JIMISÍ 1:4 - Kɛ́lɛ Niinaí

⁴ Ndiibángi í wú h̃ú ngáá wú híya faa báma h̃u maa álaa yéi. Kɛ́ láa ɣéle, í ndí nɔ́ɔ́ ngu ma hɔ́wɔ fíli, kɛinɔɔ́ wú ɣɛ́ ngáá nungáá tɔmbema w̃áá fíli álaa ɣɛ́ wú wá. Sí kpɛ́lɛɛ pá áá nuu ɣɛ́ ngáá Ngala fɛ́li mɔ́ɔ́ í ɣɛ́ wú h̃ú.

JIMISÍ 1:4 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

MÁFIYU 19:20

Kɛ siỹɛndópoi i Jísu woo yápotenga, i ɣɛ ma, “Ngí híyanga ngáá savaí nátii kpɛ́lɛɛ. Bɛɛ́ lɔ mɔ́ɔ kule í má ngí kɛ?”

MÁFIYU 5:48

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:21

Kɛ Jísu i siỹɛndópoi belénga tííŋ, í ló lá. Kɛ i mɔ́ɔ ɣɛa siỹɛndópoi w̃a, “Faa yílaa tɔ yáá nɛ́ɛ́ kɛní. Lí, yí yáa gɔ́lingai kpɛ́lɛɛ mááɣɛ, yí maa náholoi he nyaani yélaitii ngeyá. Ná yáá ná ɣɛ́, kpatɛ́ yándɔɔlɔngɔ aa ɣɛ náá la í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ́.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:22

Ná Jísu í fái sí ỹɛ́nini, i ɣɛi ma, “Faa yílaa tɔ́ ná nɛ́nɛ yáá nɛ́ɛ́ kɛní. Yaá wɔ́lingai kpɛ́lɛɛ mááɣɛ, yí maa náholoi he nyaani yélaitii ngeyá. Ná yáá ná ɣɛ, kpatɛ́ yándɔɔlɔngɔ aa ɣɛ lá náa í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:19

Wú lángi í wú h̃u, a ndi ngu ma lá ngáá hɛmbɛ́ fíli ná ná va ngáá ɣɛ́, wáá kúnafɔ lɛ́ɛ́h̃ui w̃aahɔ́lɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:15

Hakpá súwui sítiini pa ti gúlani ndɔwɔlɔ́ vándai w̃a, ti gúlangɔɔ lé ngáá nungái sítii kɛ kíli taá Ngala ngói ỹɛ́ni, tí lokohéi mbu ngáá ndiiwolé aáva tí goló mbu, ti ló su kpáŋ í ló su ti ɣɛ́ ngáá faa váá mbélaa kíya nɔ́ɔ hakpá súwui sítii ti gúlani ndɔwɔlɔ vándai w̃a ti bátɛni ngwala.”

NJƆÚ 17:23

Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.

KƆ́L̃E HESENDAA GƆLƆÍ 2:6

Kɛ́ ná fíli sú, ngáá kele ɣéle kééla woó le sítii ma ti h̃uubangɔ́ náa Ngala fái h̃u, kɛ́ ɛi ɣɛ ngáá ngeleí sí wu géle ɣele ɔɔ ngeleí sí wu w̃ásangaitii ti géle ɣele su, tiyɛ́i ti yákpangi áá yéi vólu.

GALÉSIYA 6:9

Náá hááw̃a, a málaa bɔ́lɔ ngáá faa vánda ɣɛ́ndaa, sífaa ná a mɔ́i ɣɛ́ bɔ́lɔni, naa hɔwɔí lɔɔ va folóma ma a maá kúlasuunuma w̃aahɔ́lɔ su.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TÍMOTI GƆ́LƆI HELE KÉLEI 3:17

Ná ná vá ngáá ɣɛ, nuí sí áá ɣɛ́ ngáá Ngala ngénge mɔɔ, kulaɣɛngɔ́ áá ɣɛ lá Ngala ngénge faaw̃a, maa w̃ɔ́i w̃aahéi wóngɔ ngáá pangɔ́ ngenge pánda fíli mbó fááw̃a.

JIMISÍ 1:5

Ná wú tá fíli áá ɣɛ́ na kele ɣelé ngɛ́i ɣɛ́ mbɛ, í Ngála fɛ́li ngáá Ngalá ngí kɔ ngáá kele ɣelé. Ngalá pa, lɛ́i áá ŋáni he nuu kpɛ́lɛɛ ngéya ngáá ndiiwolé ɛ́i bóɣi kpoɣí, aa fé maa w̃ɔ́i yaá.

JIMISÍ 3:2

A mu kpɛ́lɛɛ a maá pɔɔla vú faa yá pele bih̃íw̃aa h̃u. Ná nuu fíli ɛ́i ɣɛ́ pɔɔla vuí sí ya áá nde, kɛ tɔmbema w̃aá áá maa w̃ɔ́i wa. Aáva aa hombó ndehé í ɣɛ bɔwɔ́ w̃a,

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 1:9

Kɛ́ nuí fíli faí sítiini tɛi ɣɛ́ su, maa w̃ɔ́i gúlangɔɔ lé ngáa nuí sí ɛí ỹánda lɔ́ góóh̃ama, mbolengɔ́ vóto, ná vólu, ndeew̃angɔ́ɔ́ lé ngáá ngí háá ỹɔí kpɛ́lɛɛ ti ɣɛ́i ma, ti wúyangɔɔ lé naá ma fó.