JIMISÍ 1:19 - Kɛ́lɛ Niinaí

¹⁹ Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 1:19 Iomraidhean Croise

MÁFIYU 5:22

Kɛ́ nyá lɔɔ́ nde náa wú w̃á ngáá, nuí fíli tuungɔ́ áá ɣɛ́ la ngi mbálai yaá, taá vá ngáá maa w̃ɔ́i kóótii h̃u. Nuí fíli pá áá ngí mbála yɛɛlí, taá vá ngáá maa w̃ɔ́i kóóti walaí h̃u. Ná vólu, nuí fíli áá ɣɛ́ ngi mbála w̃a, ‘Ngambalámba w̃ɔ́ɔ́ waa ngáá í ye!’ Ná áá kɛ ngáá háwu Ngalá ngí maa w̃ɔ́i lɔ́ve njahááma wɔ́mbui h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:37

Jísu í mɔ́ɔ́ ɣɛ ta, “Ná Deevé bútei áa Ngalángi Lókolo Mbá W̃ɔ́i lóli ngáá Ndémɔi, kɛ aa ɣéle ɣɛ́ náá ngáá Deevé láála lóu?” Faŋaí sítiini ti wolilóngɔ í ɣɛ́i lá Jísu w̃a, i ti góóh̃unɛɛni.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:2

Faalɔ, nuu bíh̃i bíh̃i tí yátɛni mba ná ngáá ỹandá fíli aa loní. Kóngi bélaa ɣéle tɔ ngitíí ya toow̃aá áá ɣɛi na. Laáva i ɣɛi áá Ngala ngói le ti w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:1

Folo yílaa, páva gula mbélaitii ɛ́ɣɛ faa ỹɔ́u yélaitii, ti ɣɛ́i taá yatɛ́ mba ngáá tí wolílo Jísu w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:48

Kɛ́ taá pele fíli sɔ́lɔni mba ngáá tɔɔ́ kɛ bɔw̃álale hɔ́wɔ fíli nungáitii tɔ́ɔ́ ɣɛ bih̃í ngwala tɔ́ɔ́ yatɛ́ mba ma ngáá tí wolílo ndaa wóó w̃á.

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.

TI GƐ́Ɛ́ HAÍTII 10:33

Ná lɔ i kɛngɔ́ ngí keelá lɔ́vengɔ í vóma ngamá. Laáva i ɣɛa ngáá faa vánda ngáá yí váánga. Ni kpɛ́lɛɛ niỹá lɔ náá mbéinda Ngalá kákala ngáá ní wólilo sí kínɛi ma Ndemɔí Ngála ngí ndéngɔ í w̃á ngáá yí nde ni w̃a.”

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

TI GƐ́Ɛ́ HAÍTII 17:11

Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su.

TI GƐ́Ɛ́ HAÍTII 2:42

Tí hɛmbɛ́ kpɛ́lɛɛ púni Ngalángi géélaitii ti gálambongi h̃u ɛ́ɣɛ ti w̃aakpɔ́ndai mba ỹanda yílaa ɛ́ɣɛ Ngala fɛ́li ndááỹɛngi wóndai taa Ngala fɛ́lindai h̃u.

Ɛ́FƐSƆ 4:26

Ná wáá lúu, waa kɛ wú líí ỹɔi ɔ́ɔ́ kɛ wɔ́ɔ́ faa ỹɔ́u ɣɛ. Wálaa lúva túi ná h̃u.

Ɛ́FƐSƆ 4:31

Sí kpɛ́lɛɛ í wú h̃ú ngáá faa báálɛitii wú bé ti wa, wálaa ɣɛ́ wáá lúú múl̃ɔ kɛlaa maa wɔ́ɔ́ faa báálɛ héi gi má. Kpandɛ bandɛ́ mbóndaa ɛ́ɣɛ ngɛɛli pílindaa wú bé ti wa. Wálaa híli ngáá nuu fíli múl̃ɔ.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

KƆLƆ́SE 3:8

Kɛ́ a lokogúla náá faa ỹɔ́i sítii kpɛ́lɛɛ su. Na wáá ngáá, tuu wondái, ndiibándii ɛ́ɣɛ sílimai. Wálaa ɣɛ́ wáá ngɛɛli píli ɔ́ɔ́ ngoo ỹɔ́u fíli álaa gúla wú lá.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

JIMISÍ 1:16

Mu mbála Yalá fɛ́li mbélaitii wú ngáá ndíívo mbélaa, a waá kɛ nuu fíli ɔ́ɔ́ wú vɛ́lɛ.

JIMISÍ 1:2

Mu mbála Yalá fɛ́li mbélai, í ɣɛ́ wú w̃a ngáá kooh̃unɛ́ɛ́ wála ná faa báma bih̃íw̃aa áá lá wú w̃a,

JIMISÍ 1:26

Ná nuu fíli áá gisíya ngáá kɛ aá lɔ ngáá Ngala fɛ́li mɔ́ɔ́ vanda, aáva ɛi nɛɛ tó nɛɛ túwɔ, kɛ aá lɔ́ɔ bɔwɔ́ vɛ́lɛ, ngi Yála fái va pele áá su.

JIMISÍ 2:1

Mu mbála Yalá fɛ́li mbélai, wɛ́i wú lángɔ ngáá Ndemɔí Jísu Kílisitii lɛ́i kaámaangɔ, a waá nuu h̃úúwɔlɛ.

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

JIMISÍ 4:11

Mu mbála Yalá fɛ́li mbélai, a waa yɛ́pɛ ỹɔú ngáá ỹɔw̃ɔ́ ỹɔ́w̃ɔ. Nuí áá yɛ́pɛ ỹɔú ngáá ngi mbála Yalá fɛ́li mɔ́i ɔɔ i mbaaléve ngáá aa vélei, ná ná áá ɣɛ́, kɛ áá lɔ́ɔ yɛ́pɛ ỹɔ́u ngáá Ngalángi hávai aáva áá savaí wáágula. Ná wáá sávai wáágula, kɛ wáá góloma mbu kɛ́ wá lɔ héi mááh̃u ngáá mbaagúla mbélaa.

JIMISÍ 5:12

Mu mbála Yála fɛ́li mbélai, fái bíkpingi lɔ ngáá sí, a waá péle fíli mbó ngelegóóh̃u w̃a kɛlaa ndɔwɔlɔ́i sí h̃uu w̃a ɔɔ ŋani fíli nɔ́ɔ má kpósouŋ. Kɛ́ aá ɣéle faa fíli su, a lúw̃a nɔ́ɔ na wáá ɣɛ́ wáá kɛ ɔɔ wu léle ná wɔ́i ɣɛ́ wáá kɛ, kɛinɔɔ́ Ngalángi gɔ́sɔngi íwaa vá mbóma ngáá nungái kpɛ́lɛɛ, ta álaa ỹááni wú w̃a.

JIMISÍ 5:19

Mu mbála Yalá fɛ́li mbélai, a giséi sí w̃a. Ná wɔ́lii wú ta yílaa áá híɣe Ngala fái volú, nuu tá í kɛ ngáá háwu í yángaima Ngala fái h̃u. Nuí fíli áá kɛ ngáá háwu faa ỹɔ́u w̃ɔ́i áá vólu yafé ngi háá ỹɔítii mba, kɛ i maahaalónga kúnafɔ sái yaá aáva Ngalá ngáá ngi w̃ɔ́i háá ỹɔu bih̃i bih̃ingái suuhaaló.

NJƆÚ HESENDAA GƆLƆÍ 2:21

Náá hááw̃a, ngáá kɔlɔí sí vɔ́nɛma wú yéle sífaa wáá tɔɔỹái wɔlɔ́, kɛ́ aá ɣéle, nyá lɔ́ɔ pɔ́nɛ wú yéle sífaa wú tɔɔỹái wɔlɔ. Ná vólu, wú suuwɔlɔ́ ngáá ndɛɛ fíli ɛi gula tɔɔỹaá h̃u.