JIMISÍ 1:21 - Kɛ́lɛ Niinaí

²¹ A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

JIMISÍ 1:21 Iomraidhean Croise

MÁFIYU 5:5

Nungái sítii ti h̃u áá wɔ́ɔ́lɔ, aá lɔ́ ngáá faa vánda ti haáw̃a, sífaa tiyá lɔɔ vá Ngala kúúlongaitii maahɔ́lɔma.

NJƆÚ 6:63

Hɛ́ɛ́ma Ỹínangi aa kúnafɔ lɛ́ɛ́h̃ui he, kɛ́ nuu búsa yákpa ngɛi faa fíli kɛ́ su. Ngoí sítii ngí ndénga wú w̃a tiyá lɔ́ táa kɛ ngáá háwu Hɛ́ɛ́ma Ỹínangi áá ɣɛ́ wú vólu ɛ́ɣɛ í kɛ wú kúnafɔ lɛɛh̃uí w̃aahɔ́lɔ.

NJƆÚ 6:68

Kɛ Sáimɔ Pítɛ i ngoo yápotenga, i ɣɛ ma, “Kɛɛɣɛ́, naá lí ele yelé? Ngoi kúnafɔ lɛ́ɛ́h̃ui í su, yá lɔ́ í í yáá.

TI GƐ́Ɛ́ HAÍTII 10:33

Ná lɔ i kɛngɔ́ ngí keelá lɔ́vengɔ í vóma ngamá. Laáva i ɣɛa ngáá faa vánda ngáá yí váánga. Ni kpɛ́lɛɛ niỹá lɔ náá mbéinda Ngalá kákala ngáá ní wólilo sí kínɛi ma Ndemɔí Ngála ngí ndéngɔ í w̃á ngáá yí nde ni w̃a.”

TI GƐ́Ɛ́ HAÍTII 13:26

Pɔ́ɔ í mɔ́ɔ ɣɛ ta, “Mu mbálangaa, muỹɛ́i mu ngáá Lébilah̃au laala lengáitii ɛ́ɣɛ wɛ́i wáá ngáá Júsua kɛ́ wáá Ngala fɛ́li, a muỹá lɔ ti keela woí sí léi mu yɛ kɔwɔ́ato ngumaawóngi wa, tí tɔvengɔ́ mu yelé.

LÓÓMI 1:16

Ngáá wúfema ngáá Ngalángi gééla woo vandaí bɔw̃álale, aá lɔ í ngáá Ngalángi yákpangi ngumaawóngi hááw̃a nuu fíli fááw̃a áá lá la. Maifɔ́lɔ mbélaitii í ɣɛ́ngɔ ná ti haáw̃a tiyá wáá ngáá Júsuaitii, náa vólu yélaitii mbaa ngáá sítii taa ngáá Júsua.

LÓÓMI 11:17

Wɛ́i wáá ngáá Júsua wú gúlangɔɔ lé ngáá ngulú yékei áá gúla ɔ́levi wuluí sí wa áá hále nɔ́ɔ bɔwɔ́ yɛ ndɔbɔ h̃u, ngáá nuu áá kpáha ngúlu wa aa sí ngáá í bátɛ. Wá lɔ́ náá ngulú yékei sítii ti vomá tí tí levéni mba. Náá hááw̃a, wá lɔ́ɔ liivó kɛ́ náá ngáá nɛ́ɛ́mai sítii taa yéi ngulúi w̃a taa wú báha mba.

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

KƆ́L̃E HESENDAA GƆLƆÍ 15:2

Ngalángi gééla woo vandaí sí wú lókoheinga mbu, ná wáá ngeɣé ngáá hɛmbɛ́ fíli, wú wúmaawongi wúl̃a. Ná láá lé, kɛ nda ngí hɔ́ɔ́ wú su ngáá maa gééla woí kulasuunúma aa su.

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

Ɛ́FƐSƆ 4:25

Náá hááw̃a, ndɛɛ gɔ́ɔ́landaa aa mɔɔ su. A mu yilá ngíla p̃ɛ́ɛ́ a mu ɣɛ́ ngáá tɔɔỹaá wóó le mbélaa ỹɔw̃ɔ́ ỹɔ́w̃ɔ w̃a bɔw̃álale a mu kpɛ́lɛɛ mu báhangɔɔ lé su Jísu Kílisitii wa.

Ɛ́FƐSƆ 5:4

Aa pele w̃a ngáá ngufe tála woo ɔɔ tamál̃a ngóó ɔ́ɔ́ ɣɛ́ áá gúla wú lá kɛlaa seemɔɔ woo kɔwɔ́ato nyah̃áa taa siỹɛ fáa wa, kɛ́ laá ɣele, a waayaa sɛ́ɣɛɛ gula Ngalá má.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TÁITƆ 2:11

Kule lɔ Ngala fɛ́li mbélaitii ma ti lúva h̃íí ná sífaa, Ngalá ngí ngi háá bɔwɔí yákɛnga. Ná wáá ngáá, ngumaawóngi áá mbo ngáá núu kpɛ́lɛɛ.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

HÍBULU 2:3

Ngimɔ́ɔ́ nɔ́ɔ mɔ́ɔ́ í ná ngáá Ndemɔí Jísu hése tɔ í fáá léni mu w̃a kɔwɔ́ato ngumaawóngi wa. Sítii pa tí ngoo ỹɛ́nini tiyá lɔ́ náá tí ngákɛngɔ ngáá mu ye ngáá kɛ tɔɔỹaá le. Ngalá bɛ́lɛ i ngakɛ́ngɔ ngáá mu ye ngáá tɔɔỹaá le ngáá faí sítii kɛ́ndaa bɛ́kpɛ. Ná wáá ngáá, káámaa haítii ɛ́ɣɛ kíndaa vilí fáitii kɛ́ndaa ɛ́ɣɛ múl̃ɔ kíya áá kɛ ngáá háwu Hɛ́ɛ́ma Ỹínangi áá ɣɛ́ mú volú kíya áá ɣɛ́ loí í ɣɛ́ mu yilá ngíla pólu. Ná ná áá ɣɛ, a maá ɣéle w̃áávela faa bámai wa Ngala ngáá vá ndáma mu w̃a ná á maá wóli híɣe ngumaawó kééla woo walaí sí w̃a Ngala ngí kúlangɔ kɛ́lɛma?

HÍBULU 4:2

Sífaa, Ngala kééla woo vandaí i lengá mú w̃a kíya nɔ́ɔ í léni mu káwalani ma. Tí Ngala kééla woí ná ỹɛ́nini, kɛ́ taá gulaní h̃úúnuma su bɔw̃álale, taá ɣɛ́i laí la.

JIMISÍ 4:8

A vuuva Ngalá mba laá bɛ́lɛ aa vuuva wú wa, a yáa wúya wɛ́i wú ngáá faa ỹɔ́u yélaitii, ná vólu, wú lííwolengɔ í ɣɛ́ la fó wɛ́i wú gí má haa áá yíla.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 1:9

Wú góóh̃unɛɛngɔɔ lé sífaa, ndangí wú su ngáá Jísu Kílisitii, pólu hái waa ngáá ngumaawóngi sí wúwaa maahɔ́lɔ.

PÍTƐ HESENDAA GƆLƆÍ 2:1

Ná ná áá ɣɛ, a bé naá nyaama haa ɣɛndái kpɛ́lɛɛ mbá ɛ́ɣɛ ndɛɛ gɔ́ɔ́landaitii ɛ́ɣɛ fáa lándai wa yaah̃ú kɛ́ ɛi ɣɛ wú líí h̃u. Ná vólu, a bé náa tólomai wa ɛ́ɣɛ ngoo ỹɔ́u léndai nungáá vékaa w̃a.

PÍTƐ HESENDAA GƆLƆÍ 2:11

Mu mbála vandáitii, nyá lɔɔ́ fái sí lé wú w̃a gíte, ngáá ná muỹá lɔ́ ngáá sotángaa ngeleí sí wu mú na, mú maavéla véle h̃u, wálaa bɔwɔ́ gula múl̃ɔ kɛlɛ́ma ndiivó kɛ́i yɛ́, ɔ́ɔ́ víli wú líí volú. Ndiivo kɛ́i áá vílii nuu líí vólu, ti lówah̃u ɣɛ́ kíli taá nuu h̃úúyafuw̃angi kulangɔ́ɔ́ lé ngáá kɔɔ áá ɣɛ́ nungáá lówah̃u.