JIMISÍ 1:17 - Kɛ́lɛ Niinaí

¹⁷ Faa vándai fíli a maá maahɔ́lɔ aáva tɔmbema w̃áá fíli ɛ́i ɣɛ́ mba, kɛ ná i gulangɔ́ ngelegóóh̃u. Ngalá pá tɔ áá ɣɛ́ féi a mu yaá, lɛ́i í ŋániaitii kpɛ́lɛɛ kpátɛngɔ tí ngeleya táá hólo, lɛ́i nɔ́ɔ́ mɔ́ɔ́ ɛ́i faa lé ɔ́ɔ́ síɣe ma ngáá volú yáfendaa kɛ kíya folói áá vólu yáfe kpindíí áá vɛ́lɛ.

JIMISÍ 1:17 Iomraidhean Croise

MÁFIYU 7:11

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú náá wɔlɔ́ kíya wáá ŋani vandá hé wú léngaitii ngeyá, kɛlaa maa wú Kɛ́ɛ́ɣɛ Ngalá í ngelegóóh̃u, laa ɣéle p̃ɛ́ɛ́ aa ŋani vanda hé bih̃í sítiini ngeyá taá mɔɔní faaw̃a!

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:13

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú naa wɔlɔ́ ŋani vandá héma wú léngaitii ngeyá, kɛlaa ɣéle p̃ɛ́ɛ́ wú Kɛ́ɛ́ɣɛ Ngalá í ngelegóóh̃u aa Hɛ́ɛ́ma Ỹínangi he sítiini ngeyá taá mɔɔní faaw̃a!”

NJƆÚ 1:9

Lámbo kiteí áá hólo nuu kpɛ́lɛɛ mbɛ́, i ɣɛi áá vá ngelewu.

NJƆÚ 3:27

Kɛ Njɔú í ti woo yápotenga, i ɣɛ ti w̃a, “Sí fíli nɔɔ́ léi nuu áá mááhɔlɔ, aa gula Ngalá ngeyá.

NJƆÚ 3:3

Jísu i ngoo yápoteni, i ɣɛ ma, “Ngí tɔ́ɔỹai le í w̃a, nuu fíli ɛi ɣɛ Ngalángi w̃ásandai wu ná maa w̃ɔ́i ɛ́i ɣɛ́ nde mááhɔlɔi volú.”

NJƆÚ 8:12

Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”

TI GƐ́Ɛ́ HAÍTII 11:18

Ná ti sí ỹɛ́nini, faa véka fíli aa mɔɔ ɣɛi ti la tɔɔ́ nde. Kɛ́ ti ɣɛ́i nɔ́ɔ taá Ngalá ndaaw̃áálɛ, táá ɣɛ́ ta, “Ngalá ngí kɛngá ngáá háwu sítii taa ngáá Júsua bɛ́lɛ táa volú yáfe faa ỹɔ́i wa, táa ndɛɛh̃u níína w̃aahɔ́lɔ sí í ngáá kúnafɔ lɛ́ɛ́h̃ui.”

TI GƐ́Ɛ́ HAÍTII 5:31

Ngalá ngí ngu tɛngá kélei í séi ngufema ỹándai bela ngi w̃ásandai h̃u ngáá Ngutuwɔ́ ɛ́ɣɛ Ngumaawó Mɔ́i kɛinɔɔ́ ngumaawóngi í hé Ísulɔ yeláitii mbɛ tí vólu yafé ti háá ỹɔítii mba ɛ́ɣɛ ti h̃úúhaa í ló.

LÓÓMI 6:23

Pavaí nuu áá mááhɔlɔ faa ỹɔ́u ɣɛ́ndai h̃u aá wáá ngáá sái. Kɛ́ Ngálangi hémbɛ wɔ́lingi waa ngáá kúnafɔ lɛ́ɛ́h̃ui lɛ́i nuu áá mááhɔlɔ kpahaí wá nuu áá ɣɛ́ su a mu Lemɔ́i Jísu Kílisitii wa.

KƆ́L̃E HESENDAA GƆLƆÍ 4:7

Kɛ ele lɔ í wú lɔ́vengɔ wú mbála vekáitii mba? Bɛɛ́ gíte lɔ í wú yáá wáá mááhɔlɔngɔ Ngalá ngeyá? Kɛ ndeénii le hɔ́ɔ wáá maayónga tevé kíya kpéi sí í wú yáa ɛ́i ɣɛ́ ngáá fembɛ wɔ́li?

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 2:8

Ná wáá ngáá, Ngalángi háá bɔwɔí lɔ í mú wúmaawongɔ la ndangí w̃áá véle w̃a a mú su la. Aa ngáá mu yénge panda haa lɔ Ngalá ngí mú wúmaawongɔ faaw̃a, kɛ́ Ngala máábatɛ te nɔ́ɔ. Náá hááw̃a, nuu ɛ́i maayónga tevé.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

TÍMOTI HESENDAA GƆLƆÍ 6:16

Ngalá ngílaa kpé pá tɔ ɛ́i há kúnafɔ, aá lɔ lámbo fo ngwalaí sí yá nuu fíli ɛ́i hómbo ɔ́ɔ́ bɛ́ɛ́ mba. Nápa nuu fíli áá nɛɛ tɔ́i, nuu fíli pá ɛi hómbo ɔ́ɔ́ tɔ kúnafɔ. Bɛlɛ́ ngufema í ɣɛ́ mbɛ, ngákpa ngí ɣɛ́ ngeyá kúnafɔ! Amíína.

HÍBULU 13:8

Jísu Kílisitii ɣɛ kíli w̃aa ɛ́i lóvi sí h̃úi, laá va maa áá lóvi wɔ́lɔ, maa vá ngɛi lovi kúnafɔ.

JIMISÍ 1:5

Ná wú tá fíli áá ɣɛ́ na kele ɣelé ngɛ́i ɣɛ́ mbɛ, í Ngála fɛ́li ngáá Ngalá ngí kɔ ngáá kele ɣelé. Ngalá pa, lɛ́i áá ŋáni he nuu kpɛ́lɛɛ ngéya ngáá ndiiwolé ɛ́i bóɣi kpoɣí, aa fé maa w̃ɔ́i yaá.

JIMISÍ 3:15

Kele ɣelé táálii ná ɛi gula Ngalá ngeyá kɛ́ aa ɣɛ ngáá ngetéyangi sí h̃uu géle ɣelengí sí Hɛ́ɛ́ma Ỹínangi ndá ɛ́i ɣɛ́ mba, kɛ́ aa ɣɛ gulaí ỹína nyɔítii ngeyá.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

NJƆÚ HESENDAA GƆLƆÍ 1:5

Keela wói va Ngalángi H̃íỹɛndou Loí í ndéngɔ, náá nde wú w̃a aá waa ngáá sí, Ngalá tɔ́ ngáá lámbo fo kɛ kíli aáva aa ngáá kpindí h̃u w̃ɔ́ɔ́ kulo bɛ́lɛ.

NJƆÚ HESENDAA GƆLƆÍ 4:10

Ndongí gítei aa ngáá ndongí mu sú ngáá Ngala kɛ́ aá wáa ngáá ndongí Ngala ngí su ngáá mu ye í ngi H̃íỹɛndou Loí lɔ́vengɔ ma ngáá saáɣa a mu háá ỹɔítii suuhaaló fááw̃a.

FAA YÁKƐ KƆ́LƆI 21:23

Taa walái sí aa ɣɛi bɛndɛí fólo hááw̃a taá ngálu, bɔw̃álale Ngalángi múw̃a muw̃angí lɔ́ áá naa ɣɛ́ kpál̃au. Mbaalaí lɔ í ná ngáá lámbongi.

FAA YÁKƐ KƆ́LƆI 22:5

Kpindí ɛ́i mɔ́ɔ vɛlɛ taa walái ná h̃u aáva lámbo ɔɔ foló kpɛ́ndɛ ɛi mɔ́ɔ ɣɛ nungáitii mba bɔw̃álale Ndemɔí Ngála aa ɣɛ́ ngáá ti lámbo tiyá vá taá ɣɛ́ ngáá ndɔwɔlɔ́ w̃ásangaa kúnafɔ fááw̃a.