JIMISÍ 1:25 - Kɛ́lɛ Niinaí

²⁵ Kɛ́ Ngalá ndaa wói í ngáá savaí tɔmbema w̃áá fíli áá mba, aa nuu wúmaawo. Nuí sí áá kála ngáá pangɔ́ aáva í ndi ngu ma ngáá sí ɣɛndáá áá ɣɛ́ kálani aáva ɛ́i lééw̃a sí w̃a áá ɣɛ́ mɛ́nini, kɛ́ í wáá kɛ, sí fíli áá lóko víli su aa ɣɛ ngáá faa vánda faaw̃a.

JIMISÍ 1:25 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:28

Kɛ́ Jísu i ngoo yápoteni, i ɣɛ ma, “Aá lɔ ngáá faa vánda sítii faaw̃a taá Ngalá ndaa wói ỹɛ́ni aáva tí goló mbu.”

NJƆÚ 13:17

Ná wú faí sítii kɔlɔ́ naá, ná wáá ti ɣɛ, aa lɔ ngáá faa vánda wú hááw̃a.”

NJƆÚ 8:36

Faalɔ, ná Ngalángi H̃íỹɛndou Loí áá wú wúmaawo, wú wumaawongɔ́ gíte aa ɣɛ lá fó fóndei.

TI GƐ́Ɛ́ HAÍTII 13:43

Ná naa nungáitii tí gúlani maakpɔ́i h̃u, Júsuai kpih̃íw̃aa ɛ́ɣɛ sítii taa ɣɛ́i ngáá Júsua tí bih̃íw̃aa ti ɣɛ́i náa lokohéini Ngalá sávaitii mbu ti hítɛ Pɔ́ɔni ngáá Bánaba volú. Aáva nátii ti yɛ́pɛni ti yelé tí nduwúh̃ulɛ ngáá ti ye kɛinɔɔ́ tí ndi ngu ma ngáá ndángi Ngalá fái h̃u, ti ɣɛ́ Ngalángi háá bɔwɔí h̃u.

TI GƐ́Ɛ́ HAÍTII 2:42

Tí hɛmbɛ́ kpɛ́lɛɛ púni Ngalángi géélaitii ti gálambongi h̃u ɛ́ɣɛ ti w̃aakpɔ́ndai mba ỹanda yílaa ɛ́ɣɛ Ngala fɛ́li ndááỹɛngi wóndai taa Ngala fɛ́lindai h̃u.

TI GƐ́Ɛ́ HAÍTII 26:22

Kɛ́ Ngalá ngí longá bɔmá mbá í ló su í fólo hááwɔ holoí kái kái má. Faalɔ, nyá lɔ hááwɔ lóóni mbéinda ngáá tɔɔỹáá wói le wú kpɛ́lɛɛ má tɔ́iŋ kpéi wɛ́i wú ngáá tɔwɔ́ mba yélaa ɛ́ɣɛ tɔwɔ́ mba lála yélaa. Ngáá faa fíli ndéma í gúla sí vólu Ngalá ndaa háá lé mbélaitii taá Muuséni tí ndéni ngáá aá lɔɔ vá ɣɛ́ma.

LÓÓMI 11:22

Wú ɣɛ́a náá kɔlɔ́ kíya Ngalá faa bɔwɔ́ngɔ, ná vólu, kíya áá bándi bándi héi nuu w̃á. I bandí bándi héini sítiini ma tí vólu yáfeni mba, kɛ́ í ngí háá bɔwɔ́i ɣɛ́ wú yɛ. Aáva aá lɔ́ɔ ndí ngu ma ngáá ngi háá bɔwɔí ɣɛ́ndaa wú yɛ́ ná nɔ́ɔ léi wáá ndí ngu ma ngáá ndangí wú sú lá kɔwɔ́ato ngi háá bɔwɔí wá, kɛ́ ná láá le aa wú béteve wa.

LÓÓMI 2:13

Aá ngáá Ngalángi hávai ỹɛ́nindaa lɔ áá nuu ɣɛ́ ngáá telembo mɔ́ɔ Ngalá ngaah̃ú kɛ́ nuu hiyalái lá.

LÓÓMI 7:12

Kɛ́ ná fíli sú, hésendaa hava gɔlɔítii ɛ́ɣɛ ná vólu w̃áá hávaitii Ngála ngí ndáni faa fíli aa ti wa tiyá lɔ pele w̃a aáva ti ngáá faa vánda.

LÓÓMI 8:15

Maa Ỹínangi ɛi kɛ ngáá háwu wɔɔ ɣɛ́ ngáá nduwɔ lopóa ɣɛ́ kíli Ngalá ngeyá wɔɔ ɣɛ́ wáá lúwa mba. Kɛ́ áá ɣéle, áá kɛ ngáá háwu wú ɣɛ́ ngáá Ngalángi léngaa, a múwaa tóli ngáá a mu kɛ́ɛ́ɣɛ.

LÓÓMI 8:2

Hɛ́ɛ́ma Ỹínangi aa kɛ ngáá háwu wú ndɛɛh̃u gítei w̃ááhɔlɔ áá gúla Jísu Kílisitii yaa. Ná vá tɔ áá wú wúmaawo faa ỹɔ́u ɣɛ́ndai yaá ɛ́ɣɛ sái.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 13:5

A gísiya gíte ngáá bɔwɔ́ ngáá pangɔ́ wú tɔ́ ná wɔ́lii Jísu lángi áá ɣɛ́ wú h̃u. Wú ɣɛ́ kɔ́lɔ gíte ngáá Jísu Kílisitii háá lɔ wú líí h̃u. Ná wɔ́lii nga ngáá ɣɛ́ kpál̃au ngáá kɛ Jísu aa wú líi h̃u, kɛ wú bááh̃anga bɔ́wɔ wu.

GALÉSIYA 2:4

kɛ kíya bɛ́lɛ siỹɛngáá lɛ́ingaa tí ɣɛ́i loí ná í ɣɛ́. Nungái sítii tí ɣɛ́i taá kúla ngáá tiyá lɔ ngáá mu mbála Yála fɛ́li mbélaa ti ta, kɛ́ tí ɣɛ́i nɔ́ɔ ngáá ngasɔbɛ́ mbélaa. Ti vílii nɔ́ɔ kuuwuí sí h̃u ngáá tí ɣɛ́ faa wɔ́lɔ kɔwɔ́ato maawalóngi wá í wóni ngáá ni ye ni báha gilíi w̃a Jísu Kílisitii wa. Ti ɣɛ́i loí tí ni ɣɛ ngáá nduwɔá Júsuaitii ti Yála fɛli kíli hávai wú.

GALÉSIYA 5:1

Á maá mɔ́ɔ ngáá nduwɔá bɔw̃álale Kílisitii i mu wúmaawonga. Faalɔ, aa ngumááwongi hái yeɣé ngáá hɛmbɛ́, wálaa mɔ́ɔ ɣɛ ngáá nduwɔá ɣɛ́ kíli.

GALÉSIYA 6:2

A waayaa bɔ́ ỹɔw̃ɔ́ ỹɔ́w̃ɔ wá wú háa bɔlundáitii su. Ná wáá ɣɛ́ wáá sí ɣɛ, kɛ wá lɔɔ gólo Kílisitii hávaitii mbu.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TÍMOTI HESENDAA GƆLƆÍ 2:15

Kɛ́ ná nyah̃ái áá ndí ngu ma ngáá ndangí áá ɣɛ́ sú ngáá Jísu Kílisitii, ná vólu, í ló ngáá ngi mbála Yalá fɛ́li mbélaitii, aáva tɔmbema w̃aa fíli ɛi ɣɛ́ mba, íwaa bɔ́wɔ h̃uuhóu w̃a, kɛ ngumáá áá wó ndou léndai w̃aa véle w̃a.

TÍMOTI HESENDAA GƆLƆÍ 4:16

Bɔwɔ́ w̃ááh̃u béle, ná vólu, yí w̃ááh̃u béle ngáá kalambongí yíwaa mbo. Ndi ngu ma ngáá sítii kɛndáá bɔw̃álale ná yáá sí ɣɛ, yáá bɔ́wɔ wúmaawo ɛ́ɣɛ sítii taa ɣɛ́a wolílo í w̃a.

HÍBULU 12:15

A ndama ngáá kɛinɔɔ́ nuu fíli álaa vólu yáfe Ngalangí háá bɔwɔí wa. A w̃aah̃ú béle ngáá nuu fíli ndíí álaa ỹááni ɔ́ɔ́ nungáá wú ngapóte. Nuu lááli ná aa nungáá bih̃íw̃aa ɣɛ́ kíli ỹaaní.

JIMISÍ 2:12

Wú yɛ́pɛ gilíí ɛ́ɣɛ wú lúva gilíí tí ɣɛ ngáá nuí sí Ngala ngáá va kɔ́sɔma ngáá savaí sí áá nuu wúmaawoma kɔ́sɔ su,

PÍTƐ HESENDAA GƆLƆÍ 2:16

A ɣɛ́ ngáá kíya nungáá taa ɣɛ́ na tɛi ɣɛ́ ngáá nduwɔ lopoá. Kɛ́ ná fíli su, ná álaa kɛ náá ngáá háwu wɔ́ɔ́ ɣɛ́ wáá fáa ỹɔ́u ɣɛ́ wɔ́ɔ́ ɣɛ́ wáá maa lɔ́ɔ́wu, kɛ́ aá ɣéle, a ɣɛ́ ngáá Ngalángi lúwɔ lopoa ɣɛ kíli.

NJƆÚ HESENDAA GƆLƆÍ 2:24

Faale, keela wói wú mɛningɔ́ tɔ́kula héimai wɔ́lɔ í ló wú gí ma ngáá pangɔ́. Ná maa gééla wói áá ló wú gí ma ngáá pangɔ́, kɛ wáá Ngalángi H̃íỹɛndou Loíni ɛ́ɣɛ Kɛɛɣɛí Ngála wú báhangɔ aa ɣɛ́ lá su hɔ́wɔ fíli.

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”

FAA YÁKƐ KƆ́LƆI 22:14

Aá lɔ́ ngáá faa vánda sítii faaw̃a ti ɣɛ kíli gulangɔ́ ngáá kíya nungáá taa w̃áá gúla wúya fó. Tiyá vá tɔ naa gúlangɔ kɛ́lɛma ti yɛ ngáá tí ngúlu wángi sí ỹɛ áá ndɛ́ɛ́h̃u gítei hé, ná vólu, ti wála sasaí lá tí lí taa walái h̃u.