JIMISÍ 1:26 - Kɛ́lɛ Niinaí

²⁶ Ná nuu fíli áá gisíya ngáá kɛ aá lɔ ngáá Ngala fɛ́li mɔ́ɔ́ vanda, aáva ɛi nɛɛ tó nɛɛ túwɔ, kɛ aá lɔ́ɔ bɔwɔ́ vɛ́lɛ, ngi Yála fái va pele áá su.

JIMISÍ 1:26 Iomraidhean Croise

MÁFIYU 15:9

Kulasuunúma aa ti yɛ fɛ́lindai h̃u, bɔw̃álale, taá ɣɛ taá nuu búsa hávai ɣɛ ngáá nungáitii kíya kpéiŋ áá ɣɛ́ ngáá ní háva!’ ”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:7

Kulasuunúma aa ti yɛ fɛ́lindai h̃u, bɔw̃álale, taá ɣɛ taá nuu búsa hávai ɣɛ́ ngáá nungáitii kíya kpéiŋ áá ɣɛ́ ngáá ní háva!’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:18

Faalɔ, a w̃aah̃u belé ngáá wú wólilo kíli fái w̃a, bɔw̃álale nuí fíli ŋani áá ɣɛ́ ngeyá bíh̃i, ta áá bahá mba, kɛ́ nuí fíli ŋani ɛ́i ɣɛ́ ngeyá bíh̃i, sí ɣéle tɔ áá ɣɛ́ maa w̃ɔ́i gi má ngáá kɛ aá lɔ ngeyá, ɛi ló ngeya.”

KƆ́L̃E HESENDAA GƆLƆÍ 15:15

Í gúla bɛ́lɛ múl̃ɔ ná vólu, naá ɣɛ́ gulaní ngáá ndɛɛ gééla woo le mbélaa kɔwɔ́ato Ngalá mba, sífaa ní ndengɔ́ ngáá Ngala ngí Kílisitii wuyoɣéngɔ sái h̃u. Ná mbuyoɣe saa h̃ú háá ɛ́i ɣɛ́ su, kɛ Ngala ngáá mbuyoɣéngɔ hɔ́ɔ́ sái h̃u,

KƆ́L̃E HESENDAA GƆLƆÍ 15:2

Ngalángi gééla woo vandaí sí wú lókoheinga mbu, ná wáá ngeɣé ngáá hɛmbɛ́ fíli, wú wúmaawongi wúl̃a. Ná láá lé, kɛ nda ngí hɔ́ɔ́ wú su ngáá maa gééla woí kulasuunúma aa su.

KƆ́L̃E HESENDAA GƆLƆÍ 3:18

A wálaa bɔwɔ́ vɛ́lɛ! Ná nuu fíli áá ɣɛ́ wú lííwaa i ki má ngáá kɛ kele ɣelengɔɔ lé ngeleí sí wu háitii su, kule lɔ́ maa w̃ɔ́i w̃a í gútɔ kɛinɔɔ́ kele ɣeléngɔ í ɣɛ́ la gíte.

GALÉSIYA 2:6

Nungái sítii naa Yála fɛli mbélai ti ɣɛ́i taá tí yeɣé ngáá ngutuwɔ́ yélaa, ti ɣɛ kíli i ɣelé ɣɛ́i na fíli taá gba ngááh̃u. Sífaa, Ngalá ngɛ́i nuu gɔ́sɔ kpatɛ gilíi w̃a nduwú w̃a. Ngutuwɔ́ai nátii kele tɔ taá ndááhi níína fíli mbóni ngáá ngé kééla woí sí lé fááw̃a.

GALÉSIYA 2:9

Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.

GALÉSIYA 3:4

Faí sí wú híyangɔ su kɛ wáá kúlasuunuma fíli sɔ́lɔngɔ su? Ndángɔ la gíte wú kúlasuunuma w̃aahɔ́lɔngɔ su.

GALÉSIYA 6:3

Ná nuu fíli áá gisíya ngáá kɛ laá lɔ́ ngáá ngangímba w̃ɔ́ɔ́ wála, laáva aa ngáá ngangímba w̃ɔ́ɔ́ wála fíli, kɛ aá lɔ́ɔ bɔ́wɔ vɛ́lɛ nɔ́ɔ.

Ɛ́FƐSƆ 4:29

Ngoo ỹɔ́u ỹɔ́u álaa ɣɛ́ áá gúla wú la. Wú láá wóitii ti ɣɛ́ ngáá ngoo vánda vándaa táingi fíli ma ngáá sítii taá mɛ́ni, í tí gúla faa h̃u.

Ɛ́FƐSƆ 5:4

Aa pele w̃a ngáá ngufe tála woo ɔɔ tamál̃a ngóó ɔ́ɔ́ ɣɛ́ áá gúla wú lá kɛlaa seemɔɔ woo kɔwɔ́ato nyah̃áa taa siỹɛ fáa wa, kɛ́ laá ɣele, a waayaa sɛ́ɣɛɛ gula Ngalá má.

KƆLƆ́SE 4:6

A waayaa yɛ́pɛ nɔ́ɔ fɔ́ ngáá pangɔ ááyaa la nungáá woli h̃u. Ná nuu fíli áá wú w̃ɔ́ɔ́ni, a ngoo yápote ngáá pangɔ ngáá tɔɔỹaá véle.

JIMISÍ 1:19

Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 1:22

A waá bɔ́wɔ vɛ́lɛ ngáá ngoli lóngi nɔ́ɔ wáá mbó Ngalángi gééla woí w̃a, kɛ́ aá ɣéle, a hiya ngáá sí wáá mɛ́ni.

JIMISÍ 2:20

Faa yátɔ mba tála w̃ɔ́ɔ́ waa ngáá í ye, í lóngɔɔ lé ngí ngákɛ naa ngáá í ye kíya pele áá ndángi h̃u nuu áá ɣɛ́ su ngáá Ngalá ɛ́i maah̃ú háá ɣɛ?

PÍTƐ HESENDAA GƆLƆÍ 3:10

Pɔnɛngɔ́ɔ́ lé Ngala Kɔ́lɔi h̃u, sí vá pɔ́nɛngɔ aá wáá ngáá sí, “Nuí fíli áá ɣɛ́ loí í liivó kɛ ndɛɛh̃úi sí h̃u, ná vólu, ngi ndá yéteyangi í ɣɛ́ vái ma, kɛ maa w̃ɔ́i ɛ́i ɣɛ áá ngoo ỹɔ́u ỹɔ́u nde, ná vólu, í be ndɛɛ gɔ́ɔ́landai wa.