JIMISÍ 1:27 - Kɛ́lɛ Niinaí

²⁷ Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.

JIMISÍ 1:27 Iomraidhean Croise

MÁFIYU 12:32

Aáva nuí fíli pá áá ngoo ỹɔ́u ỹɔ́u nde kɔwɔ́ato nuí síí w̃ɔ́i wa taa ɣɛ́ ma Nuu Búsa Goo H̃ú Loí, maa w̃ɔ́i h̃uuhaa áá ló. Kɛ́ nuí fíli áá fáa ỹɔ́u le kɔwɔ́ato Hɛ́ɛ́ma Ỹínangi wa, maa w̃ɔ́i h̃uuhaa ɛ́i ló kúnafɔ, ngeleí sí wú ɛ́ɣɛ ngelewu níínai sí wú áá vá vááma kúna.”

MÁFIYU 5:8

Nungái sítii ti liivó fái í ngáá tí Ngalá ndiilɛ́i fáitii kɛ, aá lɔ́ ngáá faa vánda ti haáw̃a, sífaa tiyá lɔɔ vá ɣɛ́ma Ngalá ngéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:6

Sakaláya ɛ́ɣɛ ngi ỹáh̃a Ilésebɛ, ti ɣɛ́i ngáá tuva velé vánda yélaa Ngalá ngaah̃ú. Ti ɣɛ́i taa híya ngáá Ndemɔí Ngalángi hávai kpɛ́lɛɛ, táá ngeɣé kɔ́wɔ w̃a.

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

LÓÓMI 2:13

Aá ngáá Ngalángi hávai ỹɛ́nindaa lɔ áá nuu ɣɛ́ ngáá telembo mɔ́ɔ Ngalá ngaah̃ú kɛ́ nuu hiyalái lá.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 3:11

Ngakɛ́ngɔɔ lé kpál̃au ngáá nuu fíli ɛi ɣɛ́ ngáá telembo mɔ́ɔ́ Ngala ngaah̃ú ngáá hiyandái ngáá ngi hávai. Bɔw̃álale, pɔnɛngɔ́ɔ́ lé Ngala Kɔ́lɔi h̃u ngáá sí, “Sítii ti ngáá telembo mbélaa Ngala ngaah̃ú, tiyá lɔ́ɔ vá ndɛɛh̃ú gítei h̃úúhiyama ngáá ndangí taa ɣɛ su ngáá Ngalá.”

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

GALÉSIYA 6:14

Kɛ́ nyá laa ngɛ́i ŋáni fíli mááyonga tevé kɛ nɔ́ɔ léi sái mu Lemɔí Jísu Kílisitii í mbóngɔ kúlɔsii w̃a. Maa hái ná va í mbóngɔ kúlɔsii w̃a, í kɛ́a ngáá háwu ni ndá áá mɔ́ɔ ngeleí sí wúú háa ta fíli su aáva ngeleí sí wúú háá tá fíli aa mɔ́ɔ ní ndá h̃u kíya nɔ́ɔ nungáá taa ha ti háá ɛ́i mɔ́ɔ ɣɛ́ ỹɔw̃ɔ́ ỹɔ́w̃ɔ háá h̃u.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI HESENDAA GƆLƆÍ 5:4

Kɛ́ ná ndengáá taa ɣɛ́ ponyah̃ái yáá ɔ́ɔ́ taala lengaa, kɛ ndengái nátii tí yákpa taayáá sítii kɛ kule áá ɣɛ́ tí w̃a tí kɛ tí lé mbélaitii mbɛ Ngalá ndaa wói w̃aa véle w̃a. Aáva ná taa ɣɛ́a ná ɣɛ, sí ti le mbélai taa ɣɛ́ kɛ́ni tí yɛ, kɛ póto míl̃a taa ɣɛ́ táa kúla, ná vá tɔ́ ngáá Ngalá ndiivó fáá.

TÁITƆ 2:12

Maa háá bɔ́wɔi sí vá aa ngakɛ́ ngáá mu ye ngáá mu bé fái sítii mba tɛ́i Ngalá ndiilɛí ɛ́ɣɛ faa ỹɔ́i sítii ti ngáá ngeleí sí wuulíívo kɛ́i. Ná vólu, aa ngakɛ́ ngáá mu ye kíya maá bɔ́wɔ h̃úúhou w̃a faa fíli su ngeleí sí wu ɛ́ɣɛ aa ngakɛ́ ngáá mú ye kíya mu lɛ́ɛ́h̃ui h̃uuhíya kílitii taa ɣɛ́ váni ti Ngalá ndiilɛ́i.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

JIMISÍ 3:9

Mu mbála Yála fɛ́li mbélai, mu nɛɛngí lɔ nuu áá Ndemɔí Ngála ndaaw̃áálɛ la, lɛ́i í ngáá mu Kɛ́ɛ́ɣɛi. Laáva tɔ nɔ́ɔ́ múl̃ɔ nuu áá faa ỹɔ́itii nde la nuu vékaitii mba, tiyɛ́i Ngala ngí tí bátɛngɔ kíya laá Ngalá í na. A mú lái sí nɔ́ɔ maá tɛ́ngi wó la, laá lɔ́ nɔ́ɔ múl̃ɔ a maá faa ỹɔ́itii ndé lá. A málaa ɣɛ́ maa ná ɣɛ.

JIMISÍ 4:4

Wú lɔ́wɔbaɣangɔ láá le Ngala ngéya! Wáá súúwɔlɔ ngáá na nuu áá ló ngáá ngetéyangi sí h̃u wɔ́lingaitii kɛ aa lɔ ngáá Ngalá mbaahílima w̃ɔ́ɔ? Nuí fíli áá ɣɛ́ lói ngáá ngetéyangi sí h̃uu wɔ́lingaitii kɛ maa w̃ɔ́i lɔɔ́ bɔwɔ́ ɣɛ ngáá Ngalá mbaahílima w̃ɔ́ɔ́.

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.

PÍTƐ GƆ́LƆI HELE KÉLEI 2:20

Ná a mu Lemɔ́i ɛ́ɣɛ mu Wúmaawo Mɔ́i Jísu Kílisitii wɔ́lɔndai í kɛ́ngɔ ngáá háwu nungáitii tí w̃aavéla faa ỹɔ́u ɣɛ́ndai wa pɛlɛngɔ́ nuu búsai volú ngeleí sí wu, aá ɣéle í mɔ́ɔ́ ti lií hóu, tí bá su kpé, kɛ ná ná áá ɣɛ́, ti ɣɛ kíli ỹaaningɔ́ áá ɣɛ náa la Ngala ngele péle í lɔ́ve sí wa ti ɣɛ́i su hése.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

NJƆÚ HESENDAA GƆLƆÍ 5:18

A mú súúwɔlɔ ngáá nuí fíli í ngáá Ngala ndóu ɛi ndi nɔ́ɔ ngu ma ngáá faa ỹɔ́u ɣɛ́ndaa bɔw̃álale Ngalángi H̃íỹɛndou Loí aa maa w̃ɔ́i w̃ááh̃u béle aáva nuí síí w̃ɔ́i taa ɣɛ́ ma Nyaama W̃ɔ́i ɛi hómbo ɔ́ɔ́ faa fíli kɛ́ ngáá maa w̃ɔ́i.