ngáá saáɣa kíya bɛ́lɛ Ngala ngí ɣɛ́i naa kúúlo mbóni lá kɔwɔ́ato Áise wa.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

JIMISÍ 1:16

Mu mbála Yalá fɛ́li mbélaitii wú ngáá ndíívo mbélaa, a waá kɛ nuu fíli ɔ́ɔ́ wú vɛ́lɛ.

JIMISÍ 2:16

kɛ wú tá wú ɣɛ́a ma, “Ngalá ngí lúwɔɔ nɛ́ɛ, w̃aayíli ngáá pangɔ́, kɔɔlɛ́ álaa í lɔ, yí laaỹɛ́ í góó í hé kpé,” kɛ́ wɛ́i faa fíli kɛ́ kɔwɔ́ato kpeɣéma wɔ́lingaitii mba, ná áá ɣɛ nɔ́ɔ́ ngáá faa ỹááka.

JIMISÍ 2:18

Kɛ́ nuu tá aa ɣɛ ta, “Í lángɔɔ lé ngáá Ngalá. Nyá vá túva gilíítii pángɔ.” A wú lángi ɣɛ́ ná ngáá ngé wú su ngáá Ngalá tuva gilí vánda áá mba. Nyá ngí ní lángi ɣɛ́ ngáá wú ye túva gilíí h̃u.

JIMISÍ 2:26

Kíya nɔ́ɔ ná nuu h̃úúyafuw̃angi ɛ́i ɣɛ́ nuu h̃u, kɛ í háángɔɔ lé, ngimɔ́ɔ́ ndangí yáá ɣɛ́ su ngáá Ngalá yɛ́i maah̃u háá ɣɛ́ni, nga ngɛ́i ɣɛ́ mba.

PÍTƐ GƆ́LƆI HELE KÉLEI 1:5

Ná lɔ́ í kɛ́a háwui sí kái kái fááw̃a kɛ wú kɛ́ ngáá hɛmbɛ́ fíli ngáá wú ndi ngu ma ngáá wú lángi wú sú lá, ná vólu, wú lúva veléi í ɣɛ́ vaní. Ná vólu, wú ɣɛ́ faa wɔ́lɔ kɔwɔ́ato sí wá Ngala ndóngɔ la.