JIMISÍ 1:18 - Kɛ́lɛ Niinaí

¹⁸ Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

JIMISÍ 1:18 Iomraidhean Croise

NJƆÚ 1:13

Taa ɣɛ́i ngáá Ngala ndéngaa kíya nungáá taa ndou lé. Ná wáá ngáá, kíya siỹɛni taa nyah̃á taa bíti w̃a, kɛ́ Ngalá kítei lɔ í kɛ́ngɔ ngáá háwu tí ɣɛ́ ngáá ngi léngaa.

LÓÓMI 4:17

Maa hái waa nɔ́ɔ kíya pɔnɛngɔ́ Ngala Kɔ́lɔi h̃ú, sí vá pɔnɛngɔ́ aá waa ngáá sí Ngalá ngí ndéni Lébilah̃au w̃a, í ɣɛi ma, “Nyá lɔ́ɔ í ɣɛ́ ngáá kɛɛɣɛ́ nuu bíh̃i bíh̃i faaw̃a ndɔwɔlɔ́itii su ngeleí sí wu.” Kuulóngi sí va Ngalá ngí mbóni ngáá Lébilah̃au sífaa, ndangɔ́ í ɣɛ́i lá ngáá Ngalá lɛ́i áá kɛ́ ngáá háwu saa yelái ti yóóɣe sái h̃u lɛ́i mɔ́ɔ́ áá ŋáni sítii kpátɛ tɛi ɣɛ nɛ́nɛ ngelewu.

KƆ́L̃E HESENDAA GƆLƆÍ 4:15

Wú w̃ááliɣiaitii tɔɔ bɔ́ɔ́ ɣɛ ngáá nuu tásu púúngɔ Kílisitii w̃aa véle w̃á, kɛ́ kɛɛɣɛí i yíla wú yáá. Ngí ɣɛ́a ngáá kɛɛɣɛ́ wú hááw̃a kpahái wa wú su Jísu Kílisitii wa bɔw̃álale wú Ngalángi gééla woo vandaí w̃ááhɔlɔngɔ ngéya.

KƆ́L̃E GƆ́LƆI HELE KÉLEI 6:7

ɛ́ɣɛ tɔɔỹaá gééla woí náa nde ɛ́ɣɛ Ngalángi yákpangi h̃u í ní yaá. Ni lélembongi ní su, laá lɔ í ní yaá ngáá ni gɔ́ɔ́ wɔ nyáákai naa lápi la ni mɔ́ɔ w̃aaɣawó la.

Ɛ́FƐSƆ 1:12

kɛinɔɔ́ ní láa Ngála ndaaw̃áálɛ ngi yákpangi hááw̃a niỹɛí hése ni yaah̃ú í ɣɛ́ngɔ Kílisitii lúwɔ.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

TÍMOTI GƆ́LƆI HELE KÉLEI 2:15

Yenge ngáá hɛmbɛ kpɛ́lɛɛ kɛinɔɔ́ yí Ngalá ndiilɛi. Ɣɛ́ ngáá Ngalá ngénge mɔ́ɔ vánda ngáá yɛi wúfe ngáá ngengengí yíwaa mbo, yí ɣɛ ngáá nuu áá tɔɔỹáa gálambongi wo ngáá pangɔ́.

HÍBULU 12:23

Wú váánga Ngalángi léngaa liiwáá ndiyalaí ŋál̃aa gúlangɔɔ ti yɛ, tiyɛ́i ti laahéingaitii pɔ́nɛngɔ ngelegóóh̃u. Wú váánga naa Ngalá ngéle lɛ́i áá nuu kpɛ́lɛɛ kɔ́sɔ pele w̃a, ɛ́ɣɛ sítii ti h̃úúyafuw̃angaitii ti ngele tiyɛ́i ti ɣɛ́i ngáá telembo mbélaa Ngalá ngááh̃u tiyá lɔ́ na tiyɛ́i Ngala ngí ti ɣɛ kíli batɛngɔ́ fó fóndei.

JIMISÍ 1:15

Maa hái ná vá nuu áá maa líí víli góó ya ngwala ngáá faa ỹɔ́u, ngi gúlasuunumai aa ɣɛ ngáá faa ỹɔ́u ɣɛ́ndai. Faa ỹɔ́u ɣɛ́ndai va ngi gúlasuunumai aa ɣɛ ngáá kúnafɔ sái.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

JIMISÍ 3:14

Kɛ́ ná wu lííyatɛtɛngɔ áá ɣɛ́ la, wu lólomangɔ, ná vólu, wú béɣengɔ nɔ́ɔ bɔwɔ́ hááw̃a, ná ná áá ɣɛ́, wálaa maayónga tevé ngáá kɛ wú géle ɣeléngɔɔ lé wɔ́ɔ́ ndɛɛ vɛ́lɛ tɔɔỹái wa.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

NJƆÚ HESENDAA GƆLƆÍ 3:9

Nuí fíli áá ɣɛ́ ngáá Ngalángi ndá lóu, maa w̃ɔ́i ɛi ndi nɔ́ɔ́ ngú ma kélei ngáá faa ỹɔ́u ɣɛ́ndaa bɔw̃álale, Ngalángi ndá ɣɛ́ kílii kái kái áá ɣɛ maa w̃ɔ́i h̃u. Aáva sífaa í ngáá Ngalángi lóu, faale, ɛi hómbo ɔ́ɔ́ ndi ngu ma ngáá faa ỹɔ́u ɣɛ́ndai nɔ́ɔ.

FAA YÁKƐ KƆ́LƆI 14:4

Nungái sítii tɔ faa ỹɔ́u fíli áá ɣɛ́i ti h̃u, ná wáá ngáá, nápa taá ɣɛí faa fíli kɔ́lɔ kɔwɔ́ato nyah̃á háá wa. Tiyá lɔ́ɔ Mbaalaí sí vólu mbéi fíli áá lí na. Tiyá vá tɔ́ mɔ́ɔ ti wúmaawongɔ ngeleí sí wu. Nungáitii su, tiyá hése tɔ́ tí Ngalá ɛ́ɣɛ Mbaalaí hááw̃a.