JIMISÍ 2:1 - Kɛ́lɛ Niinaí

¹ Mu mbála Yalá fɛ́li mbélai, wɛ́i wú lángɔ ngáá Ndemɔí Jísu Kílisitii lɛ́i kaámaangɔ, a waá nuu h̃úúwɔlɛ.

JIMISÍ 2:1 Iomraidhean Croise

MÁFIYU 22:16

Kɛ tí tí híya polu yeláitii tɛingáá lɔ́vea ɛ́ɣɛ Masangí Hɛ́lɔdi guuwu h̃uu yélai tɛingáá Jísu yelé. Kɛ nátii ti ɣɛ́a Jísu w̃a, “Kaamɔ́ɔ́, ní kɔ́lɔ ngáá yá lɔ́ ngáá tɔɔỹáa w̃ɔ́ɔ́. Yáá kalambongí wó ngáá tɔɔỹaá Ngalángi vélei w̃a nuu búsai hááw̃a, sífaa yáá beɣéi ngáá sí nungáitii taá gisíya la, bɔw̃álale yáá beɣéi nuu yéɣe fááw̃a kɛ kíli h̃u.

TI GƐ́Ɛ́ HAÍTII 10:34

Kɛ Pítɛ i pɛlɛngá yɛpɛmá, áá ɣɛ ta, “Ngí kɔ́lɔ náa ngáá tɔɔỹaá le ngáá kɛ Ngalá ngɛi suuwɔlɛ́ mbo.

TI GƐ́Ɛ́ HAÍTII 20:21

Ngí ndengá Júsuaitii ma taa sítii taa ngáá Júsua ngáá kɛ tí vóte Ngalá mba, tí vólu yáfe ti háá ỹɔítii mba, ti lá ngáá mu Lemɔ́i Jísu.

TI GƐ́Ɛ́ HAÍTII 24:24

Ná kuu félengɔ í gúlani su, Masangí Fílesini ngaa ngi ỹáh̃ai Dulusélɔ lɛ́i í ɣɛ́i ngáá Júsu w̃ɔɔ tí vááni, Masangí Fílesi i keela lɔ́veni Pɔ́ɔ vomá ná í va. Aáva ná í vááni, Masangí i wolíloni ma ná Pɔ́ɔ í yɛ́pɛni kɔwɔ́ato ndangí wá i ɣɛ́i su ngáá Jísu Kílisitii.

TI GƐ́Ɛ́ HAÍTII 7:2

Sitívi i ngoo yápoteni, i ɣɛ ta, “Kɛɛɣɛ́ni, í báha náá mu mbálangaitii mba, a wolílo ma! Ngakpá Ngálangi i gulaní a mu kɛ́ɛ́ɣɛ Lébilah̃au yaah̃ú ná h̃u Lébilah̃au í ɣɛ́i nɛ́nɛ ndɔwɔlɔ́i sí h̃u taa naa lolí ngáá Mɛsɛpɔtémiya, ɔ́ɔ́ ɣɛ́a li í héi mbéi tɔ́ɔ́ naa lolí ngáá Hála.

LÓÓMI 1:11

Naa w̃ɔní lɔ́ma ngwála ngáá ngí vá ngí wú héi heí kɛinɔɔ́ ná ngáá vá wú Ngalangí nɛ́ɛ́mai w̃ááhɔlɔ tiyɛ́i taá kɛ ngáá háwu wú h̃úú í bá Ngala fái h̃u.

KƆ́L̃E HESENDAA GƆLƆÍ 2:8

Masangái sítii tí ngélewu ti tá fíli taá kele ɣélengi ná yátɔi mba. Kɛbei ti ɣɛ́i ngatɔ́i mba, tɛ́i belé ɣɛ́ Ndemɔí Jísu bakpái kulɔ́sii w̃a ɔ́ɔ́ há, lɛ́i í Ngalángi yákpangi yakɛ́ngɔ kpál̃au.

KƆLƆ́SE 1:4

sífaa, ní faa ỹɛ́ninga kɔwɔ́ato wú lángi wa wú su ngáá Jísu Kílisitii ɛ́ɣɛ ndóngi wú su ngáá Ngalángi vóngaitii kpɛ́lɛɛ.

TÍMOTI HESENDAA GƆLƆÍ 1:19

Aáva í lángi yí su ngáá Jísu Kílisitii í ndi ngu ma ɛ́ɣɛ í gí mai í ɣɛ́ kpál̃au faa fíli su yaa kɛ. Nungáá lɛ́ingaa tí wóli híɣea sí w̃a ti gi mái áá nde ti w̃a aáva ndangí tí ɣɛ́ngɔ su ngáá Jísu Kílisitii í gúlaa tí h̃u.

TÍMOTI HESENDAA GƆLƆÍ 5:21

Ngaláni ngáá Jísu Kílisitii ɛ́ɣɛ hɛ́ɛ́ma w̃álekaitii tiyá lɔ́ ti ngáá ní hééleaitii ngáá ngí fái sí léa í w̃a kpáŋ kpáŋ ngáá yí híya ngáá ti ye. Yálaa suuwɔlɛ́ mbo kɛlaa yɔ́ɔ́ tó polú wó ngáá nuu fíli í híyalai h̃u ngáá fái sítii.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 1:3

Aá lɔ́ áá ngákɛ kíya Ngalá káámaangɔ aáva kíya nɔ́ɔ Ngala ngí ná, ngimɔ́ɔ́ nɔ́ɔ jɔ́ í na. Aa kɛ ngáá háwu faa kpɛ́lɛɛ tí ndi ngu ma ngelewu ndaa wóó yákpangɔ wálai w̃áá véle w̃a. Ná náa í faa ỹɔ́i wúyani nuu búsaa w̃a i héini náa ngufema ỹándai ngelegóóh̃u Ngakpa Ngála Ngwalaí bélaa masandáá h̃u.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

JIMISÍ 1:16

Mu mbála Yalá fɛ́li mbélaitii wú ngáá ndíívo mbélaa, a waá kɛ nuu fíli ɔ́ɔ́ wú vɛ́lɛ.

JIMISÍ 1:19

Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 2:3

wú ngúfema hé léélaa nuí sí yɛ maayílingɔ áá ɣɛ́ la ngáá kula vandái, wú ɣɛ́ ma, “Vá, yí héi seiw̃aá vándai,” kɛ́ wú ɣɛ́ nyaani w̃ɔ́i ná w̃a, “Yá láá, ló múl̃ɔnda, ɔɔ vá, yí héi ndɔwɔlɔ́i wa kɔ́wɔ wú,”

JIMISÍ 2:9

Kɛ́ ná wáá súúwɔlɛ mbó, kɛ wú faa ỹɔ́u ɣɛ́a aáva wú véle lálangɔ aa ɣɛ lá savaí h̃u ngáá sava ỹááni mbélaa.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:16

Nungái sítii tiyá lɔ́ nɔ́ɔ fɔ́ wúsubɔɔlɔma aáva taá ɣɛ́ múl̃ɔ taá núngaa baalɛ hóu. Nungái sítii kpɛndɛngɔ́ɔ́ lé nɔ́ɔ ti liivó fáá ỹɔítii ma. Tiyá lɔ́ nɔ́ɔ fɔ́ taa yonga téve, táá nungáá lɛ́nga kɛinɔɔ́ sí tí longɔ́ la tí maahɔ́lɔ ti yaá.

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.